لعنة الأجـدع'101'

بارت الثالث والاربعون

أنهُ مِن ذلِكَ النوع الذي لا يُمكِن
أن تُحب بَعده أبداً أنهُ يأتيّ ليَكون الأخير💙.

═┈═┈═┈═┈═┈═┈═┈═┈═

السلام عليكم بنات شلونجن ان شاء الله تكونن بخير

حسابي الواتباد تابعوshok22_alabsaoya

قراءة ممتعة.  دمتن بــ خير دائماً 🫂❤️

الكاتبة شوك 🦋💙

═┈═┈═┈═┈═┈═┈═┈═┈═

مـــيـار::- شنوو بحـر??!!

ارتبكت وصفن بــ وجهي ابتسم لكن بسرعة اختفت ابتسامتة وحمحم::- ااا احم شسمة هو العفو توهمت

باوعتلة بــ شك هو متوتر ويعصر بــ ايدة ويمسح بــ كصتة ويهز بــ رجلة اخذ نفس عميق و اردف::- المهم مـــيـار شكلتي?!

::- ما كتلي شنو موضوعك أنت تحجي وبالك يم بحر?!!

تنهد ومسح وجه يستغفر::- قسم بــ ذات الله خربطت مـــيـار متوتر ومشلوع كلبي خايف ترفضي انــا ما صدكت اليوم الـــي تجين بي وتكولين موافقة

سكتت واحس طنكرت حيل مهما صار هو زوجي وابقى انــا على ذمتة واضوج اذا باوع او فكر بــ غيري!!!

::- مـــيـار حاب بــ عطلة نصف السنة نتزوج

فتحت عيوني معترضة و اردفـت::- شدعوة ما بقالها بس شهرين وبعدين راح تجي الامتحانات وراح التهي بيهن وين الحك اجهز نفسي

::- مـــيـار تعبت تبهذلت الله وكيلج وراح تروح انفال انــا منو الـــي يمعودة ولله مليت

سكتت مسح وجه و اردف::- شوفي مـــيـار ولله العظيم حيل متبهذل صح انفال ما مقصرة بس البنية هم تعبت كلة عليها كلة عليها

وهسة راح تروح وي ذو الفقار و ابقى انــا  منو الي ها?!! افهميني ولله العظيم وحدي ومتبهذل حيل

هزيت راسي بــ اي واكو غصة صارت بــ نص كلبي اشوفة ابتسم وهز راسة ولا فرحان الموضوع عندة اقل من العادي استغربت وين الجان قبل كم يوم يسحل بية ويصرخ وافقت عوزة يدخلني بــ ضلوعة

غسلت عن الموضوع و اكو خنكة بــ نص روحـــي مجاي تسكن ضليت كلي ارجف بعد اقل الشهرين واصير زوجتة ل فرقد

ما كدرت حتى احجي وطلبت من عندة نرجع حتى ما اكلنا والغريب هو هم ما عارض بس ودة نكوم!!!!

وصلنا وجان وقت حلة واكو طلاب هواي طالعين برة بدون لا يباوعلي اردف::- اتصلي بــ البنية خل تجي

هزيت راسي وفعلا اتصلت بــ البنية جانت سيارتنا صفيناها عبر الشارع والخطوط والسيارات تشخط شخط

والبنية واكفة على رصيف تتقدم خطوة وترجع خطوة وخايفة من الدراجات والسيارات ما تكدر تعبر