وكأن الحديث مـعـك يشفـي كُـل ما فـي قلبـي🦋🤍
﹏﹏﹏﹏﹏﹏﹏﹏﹏﹏﹏﹏﹏﹏
الـكـاتبــة فـاطمــة عـلـي🦋🦋
﹏﹏﹏﹏﹏﹏﹏﹏﹏﹏﹏﹏﹏﹏
حسين
ابوي يباوعلي عود سمعت شلون ادافعلك ......
دكينا الباب طلعت زوجة سجاد سلمت علينه وصاحت اجه خالو فلاح
طلعت شهد تركض من شافتني تفاجات بجيتي
راحت على ابوي باست ايده وحجت وياه
شهد : عمي لا تكول شهد متعاركه ويه رجلها اني ما حجيت شي بس كتلهم على الزواج
فلاح : الله يبارك بيج بويه
حسين : شلونج شهد
شهد : هلا بيكم
حسين : ولا باوعت بوجهي ابد.......
حسين
دخلنا الهم حسيت عمي صادق وجه ثكيل عليه
وعماد يريد يفترسني حته حيدر وكرار مو مثل قبل
وسجاد حته ما باوع بوجهي
اكو عتب بوجوهم
عمتي حته من سلمت عليها ما ردت عليه
كعدنه وبده الحجي
فلاح : شلونك خويه خيرك كالو متخربط
صادق : الحمدلله زين عوفك مني ....... فلاح خويه بتي بدر منها شي مو زين
فلاح : لا خويه ربيت ونعم ما ربيت
تحن عليه مثل بناتي واكثر
وشايله البيت كله
وحته الولد شايلتهم بعيونها لليوم ما سمعنا صوتها
صادق : زين وهذا جزاء الاحسان
فلاح : الك الحق شتحجي
صادق : ابو حسين انه ما اريد شي بس اعرف السبب
فلاح : والله خويه هذا حسين وهوه ابنك اساله
صادق : اي بويه حسين احجي
حسين : ماكو عمي اي تقصير بس اني اريد اتزوج مره ثانيه وهذا شرع الله
صادق : واحنه ما كلنه شي بس حته شرع رب العالمين ما يكول انته بس اتزوج وحده وثنين وتلاثه واربعه غير اكو شروط
بويه كلي بتي ما منطيتك حقك او مريضه ما قايمه بواجباتها واذا على شغلة الجهال
سمعت امك ماخذتها والطب يكول مابيها شي
وهوه يضل رزق ربك
حسين : لا عمي كل هذني مابيها بس اني كتلك اريد اتزوج وهيه شهد تضل مرتي ومعززه ومكرمه وان شاء الله ما اقصر وياها ابد
صادق : ابو حسين انته مقتنع بحجي ابنك
فلاح : لا خويه وحجيت شسوي كلي
صادق : استغفرالله ما ادري شكلك يا وليدي
شهد : ضلو يسولفون بنفس السالفه وماكو كل نتيجه اني صافنه بيهم جان يحجي عمي
فلاح : بويه شهد كومي جيبي غراضج
شهد : لا عمي اتركني ما اريد ارجع خلني عد اهلي احسن
