♛•عــشـيـقــة الــعــمــيــــد•♛
✦وَعِنْدَمَـا تـَلـْتَقِي الْأجْـسَـاد يـَغْفوْ
الـْعَـقـْـل وَتـحْيا الْشّــهَـوَاتْ✦
•أنا راقصة وهو لحن الموت •
🍂<الجزء 101•🍂
ماقادراش تنساها....ماقادراش تتجاوز دكراها معاها ولو نهار واحد فحياتها... واخا دازو يام كثار وشهور قلبها على بعادها باقي مقهووور ....كيفاش تنسى ختهااا خت قلبها....أحن وحدة فيها كانت توأمتها ماشي غير صاحبتها...لي ضراتهم تضرهم بجوج ولي تفرحهم تضحكهم بجوج....كبرو مع بعضياتهم وكانت قوية بزاف علاقتهم....صورتها وهي كاتقفزز من فوق داك المبنى العالي قدام عينيها مابغاتش تخرج من بالها....من داك النهار وهي مخربقة وغير خايفة وفكل ثانية كاتتفكرها....مكاتسمع مكاتعقل ولا تشعرر ضروري تجبدها فحديثها ولا تبقا تبكي عليها .. الدموع كاينزلو مشرشرين من عينيها لي وللاو حمرين منفوخين وحناكها لي تقششررو بملوحة دموعها.
شد ليها مصعب فيديها وهو هاز المعلقة فيديه ومميل راسو كايشوف فيها بحنية نضرة عينيه...ميل شنايفو بحززن وشفقة ونطق.
"ماما ...افاك كولي...حوتي فيهم زوع فكلسك.".
قفزو دموع خرين حاررريين لخدودها حارقييين....غمضات عيونها وفتحاتهم وحنات راسها للأرض كاتحاول تغير النقطة لي كانت كاتشوف فيها ملي جلسات تما حتى طابو عينيها ونضرها تضرر...حاولات تبلع ريقها ولكن حلقها ناشف ...فتحات فمها محاولة تهضر والصوت بزز باش بغا يطلع حيت مدة هادي ماهضراتش. .
ملاك:ولدي......[مصعب جاوبها ب" امه؟"].
ملاك:علامن نبكي كي تضرني الدنيا وناسها....[غلقات عيونها كاتبكي بألم] علامن نشكي كي ضيق بيا وشكون لي نتوسدد دراعها ؟!...[تنخصصات بوجع] شكون باقا تعنقني لصدرها الحنين وتشرك معايا الدموووع وتبكي على لي ضارني ؟!شكون اولدي....[ كاتشهق مقصححة ماقادرااش تصبر راسها] شكون يحن فيا من غيرها ...كانو فيها حبابي و واليديا....كانت كولشي بالنسبة ليا....!
بعدات عليا....شادة السرير هادي شهر ونص فايقة ومافايقاش...عايشة وماعايشاش...غير مصدومة حتى الماكلة مكاتاكلهاش...مكايخليوناش ندخلو عندها غير من برا كانشوفوها اولدي انا ماقادراش....بغيت نعنقها ونبوسها ونطمنها بلي هادشي لي طاري ليها عادي وفأي لحضة تقدر توقف على رجليها وتشوف بعينيها.
كي كملات كلامها دخل رعد قايل.
" ملاك....ايمان.."
ملاك:مالهاااا؟! مال ايمان امم؟!
هي كاتمسح عينيها وهو شاف دموعها ومصعب كايحاول يوكلها وهو يتنهددد موجع معاها وكمل كلامو ملي شافها كاتشوف فيه باهتمام بعدما سمعات سمية صاحبتها.
أنت تقرأ
🍷🥂عشيقة العميد 🥂🍷 ( مكتملة )
Action🥂🍷عــشـيـقــة الــعــمــيــــد🍷🥂 ✦٠وإنــــي لراقصــة أتمايل على أوتـــار قلوب البشر...وأنت الــبــشر يتمايـــل على شرارة نضراتك الممتثلة لنضـــرات الصقر٠✦ بقلم:🍂Malak HanSel🍂 •شنو الفرق بينك وبينو؟! " أنــا راقــصــــة.....وهو...
