آمنت مؤخراً بأن التشبث المفرط لا يمنع احد من الرحيل عني،
كل شخص عاتبته من أجل الحفاظ على مكانته في قلبي لم يتغير
، كل التفاصيل المزعجة التي واجهت اصحابها بها و عبرت لهم عن ضيقي الشديد منها لم يهتموا بها
التعبير عن الحزن بالبكاء وقت الهزيمة و الخذلان، العتاب على القسوة و الاهمال، و وضع آمالاً كبيرة في مراعاة مشاعرنا لم يكن الحل الأمثل…
وحده الصمت حين يسود بيننا، أدرك بأنني تغيرت و مكانتهم في قلبي تغيرت ايضاً.
﹏﹏﹏﹏﹏﹏﹏﹏﹏﹏﹏﹏﹏﹏
الكاتبة فاطمه علي🦋
﹏﹏﹏﹏﹏﹏﹏﹏﹏﹏﹏﹏﹏﹏
فرح : كعدت لكيت نفسي بالمستشفى اباوع ولا واحد يمي وره شويه اجتي الممرضه
الممرضه : شلونج يا حلوه
فرح : الحمدلله
الممرضه : يله شدي حيلج حته تكومين وان شاء الله العوض على رب العالمين
فرح : ليش شنو صار
الممرضه : ليش ما تعرفين بنفسج جنتي حامل
فرح : شنووووو
الممرضه : اي جنتي حامل وعمر الجنين شهر بس اثر النزف صار عندج اسقاط
فرح : بجيت من كل گلبي على كلشي منا المشكله الصارت ومنا زوجي الي خسرته ومن وره مرضه والشك الي عنده ومنا طفلي الي جنت منتظرته .........ضربتني ابره الممرضه رجعت شويه شويه نمت ................ فزيت بابا عدنان على راسي وليث ومروان
فرح : بابا شفت الصار وياي.
عدنان : يله كومي الدكتوره سمحتلج اطلعين امشي ويانه للبيت
فرح : وين غيث.
عدنان : عنده شغل
فرح : عرفت من وجهم همه عرفوا كلشي صار
طلعت من المستشفى الطريق كله احنه ساكتين ولا كلمه اتذكرت اغراضي نسيتهن بالفندق ومنهن كلادة امي الله يرحمها ويه الغراض كلت اكيد هسه غيث يجيبهن وياه
وره يومين اجه غيث بكل برود طلكني وكال لبابا عدنان ميشرفني هاي تصير مرتي جايب غراضي كلها وياه
دخلتهن مروه للغرفه اول شي دورت علي بين الغراض اوراق الاملاك هاي وصية امي
رجعت دفنت الاوراق بنص جنطه جبيره بيها هدوم شتويه
وره ما طلع غيث عبالك وحوش هجمت عليه كلهم حته مروه وياهم ابد ما دافعتلي وجها ثكيل عليه
عدنان : تعاي يا كلبه تعاي سولفيلي شنو صار
فرح : ................. سولفت كلشي من الاول لحد اخر لحظه
ليث : وهسه تقنعيني السبب من غيث
فرح : ليث جاي اكلك الولد دخل بالغلط للغرفه و اعتذر فوك ما غيث ضربه وادارة الفندق اجوي للغرفه وكالو سوء تفاهم ليش محد جاي يصدكني والله العظيم هذا كل الي صار اني شسويله اذا هوه يشك حته بروحه ولد ما عنده ثقه بنفسه هذا تره حاله من يوم شفته وتزوجته بس ما توقعت يجي يوم ويعتقد اني اخونه
