عندما تتعثر الأحلام وتتلاشى الأماني، تصبح الحياة مجرد ذكرى حزينة تراودنا في أوقات الشدة وتجعلنا نتذكر الألم بكل تفاصيله القاسية.
﹏﹏﹏﹏﹏﹏﹏﹏﹏﹏﹏﹏﹏﹏
الـكـاتبــة فـاطمــة عـلـي🦋🦋
﹏﹏﹏﹏﹏﹏﹏﹏﹏﹏﹏﹏﹏﹏
شهد : رجعنا اني وعمتي بس دخلت شفت عمي كاعد بالصاله
فلاح : هااا بويه بشري شلونها صحتج
شهد : ..............
كوثر : الف مبروك ابو حسين راح تصير جد
فلاح : الف الحمدلله يوم المبارك بويه شهد
شهد : من رخصتكم
فلاح : ليش بويه ضايجه ومهمومه
كوثر : ما تريد الطفل
فلاح : لا بويه شهد وسفه عليج ليش هيج صدك تحجي عمتج
شهد : عمي هل طفل ما اله اي مستقبل خطيه يضيع بالرجلين
فلاح : يضيع واني موجود
شهد : عمي الله يطول بعمرك وتشوف ابن ابنه بس عمي انه ما اريد اكمل ويه حسين
حسين : السلام عليكم
شهد : انداريت شفته اجه ورانه شعجب هوه ما يدخل اله فوك العشره
الجميع : وعليكم السلام
شهد : من رخصتك عمي ...........
شهد
تركتهم ورحت لغرفة البنات ردت ابدل ماكو شي ما عندي ملابس الي عندي احسهن يخنكني والبنات اطول مني ثنينهن ضليت كاعده على الجربايه وصفنه تاخذني وصفنه ترجعني بداخلي تمنيت هل طفل من جان وضعنا زين اني وحسين مو هسه لو جاي بغير وقت يمكن جان فرحت بيك اكثر تعرف يا ماما شكد جاي احس بالذنب اتجاهك ما اريدك تجي الدنيا كلها ضلم يا ماما ماكو راحه حبيبي الدنيا ما ترحم
ضحى : لج ليش بعدج ما مبدله
شهد : ملابسي ناس ضيگه وناس دلع وعيب من الولد
ضحى : اي روحي جيبي من غرفتج
شهد : مو غرفتي ولا اريد ادخللها
ضحى : اوكي تمام لا تعصبين بس تره حسين جوه ومتمدد على التخم يعني ما اضن يصعد ادخلي جيبيلج ملابس وتعالي.
شهد : بس تراقبيلي الدرج خاف يصعد
ضحى : ماشي
.
.
.
.
.
.
شهد
فتحت الباب ودخلت بخطوات مكسوره
دخلت ضليت واكفه اباوع على كلشي بيها.....
اجذب اذا اكول ما مشتاقتلها ومشتاقه لكلشي هنا
حيل اختنكت احس العبر تجرح بلعومي روحي محتاجه تبجي بس عقلي رافض هل شي
رحت على الكنتور اخذتلي كم دشداشة كم شغله احتاجهم وشالات
من جاي اطلع ما ادري شلون انضربت بميز المرايه جانت اكو صورة النه اني و حسين مال عرسنا
طاحت ونكسرت بس شفتها نكسرت احس هذا كلبي هيج مكسور
كعدت بالكاع يم الصوره وبجيت من كل كلبي
