لا أستطيع أن أكره مَن أحببتهُ يومًا،لا أستطيع أن أتمنى لهُ الحُزن، قد أتظاهر أنني لا أكترث وأنني قادرٌ على كسر من جَرحني يومًا،لكن في الحقيقة، لن أجرؤ ، لستُ مثالياً لكن هذا أنا،لا أعرف أخدشُ غريًبا حتى ولو بكلمة،فتخيل أفعل ذلك مع من أحببته يومًا.
﹏﹏﹏﹏﹏﹏﹏﹏﹏﹏﹏﹏﹏﹏
الـكاتـبــة فـاطمــه علي 🦋🦋
﹏﹏﹏﹏﹏﹏﹏﹏﹏﹏﹏﹏﹏﹏
شهد : لج ماما حبيبتي تعالي خلي خالو يرتاح
سجاد : شبيج وياها عوفيها
شهد : سجاد هسه راضعه لا تذبه على ملابسك
سجاد : خليها ميخالف اكلج وكلتيها شوربه
شهد : والله طيبه مسويها عاشت ايدك بس ما وكلتها بعد وكت تره بعدها صغيره
سجاد : شوفي ابن عمتج معدل
شهد : والله ماكو منك لو عندي اخت انطيها الك
سجاد : جا خوش ما خسران شي انتظر موده تكبر
شهد : والله عندك سوالف وتضل تنتظر موده شكد يصير عموك ستين
سجاد : اي شعدنه شغل عمل بس ولج خاف هيه وره هل عمر كله ما تقبل بيه تكلج يمه جبير وسنونه كلها طايحه وشعره ابيض شسوي بي
شهد : ههههههه عود نخليلك سنون جديده ونصبغ شعرك
سجاد : هههههههه خليني اروح اجيب جكاير اني وهل گمر ونرجعلج حته اطلعكم اليوم
شهد
سجاد اخذ موده وطلع راح للاسواق اباوع علي شكد حنين عليه وعلى بنتي
اتذكرت من طلعت من بيت عمي الفجر اريد اشرد من الدنيا كلها بس بالنهاية راح ارجع للعماره
بوقتها جنت حيل مختنكه طلعت بوجهي للامام الكاظم " عليه السلام "
واني امشي على الجسر شفت سجاد راجع من الامام بس وصل يمي وكال شبيج انفجرت بالبجي
اخذ موده مني والجنطه وتركني على راحتي
كلي كملي طريقج للامام واني شايل البنيه وياج وراح اكعد بره انتظرج ضلينا نمشي بكل هدوء
جان ما مهتم بارده اعصابه انطاني كل الحرية دخلت زرت نص ساعه اني لازمه شباك الامام وابجي
كمت ما اشوف من عيوني انوب طلعت كلت لا انوب تشلع گلبه
طلعت لكيته مخليها بحظنه ونايمه من اشوف بنتي اكره روحي لان ما عرفت اختارلها الاب المناسب
وصلت يمه هوه صافن
سجاد : نمشي
شهد : اي
سجاد : نتريك ونطلع
شهد : ما اريد ما مشتهيه اكل كلشي
سجاد : بس اني جوعان وانتي لازم تاكلين قابل ندخل نطلب بس نفر واحد
