" ဟေ့ ဟေ့ ခင်များ လွန်ကုန်ရော့မယ်။ ဘယ်နှယ့် ခင်များတို့ကလည်း ဘာလို့ဝိုင်းဘဲကြည့်နေကြတာလဲ ၊ သေစရာရှိ သူကသေတော့မယ်။ "
ထိုစဉ် လှည်းသမား ကိုသာမောင်က ကျုပ်လက်ကို လှမ်းဆွဲကာ ကျုပ်နားလေး တီးတိုးပြောလာလေသည်။
" ဆရာဝန်ငယ် ကိုယ်နဲ့မဆိုင်တာတွေ သိပ်မပါစမ်းပါနဲ့ဗျာ။ ဒီတိုင်းလွှတ်ထားလိုက်ပါ။ "
" ဟ ဘယ်နှယ့်လွှတ်ထားရမှာ။ ကျုပ်ကတော့ရအောင်တားမှာဘဲ။ "
" ဒီမယ် ခင်များ ၊ ဘာလို့လူကိုဒီလောက်ရိုက်နှက်နေရတာလဲ။ မကျေနပ်ရင် စကားနှင့်ဖြေရှင်းလို့ရတယ်လေ၊ ဘာလို့လက်ပါရတာလဲ "
မီးတောက်နေတဲ့မျက်ဝန်းအစုံက ကျုပ်ဘက်စိုက်ကြည့်လာပြီးတော့
" မောင်ရင့်မှာအသက်နှစ်ချောင်းအပိုပါတယ်ထင်နေသလား။ ကိုယ့်ကိစ္စကိုယ်လုပ်၊ ကျုပ်ကိုလာမနှောင့်ယှက်နဲ့။ "
စိုက်ကြည့်ခံလိုက်ရသော ကျုပ်အဖို့ ဒီလူပြီးရင်ကျုပ်အလှည့်ဆိုတာကို သတိပေးနေသယောင်ယောင်၊ ကျုပ်စိတ်ထဲလန့်လာမိသည်။
" ဒီမယ် ခင်များ..."
" ကျုပ်ဒီကောင့်ကိုမထိုးရရင် မောင်ရင့်ကိုလာထိုးရမလား။ "
အတည်ပေါက်ကြီးပြောနေတာကြောင့် ကျုပ်ပြောစရာ စကားများပင် ပျောက်ရှသွားရသည်။
ခွပ် ခွပ် ခွပ်***
ကျုပ်ပြောနေတာကိုတောင်ဂရုမစိုက်ဘဲ ဆက်ထိုးနေသောကြောင့် ကျုပ်လည်း စိတ်တိုကာ သူ့လက်ကိုဆွဲပြီး ထိုနေရာမှထွက်လာခဲ့လိုက်သည်။
စစချင်းတုန်းကတော့ ကြောက်တာပေါ့ဗျာ။ ဒါမယ့် ကျုပ်ကဆရာဝန်လေဗျာ။ ကျုပ်ရှေ့ဒုက္ခရောက်နေရင်တော့ ကျုပ်တာဝန်အရကယ်ရမှာဘဲဗျ။ နို့မို့ဆို ကျုပ်သာဒီလိုအတင့်မရဲလိုက်ရင် ခုချိန်အထိုးခံရတဲ့သူ သေနေလောက်ရောပေါ့။
“ ဒီမယ် မောင်ရင် ကျုပ်လက်ကိုလွှတ် ”
အတင်းခါချလာသောကြောင့် ကျုပ်ကြောက်ကြောက်လန့်လန့်ဖြင့် လွှတ်ပေးလိုက်သည်။
KAMU SEDANG MEMBACA
စိမ်းရက်လေသလား
Romansaမိသားစုဂုဏ်အရှိန်အဝါကြီးမားသည့်အပြင် အဘက်ဘက်ကပြည့်စုံတဲ့ အသက်ငယ်ငယ်ဘိလပ်ပြန်ဆရာဝန်တစ်ဦးနှင့် လက်ပံကုန်းရွာမှ စုန်းအတတ်ဖြင့်လူတွေကိုမညှာမတာနှိပ်စက်သတ်ဖြတ်နေသည့် ရက်စက်သည့်လူနှင့် ဘယ်လိုအကြောင်းပါလို့ ရေစက်ဆုံကြမလဲဆိုသည့်အကြောင်းကို ရေးသားထားခြင်းဖြစ်...
