♛•عــشـيـقــة الــعــمــيــــد•♛
✦وَعِنْدَمَـا تـَلـْتَقِي الْأجْـسَـاد يـَغْفوْ
الـْعَـقـْـل وَتـحْيا الْشّــهَـوَاتْ✦
•أنا راقصة وهو لحن الموت •
🍂<الجزء 72 🍂
دخلو لدار الجديدة ديال كوكا هو قدامها وهي وراه تابعة خطاه....كي دخلات دورات على أرجائها عينيها وحنات راسها واقفة فالباب ....اما هو دخل كايستكشف المكان ...عجباتو دويرة كلاص وصغيرة على قد الحال...دار شاف فأريج ونطق.
كوكا:حتشى أنا يالله دخلت ليها ...بجوج بينا اول مرة نحطو الرجل فيها...!
هاد الهضرة كايقولها الراجل لمراتو فاش يالله كايشريو شي دار ...الموقف متماثل والضروف مامتشابهاش خخ.
أريج(بنبرة خافثة وصوت رقيق):مبرووك عليك...بصحتك زوينة بزاف والله.
كوكا: الخوادرية ديالي هاد ليام كاينة مع صاحبتها ....غير شي يامات وتجي تونسسكك.
هزات راسها بواخا وردات البال لهضرتو المشرملة ...تبسمات من وراه وهو مزال كايقلب قنات الدار عزيز عليه التبقشيش...قاليه راسو عنداك يكونو دايرين ليه شي كاميرة هنا يراقبوه قلب الدنيا وهي متبعاه العين شوية حاولات تنطق وفعلا نطقات وقالت.
" واش...نتا كازاوي؟!"
حبس الحركة ووقف من فوق السداري لي كان كايقلب فيه.
.دار لعندها وجاوبها وهو كايحك شعرو وكأنه حشمان.
كوكا: امه...هضرتي ممتشتشة ياك؟! واش كاديرونجيك هضرتي؟!.
حركات راسها بلا بزربة وهي حاسة بلي قفراتها.
"لالالا ...بالعكس ...عجباتني....ءء...عجباتني ديك التشش لي كاتطلع من فوق التاء فهضرتك...لكنتك زوينة "
كاتطلعو وتنزلو بعويناتها الصغار الشينويين لباسو مشرمل وشعرو داير ليه تسريحة فشكل مطلع التشويكة ومخرج النص منها لاجنب مايل على جنب راسو وعلى عينيه ورطببب كايتحرك مع كل حركة دارها.
ناض جاي فجيهاها وهي تتقاظ فوقفتها وحنات عينيها عليه قالت يمكن ماعجبوهش شوفاتها ليه...بدات تفرك فصبيعاتها وقلبها بدا كايززدددحح فآخر درجاتو...عينيها دغيا عمرو بالدموع وحمارتت مزنككةةة والريق فحلقها نشف.
مد يديه عليها وهي تشهههقق وكالات بيديهااا محنية لتحت باش مايقيسهاش....كوكا تصددم...كمل شعل الضو من النكَّاصة لي وراها بيدو وبهدوء رجع بعد عليها كايشوف فيها مصدوم...عينيه كايتساراو عليها وهي خايفة وكاتبكي ومكالية بيديها فوق منها.
خاف يقيسها وتبكي تاني وتخاف منو بغا غير يطمنها بلي غلطات وبلي ماغايقربش ليها...فهاد اللحضة عرف باللي نفسية لبنت على الحضيض.
حبّس اللوطو فساحة فوق الجبل...باس يدد ملاك لي كانت فيدوو ونزل...فتح ليها الباب وشد ليها فيدها معاونها تنزل.
أنت تقرأ
🍷🥂عشيقة العميد 🥂🍷 ( مكتملة )
Action🥂🍷عــشـيـقــة الــعــمــيــــد🍷🥂 ✦٠وإنــــي لراقصــة أتمايل على أوتـــار قلوب البشر...وأنت الــبــشر يتمايـــل على شرارة نضراتك الممتثلة لنضـــرات الصقر٠✦ بقلم:🍂Malak HanSel🍂 •شنو الفرق بينك وبينو؟! " أنــا راقــصــــة.....وهو...
