لا تفهمني كما تريد ، إن صعب عليك فهمي إسألني وإقطع الشك باليقين أو أغلق بوابة ظنونك عني.
﹏﹏﹏﹏﹏﹏﹏﹏﹏﹏﹏﹏﹏﹏
الكاتبة فاطمه علي🦋
﹏﹏﹏﹏﹏﹏﹏﹏﹏﹏﹏﹏﹏﹏
فرح : غيث بس انته وعدتني اضل ادرس ليش هسه متقبل حرام عليك تره الي جاي تسوي تقهر امي بكبرها اذا حلم امي انو اكمل دراسة وتخرج من الجامعة
غيث : فرح ما اكدر افهميني لج اني اتخبل اذا احد باوع عليج شلون اكدر واني اعرف وياج ولد بالجامعه انتي تعرفين مساعه هذا صخام ماهر اني اله شويه مخرب معاني وجهه
فرح : غيث من يوم تزوجنا لليوم منتبه مجاي يمر يوم سلامات لازم نتعارك ولازم بكل مره انته تمشي كلمتك صح او خطا لازم تمشي تعبت اني من هل عيشه
غيث : ...............
فرح : ...............
ضلينا ثنينه ساكتين بس وصلنه للبيت نزلت بوجهي الغرفه حته يوم نجاحي ما فرحت والله تعبت اني من غيث احس ما عندي طاقه غيرت ملابسي ورجعت لفراشي ما نعسانه بس اريد انام اريد اشرد من الواقع ما اعرف شلون غفيت كعدت لكيته داخل مغير ملابسه وطالع امبين من الهوسه والكنترول المفتوح
كمت رتبت الغرفه وطلعت للصاله بس بملل لو ما جسمي كام يوجعني من النوم فلا اكعد لكيته جايب اكل من بره رحت غسلت وحميت الاكل طلعت مسلسل وكعدت اكل خلصت اكل كمت نظفت البيت كله شغلت قرآن بالبيت وطلعت كعدت بالحديقه غمضت عيوني ونتچيت على المرجوحه ما اعرف شكد مر وقت حسيت ايد غيث على وجهي
غيث : شلونج حبيبتي
فرح : هلو غيث الحمدلله
غيث : شنو رائيج نطلع نفتر شويه بالسيارة
فرح : لا مالي خلگ وتعاي بدلي عوفها على غير مره
غيث : براحتج
تركني كاعده لوحدي ودخل جوه متاكده كعد بالصاله حته يراقبني شجاي اسوي هنا لان مره نفس الشي هم كاعده اني بالحديقة ودخل هوه جوه جنت اخابر مروه واضحك جان اجه بسرعة اخذ الجهاز حته بدون ما يشوف كام يصيح الوووو الوووو انته منو
مروه كلتله شبيك عيني غيث اني مروه عاد هوه بوقتها فشل بس شكله جان كلش يخوف وعصبي هسه حركه وحده اسويها يطلع من البيت يجي يركض عليه بس مالي خلكه ...... حيل تعبني بموضوع الشك مالته اني سامعه الي عنده هل طبع صعب التعامل وياه بس ما جنت اعرف بهل صعوبه دمر حياتي وقتنا كله اذا فد حركه لو زلة لسان بعد شيخلصني
