أذهب حيث يرتاح قلبك، اذهب حيث ترغب أنت، حيث تشعر بالأمان والاطمئنان، لا تأخذ اتجاه لا يعجبك فقط لأن الآخرين قد أخذوه.
- أنيس منصور 📚.
﹏﹏﹏﹏﹏﹏﹏﹏﹏﹏﹏﹏﹏﹏
الـكــاتبة فـاطمـة عـلــي🦋🦋
﹏﹏﹏﹏﹏﹏﹏﹏﹏﹏﹏﹏﹏﹏
فرح
ضليت بغرفة البنات اليوم كله
هوه ابد ما بين ولا شفته.....كلش مقهوره على روحي ليش هيج وضعي ما جان هذا حلمي ولا جنت اتمنى اعيش هل شعور
للمغرب اندك الباب ودخل اجه كعد على الجربايه يمي
حسين : كالو مريضه
شهد : شي ميخصك
حسين : شهد هل اسلوب ميعجبني احجي عدل
شهد : واني ميهمني اذا عجبك او لا
حسين : شتريدين يا بنت الناس
شهد : انه شريد لو انته اجيت خطبت وانه كلت ابن عمي ما ارفضه وقبلت حالي حال اي بنيه شنهي صار انوب طلعت انته ما رايد هل خطوبه اذا ما مقتنع ليش اجيت عليه انه ضربتك على ايدك حته تجي تخطبني
حسين : بعد الصار صار
شهد : حسين هاي الخطوه تكمل بيها حياتك شنهي الصار صار لعب جهال لو مشتري قميص انته ونوب ترجع تبدله
حسين : هسه شنو تريدين
شهد : نأجل العقد ومن نرجع احنه انتم خابرو وفسخو الخطوبه
حسين : كل عقلج تحجين مستحيل
شهد : ليش مستحيل
حسين : انتي كولي العمو ما اريد حسين
شهد : ولا بحلامك انه اكول هيج لابوي ما اكسر كلمته انه لو اشوف الموت جدامي وبوي مرتاح امشيله ومغمضه
حسين : هاي هيه تتقبلين امر الواقع
شهد : جزاك الله الف خير يا ابن عمي يا سندي وحزام ضهري يالكسرت ضهري بأبوي
حسين : شهد باجر نروح نعقد وكلشي يمشي طبيعي
شهد : وانته تبقه على حالك مثل ما كلت كلشي انته تسوي براحتك واني ميصير اعترض
حسين : شهد سهليها لا تصيرين معقده فدوه لوجهج
شهد
سكتت لان شنو احجي صرت بين رضا ابوي وكسرت روحي
وفعلاً ثاني يوم لبست وعدلت نفسي على اخر حبايه وطلعنا للمحكمه اني وابوي وعمتي وهوه هم راحوا وياه امه وابوه
وصل السره مالتنا دخلنا على القاضي بدت الاجراءات من سالني القاضي اذا قابله او لا ما عرفت شنو اجاوب ما حسيت غير اصابيعه صارت بنص اصابيعي رفعت عيني علي وكلت نعم هل كلمه طلعت من گلبي من وصل اله الدور وسئله القاضي لزم ايدي حيل بحيث حسيت اصابيعي نمردن بنص ايده وكال نعم وراها حس على نفسه ورخه اعصابه
