لعنة الأجـدع'101'

البارت السادس

|
‏”وحين نظرتُ إليه مرةً أخرى وأنا خالٍ من الحب، قلت في نفسي:
ماهو ذلك الشيء الذي كان به يا تُرى
حتى ركضت كل تلك المسافة إليه؟"
—————————-

طلعت من مكتبي وصلت ل مكتب ابويا اخذت زفير شهيق ودخلت علية

::- عندي موضوع وياي لازم احجي بي

ابتسم بفرح وحجة::- كعدي بوية كعدي

ضليت واكفة اباوعلة برود حجيت::- ماكو داعي اكعد احجي وانا واكفة واروح

::- لهل درجة ما حابة الكلام وياي بوية اشوفج متوترة وكوة حاملة نفسج?!!

تجاهلت كلامة وحجيت::- قبل خمس ايام انقطعت الكهرباء علية وانا جنت كاعدة بالغرفة.......

رجعت بذاكرتي من انقطعت وحسيت الباب تنفتح من رجعت للبيت وشفت اثار الزراق ع اسفل ضهري

للحظات خفت وتوترت منو هل شخص اليكدر يدخل بين كل هل حراس برة اكيد يعرفنا حق المعرفة معقولة هو رجع!! لا ما اعتقد قبلها بيوم اتصل بية فرقد وسمعت صوتة بالمكالمة بس منوو

ومن فتحت الكامرت ما لكيت اي شي من هل كلام وانا متاكدة مو حلم هذا حقيقة

فزيت من ذاكرتي واشوف وضع ابوياا الي احتقن وجها الخوف وتوتر حجة هو يرجف::- ب ببو ية ب بس لا اخذ شي من ملفاتنا?!!

صفنت بوجها ما كال بس لا اذاج او سوالج شي فكر بالملفات والشغل وما فكر بية?!! بس ليش استغرب اكو داعي اكو اهلي ربهم الفلوس!!!!

حجيت::- لا ما اخذ شي هذا لعب زعاطيط جاي يلعب ويانا مجرد يريد يخوف وترهيب لا اقل ولا اكثر لو بي خير جان طلع بوجوهنا وسوالنا شي اعتقد هذا مشاهد افلام هواي وحب يطبقهن ع واقع بس وين يروح مني

::- بس يبقى مخفي وما نعرف جنسيتة واعتقد هاي كلها تمهيدات حتى يقضي الضربة القاضية

صفنت بكلامة وللحظة حسيت بخوف طردت افكاري وحجيت ببرود::- على عموم جايتك حتى ارفع قضية تخص هل موضوع وان كان العدو المفروض ما نستهين بي

هز راسة مأييد كلامي هزيت راسي وطلعت من الغرفة اتصلت بية السكرتيرة وكالت::- ست عندج ضيوف يردون يلتقون بحظرتج

::- جاية

ردت اطلع قابلني احد الموضفين وكال::- ست المدير يستدعيج لغرفتة

::- كول طرئ الها عمل و لازم تروح

::- ست اكد علية تجين رجاء لا تخليني ب موقف مع المدير

تنهدت عفتة ودخلت مستعجلة وكف حجيت سابقتة::- شنو الصار مو جنت وياك افكارك ما تجي الا وقت عملي الخاص

::- مهرة لكيت حل لازمتنا...

::- بعدين بعدين رايحة عندي ضيوف بمكتب المحاماة