لم أشعُر بأنني على قيد الحياة إلا بجانبها .
﹏﹏﹏﹏﹏﹏﹏﹏﹏﹏﹏﹏﹏﹏
الكاتبة فاطمه علي🦋
﹏﹏﹏﹏﹏﹏﹏﹏﹏﹏﹏﹏﹏﹏
فرح
دخلت لغرفتي كعدت على الجربايه واني اباوع على الغرفه كلها بكل تفاصيلها عشت بيها ايام واسابيع وشهور هل غرفه الها فضل علي سترتني من حر ومن برد ...... اخر يوم الي هنا من باجر ابدي حياة جديده باجر راح ابلش مشوار ومرحله جديده ان شاء الله اكون كد هل شي واتمنى اكدر اكمل صح ما احب سجاد ولا ابالي اتزوجه
بس سجاد رجال بكل معنى الكلمة كدر يحميني من الدنيا وما بيها
يحس هوه سبب كلشي وهل جاي يساعدني ويضحي عامودي واله منو يقبل يتزوج وحده اهلها ذابينها لو وحده مطلقه وره 3 اشهر من زواجها بس هوه قبل بكلشي
مرات اكول هوه سبب كلشي بس من اصفن اكتشف سجاد الخيط الي قطع علاقتي بــ غيث لان هوه غيث نفسه ما يثق بيها يعني احنه مطلقين بسجاد وبدونه
اتذكرت كل لحظه وياه
سجاد شي لطيف رب العالمين دزه الي كل هل فتره هوه سند واخ وصديق وكلشي بس ما كدرت احبه ما انكر معجبه بي وبشخصيته وبغيرته........
اتذكرت عيونه وسماره وصوته من يحجي وياي.......... كمت غيرت ملابسي ونمت ......... الساعه بالاربعه الصبح رن جهازي فتحته وجاوبت
فرح : الوووو. ....... احجي بنعاس
سجاد : صباح الخير يله كومي كافي نوم ورانه طريق
فرح : منوو
سجاد : هنيال امي اي والله ......احجي بكلبي ......... اني سجاد يله كومي
فرح : حباب بس اشويه انام
سجاد : ولج كومي يله عود بالسيارة نامي هسه بس اكعدي
فرح : تمام كعدت ...................
كمت غسلت وصليت وغيرت ملابسي
طلعت الاكل الي جايبه الي صح بارد بس اكلت منه لان جوعانه وخاف همات اذا ما اكل اتخربط بالطريق ... .........
لميت كلشي يخصني ضل فرغت الغرفه وطلعت قبل لا انزل اتصلت بي كال اطلعي يم السيارة ربع ساعه واني يمج ..........
اقل من عشر دقائق طلع من الفندق ركزت بشكله وترتيبه ونزاكته اباوع على ملابسه
لابس بلوز رگبه وعلي قمصله يجنن طالع لو لحيته الي مرتبها بشكل حلو من البارحة لاحظت بي تغيير هوه مغير قصة شعره ولحيته صاير مملوح يخبل وصل يمي واني صافنه بي
سجاد : شلونج
فرح : الحمدلله وانته
سجاد : الحمدلله زين ....... هااا نتوكل
فرح : اي يله .......صعد كل الجنط والغراض ونطلقنه
