♛•عــشـيـقــة الــعــمــيــــد•♛
✦وَعِنْدَمَـا تـَلـْتَقِي الْأجْـسَـاد يـَغْفوْ
الـْعَـقـْـل وَتـحْيا الْشّــهَـوَاتْ✦
•أنا راقصة وهو لحن الموت •
🍂<الجزء 102🍂
شداتليها فيديها وقالت ليها.
ملاك:انا معاك....نتي عمرك ماكنتي ولا غاتكوني بوحدك ...انا صاحبتك وختك والى مك بعيدة عليك انا قريبة ليك والى ماقادراش توقفي على رجليك انا نهزك فوق ضهري ونساريك...والى ماقادراش تشوفي اللي داير بيك انا نكون عينيك وننعت ليك...نتي ماشي بوحدك".
ايمان زيرات على يد ملاك لي فيدها وقفزات الدمعة من عينها.
"ربي كايهديني....فهد...كنت كانشوف فيه الدنياا...كنت كانشوفو غير هو بين عينيا..كنت كانشوف فاللي ماخصنيش نشوف فيه حيت مافيه خير ليا..وربي عماهم ليا باش عمري نهز فيه العين مزال..."
ملاك قلبها تقبض عليها والدموع غفلو عينيها..مسحاتهم بلا ماتخلي ايمان تسمع حس بكاها وقبل ماتنطق نطقات ايمان مرة خرا.
"العيب ماشي فيه العيب فيا حيت انا لي جريت وراه وختاريت نمو.ت معاه ...مشيت عندو برجليا...هاهوما دابا تشللو عليا"
كايبكيو بجوج...مابقاوش قادرين يحبسو صوت دموعهم الهستيرية.
ايمان:بغيت نقوليك....كرهتو وغانساه حيت بسبابو خسرت راسي ملي خسرت شرفي معاه وخسرت ولدي بسبابو وخسرت خويا وكنت شوية ونخسر حياتي ملي تهورت وقررت ننتاحححرر وننهي حياتي و خسرت عينيا ....غانجمع راسي من غرامو وغانبدا حياة جديدة وغانوقف على رجليا ...ولكن تفكرت...ماعنديش الرجلين لي نوقف عليهم...مشللييين..!
إيمان:مابغيتش نسمع صوتو مرة خرا....مابقيت بغيت حتى شي حاجة تجمعني بيه مابقيتش بغيت نففككر فيه....هادا هو الخير لي تقدرو ديرو فيا.
فهاد الأثناء كان رعد واقف فالباب كايسمع....ملاك حولات ليه عينيهاا وهو بنفس النضرة شاف فيها...بلعات ريقها ماعارفة ماتقول وهو هز راسو بالإيجاب كإشارة"قولي ليها...واخا"....مافهمات والو فقط نطقات باللي وصاها عليه.
ملاك: واخا...!
رعد:ختي ايمان....كوني هانية....ماغاتعاوديش تشوفيه ولا تسمعي صوتو مرة خرا...غاينال عقابو واخت عارف كيفما كان يكون العقاب ماغاينصفكش فلي ضاع منك...ولكن تيقيني غانأمن ليك أحسن عيشة وغاندير ليك عمليات عند أهم الأطباء داخل وخارج البلاد...حتى ترجعي كيفما كنتي....!
ايمان هزات راسها بالإيجاب وهو رجع قال.
"جبت ليك طبيب مساعد...غايبقا مقابلكك ورادليك البال...لي بغيتيها يتكلف بيها".
ايمان غير ساكتة كاتسمع ليه...ورعد استأذن منها بلي غايدي ملاك حيت عيانة وقريبة تولد خاصها تكون حداه وهو قريب منها فكاع الوقات واللحضات....على برا تلاقات اريج وعبير وفهد حتى هو معاهم.
أنت تقرأ
🍷🥂عشيقة العميد 🥂🍷 ( مكتملة )
Action🥂🍷عــشـيـقــة الــعــمــيــــد🍷🥂 ✦٠وإنــــي لراقصــة أتمايل على أوتـــار قلوب البشر...وأنت الــبــشر يتمايـــل على شرارة نضراتك الممتثلة لنضـــرات الصقر٠✦ بقلم:🍂Malak HanSel🍂 •شنو الفرق بينك وبينو؟! " أنــا راقــصــــة.....وهو...
