♛•عــشـيـقــة الــعــمــيــــد•♛
✦وَعِنْدَمَـا تـَلـْتَقِي الْأجْـسَـاد يـَغْفوْ
الـْعَـقـْـل وَتـحْيا الْشّــهَـوَاتْ✦
•أنا راقصة وهو لحن الموت •
🍂<الجزء 106 🍂
عفاها من شوفتو لي ماجاتش فيها…سمعها خاطباتو وميك عليها
نوا يتحرك من وسط الجنود وهي توقفو بكلامها….الجنود لي كانو معاه حناو بالراس وجرو بالخطاوي …!
هناء: علاش كاتجاهلني ؟!امممم!!!
رعد: كاتقولي بديتي كاتكرهيني والحاسة السادسة ديالي كاتقوليا باقا كاتنفحي التراب عليا
هناء: نونو… بغيت غير ندردش معاك بحال ايام الصداقة القديمة….سمعت شي هضرة ذايرة بين السلطات العليا كايقولو باك كانو كاع النسا مزعوطين فيه وتاهو ماكايحرمهمش منو
الكلبة ومكايحيدوش ليها…!
رعد رفع راسو بالإيجاب " ايوا دوماج….ضيعتي الفرصة فياماتو نتي بالدات مكانش غايحيدوليك على هاد التكلبين لي فيك"
هناء{شعلاتت}:ههه غانتجاهلة اممم….قوليا باباك....القائد الله يرحمو....داز على كاع بنات القرية المجهولة...!
رعد هز حاجب وحط الثاني وتبسم بطرف شفايفه قايل فنفسه" رحمه الله" ونطق مجاوبها بهدوء وبرود يعكس العصبية لي ركبات عروقو ملي جبدات المرحوم باه.
رعد: حتى ممكك كانت منهم....بحثي فالأمر يقدر الواليد يكون هو باك الأصلي ونتي تكوني ختي الغير الشرعية..
تلاشات ابتسامتها الإستفزازية واللون تغير فوجهها..عضات على سننيها وكرزات على قبضة يديها راددا عليه.
هناء:ختككك؟! واش نتا بعقلك..؟!
رعد:تيقيني حتى انا ماباغي تجمعني بيك حتى صلة من صلات القرابة...ولكن الى كانت هاد القضية غاتخليك تفكري فيا كأخ وتمحيني من بالك وماتبقايش تابعاني وفحياتي معقداني...غانتمناها.
هناء: كايصحابليك الى بقيتي كاتقمعني كانكرهك؟!ههه ( قهقهات باستهزاء) كاضيع وقتك.
رعد: المهم فكري فالموضوع ...حيت الفرق الكبير لي كان وبااااقي بين الواليد ديالي والواليد ديالك نتي. ..هو الرجولة....!
داكشي علاش تقدري تكوني ختي وهادا شرف ليك...عالأقل غاتسماي من عائلة مسترجلة وتتعفاي من لقب عائلة الألوان لي تنسبتي ليها.
فتح باب الدار بالخف والحس مامسموعش ليه…مررصصي خطوة رجلو وقاطع نفسو باش مايخليهاش تحس بيه .
غفلها فالبيت قدام المراية لابسة كسيوة قصيرة على حدود فخاضها والصيقان عريانين ببيوضيتهم لامعين…بلع ريقو مطلع معاها الشرفة بشوية مع الكسيوة كيف مزيرة عليها ولاسقة على طايتها الترمة خارجة مكورة والضهر ممشوق بخصرو والشعر الزعر مسندل على الكررر
رجع نزل لرجليها الصغيورين المشعشعين والصبيعات صبغاتهم بالغوز بيبي بحال لون الكسيوة قلبو زدح بين ضلوعو وهي كاتدور تشوف فيه بابتسامة واسعة على شنايفها
اريج: كيف جيت ههه؟
كوكا جمع راسو
"كي القحببببة…شهاد الحالا دالباطرونات دايرة فكرررك ؟ واش نتي فيك شي عرف ديال التقحبين مادوخوهش ليك هاد اليدين ؟!"
هز خباطاتو قدامها وهي صيقات عينيها كاتشوف بيه فيديه
" حربش تقيسني…مكاتعرفش تقول شي كلمة زوينة ااا الروينة ؟ اصلا جيت قرطاسة واحط سمك فقلبك وناوية نخرج هكا مع خالتي عبير ".
"تشي حطي خرزتشك للرض راه غانششلل الضالم لي حططكك "
أريج بعناد هزات بالحاجب ويديها على نصها انسطلاتهم
"تشللني ؟! هههههه ضحكتيني واخا مافيا لي يضحك….شفتك حاقرني االكازاوي الحازق ؟! بالله حتى دقة فيا دقة فيك والمغلوب يشد الأرض ديك الساع….قاليك يشللني راه انا لي غانشللك ااشريف "
كوكا طلعها ونزلها بعيون مضيقة وحاجب مرفوع عكس خوه
"بهاد المقادير هادو ؟!"
شافت فراسها حتى هي وخنزرات فيه
" شناهوااا "
كوكا "حتشى المقادير مكاملينش ليك شحال من عضم وشوية داللحم وشي قطيرات تاع الد.م واقاتلك تشللني….واش غاتشريحي ولا نوض نفصل لمك المفاصيل ؟!"
عبير غلباتها الريحة والزبل وبدات كاتقيا وتخوي معدتها وكل ما ردات كلما حسات براسها بيخير…..بدات كاتسترجع نفاسها ومصعب قاليها
"ايوا لاكانو ناث كايكولو ديلها فالنثا ولاتنثا ؟! انا كانكول ….ديلها فمثعب يوليك العزب…يالله بوثي الخلازي يا الثالفة الهالفة….المثمومة المتمومة….باث نوليك تخليني نبوثليك لزليك هههه واللهيلا كاتبيك زنة تحت اكدام امهات "
هرب وخلاها مصدومة فيه….ملي استوعبتت خرجات وراه تابعاه كاتحلف عليه….وهو كاع ناس الدوار قال قدامهم
" وازدك باثت خلزات بكلات "(جدة باست خرزات البقرات هه)
الناس كايضحكو وعبير حشمانة وكاتجري ….تبعاتو تالداو مصعب دخل كايجري تخبا ورا ملاك نيشان …نشان كالات عليه وعبير كاتغوت
"طلقيهليا …طلقيليا البرهوش لهنااااا اااري ليا البجغووووووططططط….ناااري اليوووم يم وت "
ملاك : ماماااااا عبيرررر مالك…اي اااي ردي بالك لكرشي…ماما شنو واقع ؟؟!!! اشنو دار ليك ؟
عبير : وعلاه ماشي هو لي خلاني نبوس خرزات البقرات…..الكوري كامل درت عليه بشلاقمي بوس ياماتبوس حتى تنبلو ليا الشنايف وهو كايضحك
هادشي كامل حيت باسليا رجليا …ولايني قالوها ناس زمان تصحر مع البراهش تصبح فاطر
مصعب مخبي ورا ماماه خايف ولكن لسانو طويل
" وماكالوش ماتفلاث على صغيل العقل حيت كايغفل امممم؟!
ملاك "شتت حسابي معاك هو اللخر….ماما عبير عافاك سمحيليه غير هاد المرة "
عبير رادا بالها مع كرش ملاك خايفا تقيسها
" طلقيهليا املاك "
رعد دخل وهو ينقز عندو مصعب غافل عبير
"باااابااااااا عتك عتكككك ولدك….تحاماو على السكايلي الصغيل هاد عيالات بزوز …..
•✦مــــلاك هـــانـــســـل ✦•
أنت تقرأ
🍷🥂عشيقة العميد 🥂🍷 ( مكتملة )
Action🥂🍷عــشـيـقــة الــعــمــيــــد🍷🥂 ✦٠وإنــــي لراقصــة أتمايل على أوتـــار قلوب البشر...وأنت الــبــشر يتمايـــل على شرارة نضراتك الممتثلة لنضـــرات الصقر٠✦ بقلم:🍂Malak HanSel🍂 •شنو الفرق بينك وبينو؟! " أنــا راقــصــــة.....وهو...
