عروس الجنوب

الـبــارت " الـسابـــع والـعـشـرون "

بارت هدية لاحلى متابعين

‏" وإن خيَّروك فاختر من يحسن إليك، من يتشبث بك مهما كلّفه الأمر، من يراك الأجمل دومًا، من لا يرى غيرك وكأن الأرض خلت إلا منّك ."

﹏﹏﹏﹏﹏﹏﹏﹏﹏﹏﹏﹏﹏﹏

الـكـاتبــة فـاطمــة عـلـي🦋🦋
﹏﹏﹏﹏﹏﹏﹏﹏﹏﹏﹏﹏﹏﹏

سجاد
وره فتره لاحظت تعامل امي ويه فرح بده يتحسن وبدت علاقتهن تقوه اني هذا الشي كلش ريحني
اما حيدر فه تزوج وره عرس شهد بــ20 يوم
اني هم اخذت جم يوم وعزلت
وامي ما قبلت تجي وياي ضلت يم بيت خالي صادق زوجة حيدر خوش بنيه ونعرفها الحمدلله
فد يوم صادف جمعه جنت كاعد اتغده يم امي اشو بس دخلت فرح ركضت راحت للحمام يا ربي شبيها المهم رحت عليه كالت لعبت نفسي من السمج هسه اصير زينه الي قلقني ابد ما تركت الحمام تكعد اشويه وتركض للحمام تكول الزفره بعد صارت بخشمي ما عفتها اخذتها اني وامي للدكتورة وره شويه طلعت امي كامت تهلهل عرفت فرح حامل
رجعنه لبيتنه وهنا بدينه مرحلة جديدة بحياتنه
جنت كلش فرحان شعور حلو تنتظر فرحه تجيك
خلصت فرح اول شهرين من حملها كلش طبيعي

.
.
.
.
.
.
.
.
.
.

وره شهرين من زواج شهد

شهد : سجى وعلي اذا كملت خبز وانتي بعدج بهل خضره اكتلج

سجى : اي عيني اليوم مرتاحه وفرحانه حبيب القلب راجع من السفر

شهد : تكومي كومي احسن من هل لغوه

ضحى : لج حيل وياها والله ببو زايد يا عوبه طلعت بس شهد دواج

شهد : والله اني معليه كملت كل شغلي وصاعده اسبح من تجي عمتي هيه تسويلجن حل ......... ههههههه

شهد
عفتهن يتناكرن وصعدت فتحت باب الغرفه
الي بيها برود مو طبيعي من كل شي
روح مابيها اسمي متزوجه من ذاك اليوم لليوم هوه نفس وضعه
اني هنا مرات احس روحي جارية اله
شوكت ما يريدني يجي ما يريد شي شامرني هنا شهرين هوه 3 سفرات راح لاذربيجان وتركيا وهل سفره باربيل

من احجي يكول دورات تدريبية علمود الشغل
واني ولا نفس يطلع مني ساكته اكول يجي يوم والله يهدي علي
دخلت للحمام مثل كل سفره اتجهز وتعطر وكلشي جاهز من يجي اكل ولبس و الغرفه على اخر حبايه ما اعرف شنو الي ما عاجبه بيه

كافي شهد من الصفنه كملي شغلج
خلصت كلشي وراح انزل سمعت صوت الولد جوه لبست شالي ونزلت

حسنين : لك هاي شنو كل هل جمال لحسين عمي بعد شيريد

شهد : حسنين انته ليش تحب تخجلني