عروس الجنوب

مشهـد

: تعاي يا ساقطه تعاي كشفتج تكليلي ليش تشك بيه مو اعرفجن يا جنس حواء كلجن خاينات الخيانه تمشي بدمجن

: صبر صبر شبيك  ليش تغلط وهذا الولد منين

: ما تعرفينه خطيه فقيره

: لا ما اعرفه

: كتلك ما اعرفكم والبنيه ما اعرفها والله والمفتاح اخذته من جوه

: اي تبريتو من السالفه  انته وياها اني اعرف شغلي وياكم انته هسه اسلمك للامن مال الفندق وانتي اصبريلي

: اني منا تعبانه منا هذا الصار كلشي ما مفتهمه منه طلع ثواني ورجع عليه اجه مثل الصاروخ سحلني من شعري وشمرني  بالكاع الي فتهمته من صياحه جاي ياخذ موبايله شايف الولد كاعد على الجربايه وبيده جنطته

رغم الضرب الي ضربه الي والغلط والصياح ما هتميت بس الي كسر خاطري حته ما سالني شنو صار وهاي ردت فعله متوقعه من رجال شكاك مثله كلش عادي.............
كطعني تگطع بالحزام والضرب وشعري ملخه تملخ ويصيح ليش تخونيني تعب كعد كبالي خله ايده على وجهه وكام يبجي