♛•عــشـيـقــة الــعــمــيــــد•♛
✦وَعِنْدَمَـا تـَلـْتَقِي الْأجْـسَـاد يـَغْفوْ
الـْعَـقـْـل وَتـحْيا الْشّــهَـوَاتْ✦
•أنا راقصة وهو لحن الموت •
🍂<الجزء 2>🍂
•وإِنْ كُنْتَ يتِيم الأَب بشَهادة الْوَفَاةِ...فأنَا يتِيمِة الأبوين بِشهادَة الحياةِ•
" الوقت".
هاد الوقت كانت غاتجي فواحد الوقت... وهاد السؤال تطرح فاش جابتو الوقت....وغاتجي وقت ويفهم فيها علاش ماجاوباتوش على سؤالو فهاد الوقت.. .!
لقاها سكتات شبه مصدومة كاتبلع ريقها بزز وعيونهاا مكوانسيين عليه و نزل هو عينيه...جرر خصلات شعرها الشكلاطي الطوييييل الحريري كان على ظهرها وكتافها مسندددل بطووولوو وكايلمع بصفاوة لونووو...وببقا كايلعب بيه بصبيعاتو الصغااار جيهة صدرهاا وكايتسناها تجاوبو...مرة مرة كايشوف فيهاا واش غاتجاوبو وكايرجع دغيا ينززل عينيه وهو مدللي قنانفووو وكايدور فمقلتيه الزرقيييين المميزين من قنت لقنت...لون عيونو مختالف جامع بين لون صفاوة السما وغيومها وصفاوة لون البحر ومواجو االلخرة...شهب الشعر والرموش والحواجب وبيض البشرة ومطيبزز صالح للأكل.
فاش كايجيب عيونو فعيونها المغرغرة كايندم على لي قالو و كايحس باللي غلط بكلامو .
ملاك: اانااا ممك واناا باااك ...نهز عليك حرر الدنيا وقساوة ناسها ومانشكي مانقوول عيييت....حنا اليوم تلاحينا لللمرة الرابعة للزنقة ااولدي...وكيف ديما غانكالي عليك الصههد والبرررد ومانقولش ملليييت.
باستوو من جبهتووو مطولة البوسة ودموعها رجعووو نزلوو خاينين قوة انوثتها ...بعدات عليه ومسحات دمعاتها الحاررين ووقفات حاطاه فبلاصتها .
ملاك:ماعندناش الوقت أمصعب....خاصنا نخويو ليها الدار دغيااا هادشي علاش غانديو معانا غير اللي غانحتاجوه ....غانخلليو كلشي وراناا ونبداو من جديد مرة اخرى..!.
هز راسو بواخا فاهمها وهي جبدات الفاليزة من فوق الماريو دالحيطط وبدات كاتجمع فيها الحوايج وكاتهضر.
"غانمشيوو نبقاو مع واحد صاحبتي سميتهااا إيمان اليوم بعدا...حتى يصبح الحال و يحن سيدي ربي".
كاتتشاور معاه وتعاود ليه فحال شي واحد كبير وهو كي فهم كي مافهمش كايهز راسو بالإيجاب باش مايقمعهااش....جمعات الحوايج وهزات ولدها فيدها وجرات الفاليزة وراها...عطات الساروت لمولات الدار وخرجات وهي مكسووورة بكمالها بالصبرر شادة فراسها وغير ديك اللحيمة لي بين يديها هي لي مقوياها( ولدها).
خوات درب غللف ب بتي طاكسي وتحطات فدرب السلطان ......غير خطوات قليلة وكانت قدام دار صاحبتهااا صاحبة طفولتها...كبرات وقرات معاها واخا مابقاش بيناتهم تواصل بزاف ولكن مافرقاتهمش الضرووف واخا كل وحدة وكيفاش عايشة حياتهاا....كيفما كايقولو الناس"صحابات مامشابهات"...وحدة بنت دارهم وحدا بنت الزنقة..أو بالأصح ...بنت الليل....فاللخر كاتجمعهم صفة "بنت"..مابغاتش تمشي عند شي وحدة من البنات لي خدامين معاهاا حيت كايطمعو فيهاا ويبغيو يشريو ويبيعو فيها وهي لي فيها يكفيها.
أنت تقرأ
🍷🥂عشيقة العميد 🥂🍷 ( مكتملة )
Action🥂🍷عــشـيـقــة الــعــمــيــــد🍷🥂 ✦٠وإنــــي لراقصــة أتمايل على أوتـــار قلوب البشر...وأنت الــبــشر يتمايـــل على شرارة نضراتك الممتثلة لنضـــرات الصقر٠✦ بقلم:🍂Malak HanSel🍂 •شنو الفرق بينك وبينو؟! " أنــا راقــصــــة.....وهو...
