ضيعيتج
ورقه ما بين الدفاتر ضيعيتج
لحضه وبساعات باجر ضيعيتج
فره وبدولاب داير ضيعيتج
نفس بالاف جكاير ضيعيتج
ومن سألتيتي حبيبي اني وين
بس فتحت اعيوني بعيوني لكيتج
﹏﹏﹏﹏﹏﹏﹏﹏﹏﹏﹏﹏﹏﹏
الـكاتبـــة فــاطمـــة عـلـــي🦋🦋
﹏﹏﹏﹏﹏﹏﹏﹏﹏﹏﹏﹏﹏﹏
حسين
من سمعت اتخربطت ركضت رحت للمشتمل دخلت عليها
كعدت يمها على الجربايه لا ايد ولا رجل تحرك
فحصتها عرفت هابط السكر عدها ........ دخل حسنين وهيه جانت ملابسها دلع ونص ردن راسن غطيتها
فلاح : ميل منها
حسين : يابه لازم ننقلها للمستشفى
حسنين : بس شيلها نخليها بالسيارة
حسين
اخذت من كنتورها غير دشداشة........ سجى تعاي غيريلها ملابس انتي وضحى بسرعه ........... ضليت واكف يمهن بس داير وجهي صح هيه زوجتي وحلالي بس ما كدرت
لان اعرف لو هيه بوعيها متقبل اتقرب عليها ابد ولا اشوفها
ضحى : اروح وياكم
سجى : لا خلي ماما تروح
حسين : ماما بسرعه يله............
حسين
تقربت عليها وشلتها شعرها مبلل على عيونها وريحتها تجنن
خليتها على گلبي صار فتره طويله ما حاس بيها هيج قريبه عليه
طلعت من المشتمل اجتي تماره من شافتني صار الشر يطاير من عيونها
تركتها ما حجيت ولا كلمه گلبي وعقلي يم شهد لا يصير بيها شي هيه لو الطفله ............ بسرعه طلعنه للمستشفى ........................................وصلنا المستشفى ومثل ما كلت طلع عدها هبوط بالسكر وهبوط بالضغط انطوها علاج صحت شويه حسنين وامي وابوي يمها بس اني ما دخلت اكيد ما تريد تشوفني ولا اني عندي القوة اواجها
رجعنا الطريق كله اباوع عليها بالمرايا وجها اصفر ورايحه روحها
خابرت البنات قبل ما نطلع يحضرولها اكل وعصير هيه ابد مو يمي واعرف خلص ذاك الحب الي جان بگلبها تجاهي
شكد تندمت ما سمعت منها شكد ضايج من نفسي لان تسرعت كل هل شي صار بسببي
هيه حامل وتعبانه و نفسيتها تعبانه من كلشي بدر مني تجاها وموت زوجة سجاد حيل تعبها ونوب اني اجيت زودت عليها .............
.
.
.
.
.
.
.
.
.
.
.
شهد
نمت اني بالغرفة صحيت لكيت نفسي بالمستشفى ما اعرف شنو صار بس جنت تعبانه حيل وضاهر اغمى عليه ما نمت
تمنيت ابوي لو عمتي يمي صح بيت عمي ما مقصرين بس احتاجيت اهلي ........
رجعنا للبيت شفت زوجته تخزر بيه عفتها براحتها ودخلت للمشتمل مالتي من الفتحه الي بداخل البيت وسديت الباب
اسمع عمي يصيح علي وعمتي تلومه بس شنو الفايده هوه هذا حسين ولا راح يتغير ولا اني منتظره منه يتغير ابد لان عرفته وعرفت شنو هوه ......
رجعت للكلية قليل اشوف مؤيد ومبين علي جان زعلان لان كد السلام ويروح وحته ما يجي عليه مثل قبل ابد بس من نلتقي صدفه ......مؤيد خوش ولد احبابه وتعامله يخبل وياي من يحجي وياي عبالك طفلته مياكل اذا ما يجيبلي ولا يسوي شي اله يشاركني بي ومن احجي وياه بموضوع شنو بيده يتركه يابوعلي عبالك يعتزل العالم وياي
قبل تصرف حسين وياه جنت اشوفه ملجئي من الدنيا اكدر كلشي اسولفله وما اخاف منه بس من زعل عليه تركني بكل هوستي تركني اني ومشاكلي
كمت اشوفه كلش قليل بالصدفه المحه كاعد يم جماعته
