♛•عــشـيـقــة الــعــمــيــــد•♛
✦وَعِنْدَمَـا تـَلـْتَقِي الْأجْـسَـاد يـَغْفوْ
الـْعَـقـْـل وَتـحْيا الْشّــهَـوَاتْ✦
•أنا راقصة وهو لحن الموت •
🍂<الجزء 53 >🍂
•وَ لِلْمَاضِي عَوْدَة سِلبِية عَلى الحَاضِر•
ناضت من فبلاصتها وشافت فإيمان لي باقا متكية جنبها ومصعب جا تايحبو على ركيباتو تالعندها تايلعب ليها فخصلات شعرهااا وهي مستحلية ليه ومخلياه تايبقشش فيها بيديه.
ملاك: غانمشي لجناح العميد ونرجع بزربة...بقاي مع مصعب عافاك طلبي ليه الفطور من لتحت وكليه ودوشي ليه بينما نجي....!!
ايمان هزات راسها بواخا بمعنى كوني هانية وملاك ناضت كاتقاد عكرها قدام المراية...شافت فوجهاا من الزواية لجوج وتبسمات ببهاثة ودغيا جمعاتها باش ماتشوفهاش ايمان...خرجات كاتبطئ فخطواتها للجناح دالعميد...وقفات قدام الباب ودقات جوج مرات قبل ماتسمع اذنو وهو كايآمرها بالدخووول.
كي دخلات لقاتو مكالمي على أريكة فبيتو والكَارو شاعل بين صبعانووو وتيليفونو فيدو لخرا وواضع رجل على الثانية...غير جلستو مهيبة فما بالك بييه هو.....تايبان خاااتتتررر بدوك الشوفات الثقال والملامح الباردة والتعابير الجامدة..وقفاات قدامو وبقات كاتشوف فيه مالاقية باش تبدا ليه.
رعد:جايا تقولي ليا صباح النور؟!.
ملاك( بارتباك): ءء لااا!!
رعد: جايا تشوفيني كيفاش كانفيق فالصباح؟!
ملاك:لا؟
رعد: وعلاش جايا؟( هز فيها العين) ياكماااااااا جايا تعوضي ليلة البارح؟!
ملاك( وسعات عينيها من وقاحتو) :لالالا جيت غير نسولككك....واش ماجبتيش ليااا الوراق ديالي وقلتيلي نتا غاتكللف بالباسبور ديالي حتى هو ماقضيتي فيه والو؟!
رعد: ماكنتش مسالي...!!
ملاك:ياودي ياودي بيمن محزززمة.
رعد:دنوب موزون لي خرجو فيك...ياك كنتي كاتحزمي بيه كان تايدخل ليك الصرف اشمن عيب صررف وفاش غلط معاك حتى بدلتيه بيا؟!
ضحكها خخ..زعما حيت قاتلو تحزمت بيك قاليها ومال موزون مسكين فاش غلط معاك...عندو شي هضور يايعقدووك ياضحكوك.
ملاك( كاتضحك): والملاين ماشي هوما الصرف سمحليااا
هاد المرة هي لي ضحكاتو ...عض على اسفل شفتيه متبسم ابتساامة خفيفية باينة على محياه ولكن شنايفو ماتمزكوش...ملاك كاتسناه يضحك حلمها هي تشولو كايضحك عمرها شافتو حتى متبسمم..
جبد باكية دالكَاررو من جيبوو...وجبد منها واحد وردها لبلاصتها.
رعد: جيبي مصعب اميييلكا...بغيت نلعب معاه شوية...!!
أنت تقرأ
🍷🥂عشيقة العميد 🥂🍷 ( مكتملة )
Action🥂🍷عــشـيـقــة الــعــمــيــــد🍷🥂 ✦٠وإنــــي لراقصــة أتمايل على أوتـــار قلوب البشر...وأنت الــبــشر يتمايـــل على شرارة نضراتك الممتثلة لنضـــرات الصقر٠✦ بقلم:🍂Malak HanSel🍂 •شنو الفرق بينك وبينو؟! " أنــا راقــصــــة.....وهو...
