المقدمة
عندما تتعثر الأحلام وتتلاشى الأماني، تصبح الحياة مجرد ذكرى حزينة تراودنا في أوقات الشدة وتجعلنا نتذكر الألم بكل تفاصيله القاسية، لقد كان مؤذيًا أن لا يستقر شعوري لهذا الحدّ أن أشعر و كأني في لحظة بين الغيم أطير وفي لحظاتٍ أخرى أشعر وكأني تحت الأرض أهوي، لم تعد لهفتي كما كانت ، لقد تلاشت رغبتي تجاه كُل شيء، وإنتهى شغفي للحياة ، بت منطفئًا لم يعد بإمكاني المقاومة لقد إستسلمت روحي، تركت الجميع يمضي في طريقه دون محاولة إيقافهم ، لم أعد بحاجة لمن أختاروا طريق الإبتعاد برغباتهم، ولم تعد لدي الرغبة في معرفة المزيد منهم ، كيف تسنى لأولئك الذين تخلوا عنا أن يصيبونا بأذى شديد لا يُرى، كيف لهم أن يفلتوا أيدينا في منتصف الطريق وهم الذين أقسموا لنا بالبقاء ، بالرغم من الحنين، لكنني سأبقى متمسكًا بذكرياتنا المؤلمة حتى لو كانت آخر ما تبقى لي في هذه الحياة البائسة ، في كُل المرات التي رجونا فيها خِفة الثِقل، أصبحنا أكثر صلابة ، نحنُ لا نسقط وقُلوبنا لا تُهان ، نُحن نُقاوم حتى و إن تفتتت داخل أرواحنا كُل سُبل النجاة ، كان الإعتياد طريقتي للحياة، إعتياد الغياب، فُقد خُذلان، صّدمات، و أشياء رغّبت بها وأنتظرتها ولم أجّدها، إعتدت حتى أصبحت لا أهتم ولا أبالي ، لن تتوقف عواصف الأيام، من يريد إكمال السير عليه أن يصبح عاصفة .
#عروس_الجنوب
•❅──────✧❅✦❅✧──────❅•
السلام عليكم ورحمة الله وبركاته
اني فرح من مواليد 1995 من بغداد
من جنت صغيره مات ابويه وعيت على الدنيا اني يم بيت جدي الي متكون من بيبي وجدو امي الوحيده عند اهلها وره فتره انتقلنا نعيش بيت جديد يم ناس ما اعرفهم جانو كلش حبابين ويانه عشت وياهم كل طفولتي صرت بالمتوسطه وبنفس السنه مات جدو وراها ماتت بيبي الي عرفته وفتهمته من كبرت امي تزوجت رجال هم مرته ميته وعنده منها ثنين ولد وبنيه اصغر مني بسنتين جنت اعرف همه مو اخواني بس كلش احبهم تعودت عليهم وهمه هم يحبوني خليني اعرفكم عليهم
مروان مواليد 1990
ليث مواليد 1994
مروه مواليد 1997
كبرنه سوه وكنو اخوان واكثر ، امي من ماتوا اهلها ورثة عن جدي كل املاكه رادت تسجلهن بأسمي من صرت ثالث متوسط بس ابويه عدنان ما قبل يكول صغيره شنو اسجل باسمها شي وهيه امي جانت تحبه ودور خاطره بعد نست هل موضوع بابا عدنان بهل فتره لزم كل شغل جدو من محلات و عمارات سكنية جان جدو مسويها للايجار فه جان الدخل مالتها خير من الله صح تعب الوضع بالسقوط بس رجع الشغل طبيعي وره فتره
مروان وليث تركو الدراسه وصارو يشتغلون ويه بابا عدنان بس اني ومروه ضلينا ندرس
مروه بنسبة الي كل الدنيا صح مو اختي بس احسها روحي بكلشي اني وياها وهيه هم تحبني صرت بالسادس وهنا جانت من اصعب سنوات عمري هم دراسه وهم امي تمرضت
