الجزء الاول " ظهور مفاجئ.."
في احدى شركات الدالي كانت واقفة بكل هيبيتها و بتزعق بصوت جهوري قائلة
: الفلوس دي لو مطلعتش دلوقتي صدقوني كلكوا هتتعاقبوا ازاي مبلغ زي دا يطلع من خزنة الشركة من غير علمي لا و كمان مش موجود عندي ورق بكدا انتوا عارفين ان دي تعتبر سرقة و عقابها عندي عسير
محمد " مدير الخزنة " : يا بشمهندسة ليان احنا فعلا مطلعناش اي فلوس من الخزنة
ليان بزعيق : اومال مين اخدهم يعني ... الفلوس دي لو مطلعتش مرتباتكوا الحلوة دي هيتخصم منها و لو عرفت ان في حد من الموظفين بيتستر على الحرامي الي عمل كدا صدقوني حسابوا عندي هيبقى اوحش من الحرامي
و دخلت على مكتبها و رزعت الباب جامد مما خلى الموظفين يترعبوا و بدأ الهمس ينتشر بينهم ايوه هي دي ليان الدالي الابنة الكبرى لي زين و ليال و الي خلفتهم في الشركات و ورثت من ابوها الجدية و الصرامة و الهيبة الكبيرة و من امها الجمال الساحر الي يخطف اي حد و العيون الزرقاء الي لو حد شافهم مش بعيد يدوب من جمالهم و هنعرف بعدين لي ليان هي المسكت الشركات مش ريان نرجع للرواية
دخلت السكرتيرة ليها و هي بتقدم رجل و بتأخر رجل و وقفت و هي بترتعش من كثر الخوف و قالت
السكرتيرة : ليان هانم
ليان : يا نعم اي تاني
السكرتيرة : شركة الشرقاوي بعتوا ايميل انهم هييجوا بكرة ارد عليهم بالموافقة
ليان : ايوه و الغي اي ميتنج تاني انهاردة
السكرتيرة : تحت امرك يا فندم
و خرجت السكرتيرة و قعد ليان تفكر في ممكن يكون سرق الفلوس و فجأة دخل من الباب شاب طويل عريض ذو وسامة خلابة يخطف اي بنت بعيونه الساحرة و قال بمرح
: لينو مالك قاعدة كدا ليه زي المطلقين
ليان : تعالى انت جيت في وقتك
: عارف اني دايما باجي في الاوقات الصح
ليان : اقعد بس عايزاك في حاجة ضروري
: قعدنا يا ستي قوليلي
ليان : بص يا نونو
: نونو بقى انا ظابط قد الدنيا يتقالي يا نونو
ليان : اه انا اقول براحتي اسمع بقى
: ها
ليان : في فلوس اتسرقت من خزنة الشركة و طلعوا من غير علمي و محدش يعرف كلمة السر غيري انا و بابا و ماما و انتوا و دلوقتي انا هعتمد عليك في مهمة انك تعرفلي مين سرق الفلوس دي
: و اشمعنا انا ليه مقولتيش لريان
ليان : ريان في مهمة و مش هيرجع غير بعد شهر و انا لازم اعرف مين عمل كدا في اسرع وقت علشان ممكن يستغل اني مش عارفاه و يعملها تاني و يا ترى مين تاني في شرطة غير ريان يا ترى مين
: انا طبعا
ليان : الله ينور عليك يلا بقى يا آيان هعتمد عليك
ايان : طيب يا نوني هعرفلك بس اي المقابل
ليان : الي انت عايزه يا نونو
ايان : طيب اديني يومين بس و هجيبلك العمل كدا
ليان : طيب متعرفش فين اسر
ايان : لا انا هروح دلوقتي و متتأخريش علشان ماما عازمة العيلة كلها انهاردة
ليان : طيب
و خرج ايان من مكتبها و اتصلت ليان بشخص ما و كان محتوى المكالمة
: ايوه يا ست هانم
ليان : اي فين اسر بيه
: في نايت كلوب
ليان : اديني العنوان
: في ****
ليان : تمام لو خرج ابقى عرفني على طول
: تحت امرك
و قفلت الموبيل و خرجت من مكتبها بهيبة معتادة من ليان الدالي و نظراتها الحادة الكفيلة توقع قلب اي شخص ركبت عربيتها و اتجهت للنايت كلوب و دخلت و هي متقززة جدا من المكان و البنات الموجودة فيه و هي ماشية خبطت في شخص و لفت علشان تشوف مين الاتخبطت فيه لقيته شخص طويل وسيم يجذب اي حد ليه قالت بصرامة معتادة منها
ليان : اسفة
الشخص : لا انا لسة زعلان
ليان بأشمزاز : متزعل ولا تتفلق
الشخص : امم بتخربشي
ليان : اه و بعض كمان
و مشيت و سابته و شافت اسر قاعد على البار جنبه بنات كثيرة و بيشرب و لسة هتروح عنده في حد مسك ايديها و قال بصوت مهزوز اثر المشروب
الشخص : متيجي يا حلوة انتي شكلك جديدة هنا و انا صراحة جربتهم كلهم و عايز اجرب جديد
ليان : ابعد ايدك دي
الشخص : يا ستي تعالي بقى يلا
ليان : اجي فين ابعد كدا
الشخص : بتخربشي اوي شكلكو هتتعبيني
ليان هنا اتعصبت جامد و ضربت الشاب بالقلم و هو لسة هيردلها القلم كانت ضربته في بطنه وقعته في الارض و هو فضل يتلوى في مكانه من الالم و هي راحت عند اسر و كانت لسة هتتكلم لقت بنت بتقول
البنت : مالك مستعجلة على اي ما دورك هيجي اصبري انتي بس تاخدي حاجة تقيلة شكلك جديدة هنا
ليان بصتلهت من فوق لتحت و مسكت ايد اسر و شدته من وسطهم وسط ذهول البنات ازاي بنت تتجرأ و تمسك اسر بل تشده كدا
مشي اسر معاها و هو مش في واعيو كامل ركبته العربية و اتصلت بالحارس ياخد هو عربية اسر و اخدته في كافيه طلبت ليه قهوة علشان يفوق و هو شربها و هي فضلت باصة ليه بنظرات مريبة و قال اسر
اسر : مالك بصالي كدا ليه
ليان : اخرتها اي البتعمله دا يا اسر
اسر : بعمل اي انا حر
ليان : لا مش حر يا اسر مش حر انت كل البتعمله غلط في غلط و تخليني ادخل مكان زبالة زي دا و تخلي الناس تفكرني كدا يبقى مش حر اختك الصغيرة لما تشوفك كدا و تتعلم منك يبقى مش حر
اسر : و انتي اي خلاكي تيجي ورايا
ليان : علشان مكنش ينفع اسيبك يا استاذ و ماما عايزانا كلمت في البيت و لو روحت من غيرك بابا هيعرف يجيبك ازاي و صدقني مش هيعدي الانت بتعمله دا
اسر : طيب و اي
ليان : اسر اعقل كل حاجة بتعملها انت كل حاجة بتعملها غلط و اعمل حساب ان عندك اخوات بنات و هيترد فيهم مكنش فيهم هيبقى في بناتك او في مراتك اعمل حساب كدا داين تدان يا اسر .... لو خلصت يلا نروح علشان ماما متزعلش
اسر : يلا
و ركبوا العربية و كان الصمت سيد المكان لحد ما وصلوا قدام فيلا الدالي و دخلوا كان قاعد جوا زين و ليال و ايان و ليا و لؤي و اولاده و ليان و اولادها و ليل و اولادها و ليليا و اولادها و ساره و اولادها و لورين و اولادها
دخلت هي و اسر سلمت عليهم و استأذنت تطلع تبدل هدومها و طلعت وراها ليليا
دخلت ليان اوضتها و قعدت على السرير و اتنهدت و دخلت ليليا عليها و قال ليليا
ليليا : ممكن ادخل
ليان : طبعا يا خالتو اتفضلي
ليليا : مالك
ليان : مفيش ضغط شغل
ليليا : عليا برضو يا لينو
ليان : والله ضغط شغل يا خالتو
ليليا : ماشي مش هضغط عليكي بس لو عايزة تحكي انا موجودة
ليان : عارفة يا خالتو
ليليا : اسر كان فين
ليان : ليه
ليليا : قولي بس
ليان : كان في نايت كلوب
ليليا : مبطلش برضو
ليان : لا و شكله مش ناوي
ليليا : سيبهولي
ليان : انا والله تعبت يا خالتو
ليليا : حبيبتي معلش
و خرجت ليليا من الاوضة و غيرت ليان ملابسها و نزلت كانوا قاعدين و قالت ليليا
ليليا : اسر ممكن تيجي لحظة هتعملي حاجة
اياد : عايزة اي من الواد دا
ليليا : اصبر يا اياد بس
اسر : اي يا خالتو
ليليا : تعالي
و اخدته و خرجوا برا في الجنينة و قالت ليليا
ليليا : مش ناوي تبطل بقى
اسر : ابطل اي
ليليا : تروح الاماكن دي
اسر : اماكن اي
ليليا : متعملش عبيط انا عارفة كل حاجة
اسر : ليه كلكوا بتعاملوني على اني صغير مش فاهم يعني
ليليا : اسر انت مهما كبرت هتفضل صغير و احنا بنعمل كدا علشان مصلحتك لو مش خايف من ابوك خاف من ربك
اسر : لو سمحتي يا خالتو انا مش صغير و عارف بعمل اي كويس
ليليا : ماشي انت حر يا اسر بس صدقني البتعمله دا اخره وحش
و قبل ما اسر يرد كانت ليليا مشيت من قدامه من غير ما تسمع رده
عدى اليوم بتجمع عائلي لطيف في اليوم الثاني صحيت ليان من نومها عملت روتينها المعتاد و نزلت راحت الشركة دخلت و بدأت شغلها و في نص اليوم دخلت السكرتيرة و قال
السكرتيرة : ليان هانم ادهم الشرقاوي برة مستني حضرتك
ليان بتعب : اعتذري منه و قوليله مش هينفع انهاردة خليه ييجي بكرة
السكرتيرة : بس يا هانم ...
ليان : سمعتي انا مبحبش اكرر كلامي
خرجت السكرتيرة و بعد عشر دقايق اتفتح باب المكتب بتاع ليان و دخل شاب عريض طويل ذو ملامح وسيمة تجذب اي بنت ليها و بصت ليان ليه و قامت بكل غضب و دخلت السكرتيرة وراه
السكرتيرة بخوف : والله يا هانم قولتله و هو دخل من غير اذن
ليان : اي الاسلوب دا معلش
الشخص : علشان تحترمي مواعيدك يا استاذة و بعدين هستنى اي من واحدة ست كلكوت مش بتحترموا المواعيد بتاعتكوا
ليان : لو سمحت احترم نفسك
الشخص : انا ادهم الشرقاوي تقوليلي تعالى بكرة ليه
ليان : ايوه يعني مين ادهم الشرقاوي اعملك اي و انا المديرة و بقلك تعالي بكرة
ادهم كان لسة هيتكلم و لكن قاطعهم صوت دخول شاب اخر و قال
الشاب : في اي الي بيحصل هنا
ليان بصت على مين بيتكلم و بعدها خرجت من المكتب و راحت على الشاب دا و حضنته بقوتها كلها وهي بتتمتم بكلام مش مسموع و اتفاجئ الشاب بوجود ادهم و العكس برضو انسحبت السكرتيرة خارج المكتب و بعدها خرجت ليان من احضان الشاب و قالت
ليان : وحشتني اوي
الشاب : و انتي اكتر يا روحي
ليان : مش المفروض ترجع بعد شهر
الشاب : ما دا عنصر المفاجأة بقى
ادهم : اي دا ريان الدالي بنفسه وحشتني والله
ريان : ادهم بتعمل اي هنا
ادهم : المفروض اني هعمل اجتماع من مدير الشركة و طلعت بنت و رفضت اننا نعمل الاجتماع علشان حاضرتها مش بتحترم مواعيدها انت تعرفها منين دي اصلا
ريان : اي دا مش هتعملي الاجتماع ليه
ليان : انا تعبانة انهاردة و لغيت كل المواعيد الي عندي البيه دا دخل بكل همجية و بيقول اني مش بحترم مواعيدي انا حرة
ادهم : انت تعرفها منين دي دي واحدة مبتحترمش مواعيدها ازاي ويان الدالي يعرف بنت زي دي
و بعدين فضل باصص عليها فترة و دقق في ملامحها و قال
ادهم : مش انتي البنت الي قابلتها في البار امبارح
ريان بص لي ليان و هي قالت
ليان : بار اي هو انت الشخص اللزج الي خبط فيا
ادهم : متغلطيش بس ... و بعدين يا ريان تعرف الاشكال دي منين و بتروح نايت كلوب و الله اعلم بتعمل اي تاني
ريان بصدمة : انتي بتروحي نايت كلوب يا ليان
ليان : لا انا كنت رايحة اجيب ...
و لسة هتكمل قاطعها ادهم و قال
ادهم : كمان كدابة شوف بتستغفلك فين بقى يا ريان ملقتش غير الاشكال دي
بصت ليان ليه بنفاذ صبر و اتعصبت و قالت
ليان : متحترم نفسك يا بني ادم انت انا سايباك تغلط من الصبح اي هو انت انسان عديم الرباية ولا اي
ريان : اهدي يا لينو و قوليلي كنتي بتعملي اي في الزفت دا
ليان : كنت بجيب اسر
ادهم : و بتخونية مع اخوه يا بجحة
ليان : بخونه
ادهم : يا خاينة
ريان : خاينة اي انت تعرف مين دي
ادهم : واحدة انت تعرفها بس طلعت واحدة خاينة رخيصة
ريان : ادهم احترم نفسك الي بتتكلم عنها دي اختى
ادهم تنح ليهم هنا الاثنين و قال
ادهم : اختك مين انت عندك اخت
ريان : اه
ادهم : مش هي كانت ليا و تقريبا دي في ثانية كلية اصلا
ريان : اه ما في اثنين
ادهم : و دي بقى الصغيرة
ريان : دي تؤامي
ادهم : انت عندك تؤام و انا اخر من يعلم و بعدين ازاي دي مش شبهك دا انت حتى نسمة و هي عاصفة
ليان بنفاذ صبر و غضب مكتوم : ريان بما انكوا صحاب انا هروح علشان تعبانة صاحبك عندك اعمل ليه الاجتماع انا مش هعمله حاجة
و خرجت من المكتب و قال ادهم
ادهم : بس ازاي و بعدين ليه هي الماسكة الشركات مش انت
ريان : علشان انا ماليش في جو البزنس و بعدين هي مش لوحدها هي معاها اسر بس هتلاقيه اجازة انهاردة و كمان انا كفاية عليا شغلي في الخابرات
ادهم : امم و انت مش بتنزل الشركة خالص
ريان : لا يا ادهم لما ابقى في اجازة مثلا بنزل انا مكانها و هكذا
ادهم : امم حلو
ريان : لا مش هنقعد نتكلم بقى يلا نعمل الاجتماع دا و نخلص لسه في ماما هفاجئها
ادهم : يلا
و فعلا اقاموا الاجتماع و بعد ساعتين خلصوا و كانوا واقفين قدام الشركة و قال ريان
ريان : ادهم ما تيجي معايا دي ماما هتفرح اوي لما تشوفك
ادهم : لا يا عم خليها مفاجأة ليها انك رجعت هاجي اعمل اي انا
ريان : لا تعالي بجد هتفرح اوي بقالها كثير مشافتكش و هي بتحبك
ادهم : عارف علشان انت الحيت عليا بس هاجي
و مشيوا وصلوا قدام الفيلا و نزلوا و فتحت المساعدة في البيت و دخلوا كانت قاعدة ليال و معاها زين بيفتكروا زكرياتهم سوا قبل ما يخلفوا و قال ريان
ريان : ماما
ليال بصت على مصدر الصوت و قامت وقفت بكل فرحة و بعدها راحت عليه بسرعة و حضنته باقصي ما عندها بقوة و زين كان واقف قالت ليال
ليال : كدا كدا يا ريان تغيب دا كله
ريان : حقك عليا يا ست الكل كانت مهمة و خلصت خلاص و هقعد معاكي شهرين بحالهم
ليال : بجد يا رينو
ادهم : الله رينو عرفنا نقطة ضعفك
ليال : اي دا ادهم عامل اي بقالي كثير مشوفتكش
ادهم : الحمدلله يا ليلو يا قمر انتي
زين : والله يا ادهم كلمة تانية و همسح بيك البلاط
ادهم : لا منقدرش على غضب زين بيه احنا اسفين
ليال : اي يا زين دا قد ريان يعني
زين : برضو و بعدين خلاص سيبي الواد دا تعالي هنا
ريان : اي يا بابا انت مش هتيجي تسلم عليا ولا اي
زين : لا انت التيجي يا روح بابا
ريان : طبعا نروح للحاج زينو
و سلم عليه و كذالك ادهم و قعدوا يتكلموا سوا و في وسط كلامهم نزلت ليان من اوضتها و كانت لابسة بيجامة باربي و لامة شعرها ضفيرتين و نازلة و هي بتتاوب لانها كانت نايمة و بتقول بين تثاؤبها
ليان : مامي ... يا مامي الغدا فين انا جعانة
و لفوا كلهم على مصدر الصوت و اتفاجئ ادهم من مظهر ليان الي مكنش نفس المظهر الصارم الي كانت عليه في الشركة و قالت ليال
ليال : غدا اي لسة شوية
دققت ليان في الشخص الي قاعد و قالت
ليان بنرفزة : هو انت بتجري ورايا ولا لازق فيا ولا بتلحقني
ادهم : انتي بتكلميني
ليان : لا بكلم خيالي ايوه بكلمك
ادهم : والله انا جاي لطنط ليال مش جاي لعيونك
ليان : و انت تطول تيجي لعيوني اصلا دا اي دا
زين : انتوا تعرفوا بعض
ليان باستفزاز : اه يا بابي علاقة لزجة كدا صدقني تجيب المرض
ليال : ليه كدا يا حببتي دا ادهم سكرة
ادهم : بس مش عارف ازاي يا طنط ليال جبتي ليان دي يعني انتي سكرة و اونكل زين سكرة برضو مش عارفة جايبينها منين دي
ليان : من نفس المكان الي جيت منو اصلنا شبه بعض بقى
ريان : خلاص بقى دا انتوا غلبتو توم و جيري
ليان : سكت ... يا دادة عايدة ... يا دادة عايدة انا جعانة
عايدة من المطبخ : حاضر يا لينو ربع ساعة و الاكل هيخلص يا حببتي
ليان : ماشي يا دودو
و نزلت قعدت جنب مامتها و قالت ليال
ليال : اي المنظر دا بقى
ليان : مالي
ليال : عاملة ضفرتين و لابسة باربي
ليان استوعبت هي لابسة اي و انه شافها بالمنظر دا و برستيجها قدام الموظفين قامت جريت على فوق
عدى اليوم بدون احداث كثيرة ما عدا خناق ادهم و ليان و في اليوم الثاني راح كل من زين و ريان و ليان و اسر الشركة و بعد انتهاء اليوم في الشركة نزلوا و كانوا واقفين جنب بعض و معاهم مازن و مراد و يزن ابن مراد و حواليهم حراس كثيرة و كانت واقفة جنب الشركة في زاوية مش متشافة بنت جميلة عيونها زرقاء مخضرة محجبة و لابسة فستان ابيض عليه ورود حمرا و بجانبها كان واقف راجل في الثلاثين من عمره و قالت
البنت : هاروح ليهم ازاي طيب و الحراس دول واقفين خلاص بقى مش مهم يلا نرجع
الشخص : لا و دي وصية هتتنفذ علشان ميتحكمش عليكي بالسجن و انا مهمتي اوصلك ليهم و اتأكد ان الوصية اتنفذت دي قرارات
البنت : طيب هو مش انا عندي تقريبا عم ليه منروحش ليه بدل دا
الشخص : كدا دي الوصية و بعدين على حسب معرفتي ان الراجل دا يبقى صاحب عمك برضو الروح بالروح يلا امشي قدامي علشان اوديكي ليهم هعرف ادخلهم
و فعلا اتحركوا الشخص و قال للحارس حاجة و سمح الحارس بمرورهم و قال زين
زين : مين انتوا
الشخص : انا حميد من الشرطة المصرية موكل بمهمة من ادارة دولة *** اني اوصل الانسة دي لحضرتك يا زين بيه
زين : و مين انتي
البنت : انا أيلا
زين : ايوه يعني عرفتك انا كدا
الشخص : اتفضل يا باشا الكارنية بتاعي و دي أيلا بنت كانت عايشة في دولة *** و ابوها متوفي و امها توفت من قريب و الوصية بتاعت والدتها بتقول انها لازم تيجي لي ليال هانم زوجة حضرتك و طبعا مش هنقدر نوصل ليها فا هنضطر ان احنا نبلغ حضرتك بالموضوع دا و الوصية دي واجبة التنفيذ ولو متنفذتش فيها سجن بالنسبة لقوانين الدولة دي
زين : تمام عرفيلي نفسك و مامتك تعرف ليال منين
أيلا : انا أيلا امير الشامي
زين فضل باصلها لوهلة و قال
زين : أيلا ... انتي ايلا
ايلا : اه انا
زين : معقول امير مات
ايلا بحزن : اه الله يرحمه
زين : انا اسف يا بنتي مأخدتش بالي تعالي
ايلا : اجي فين
زين : تعالي في حضني انتي بنت الغالي
ايلا اتوترت و متحركتش من مكانها و زين لاحظ دا راح عليها و قرب منها و حضنها هو وسط دهشة كل من ليان و ريان و اسر و يزن و بعدها قال
زين : تعالي تعرفي ليال هتفرح ازاي دي كان نفسها تشوف ريناد بأي طريقة
مراد : طيب عرفها علينا الاول البنت باين مصدومة
زين : اه معلش انا زين يا بنتي و دي ليان بنتي الكبيرة و دا ريان ابني الكبير هما تؤام و دا اسر و دا عمك مراد صاحب ابوكي برضو و دا يزن ابنه
ايلا بتوتر : اهلا اتشرفت بمعرفتكوا
كلهم ردوا ما عدا ريان و قال الشخص
الشخص : انا كدا وصلتك ليهم هتفضلي تحت المراقبة شهر علشان يبقى الوصية اتنفذت بالكامل استأذن انا بقى
و مشي و بعدها اتحركت البنت و هي متوترة من العيلة دي و ركبوا العربية وسط النظرات الحادة من ريان و ليان و نظرات الشك في عيون يزن و اسر و اتكلم ريان بهمس لوالده
ريان : مين دي يابابا
زين : هتفهم لما نروح اتصل على عمك مهند خليه ييجي بسرعة و يجيب سارة
و فعلا وصلوا البيت و نزلوا و دخلوا البيت كان موجود في البيت ليال و معاها ليا و ايان و ليان اختها و اولادها يارا و يونس بيتخانقوا مع ايان و ليا و ليل و معاها بنتها سما و قال زين
زين : ليال احنا جينا
ليال : حمدلله على سلامتكوا تعالوا اقعدوا هخلي دادة عايدة تحطلنا اكل احنا مستنينكم
زين : اصبري بس معانا ضيفة
ليال : بجد فين
و ظهرت من ورا ظهر زين بنت و قالت ليال
ليال : مين دي
زين : دي ايلا
ليال : ايلا بنت ريناد و امير
زين : بالظبط
ليال : ايلا تعالي
راحت عليها ايلا و حضنتها ليال بحب و استغربت ايلا معقول دي الست الي قد والدتها دي شكلها ميديش سنها خالص و لكن تجاوبت في الحضن دا و بعد فترة قالت ليا
ليا : مين دي يا ماما
ليال : دي ايلا يا لولو دي تبقى بنت صحبتي البيست
ليا : اوه كان عندك بست فريند
ليال : طبعا يا روحي كانت البيست بتاعتي انا و طنط سارة
ليا : واو اسمها اي بقى
ليال : ريناد ... اه صح فين ريناد يا ايلا
لمعت نظرة الحزن في عنيها و قال زين
زين : في حاجات هنتكلم فيها دلوقتي كلنا بس لازم ترتاح الاول دي جاية من المطار على هنا ... ليا خديها هتنام معاكي في الاوضة لحد ما اخليهم يجهزولها اوضة ثانية
ليا : حاضر يا بابي تعالي معايا يا ايلا انا ليا عندي عشرين سنة و انتي
ايلا : انا كمان عندي عشرين سنة
ليا : و في كلية اي بقى
ايلا : انا مخلصة طب
ليا : مخلصة ازاي
ايلا : في الدولة الانا كنت ساكنة فيها كنت دخلة صغيرة
ليا : اها
و مشيوا تحت نظرات ريان الحادة لي ايلا
بكدا يخلص جزء انهاردة يا ترى ايلا ظهرت فجأة ليه و ليه ريناد وصتها تنزل مخصوص مصر علشان ليال و زين و اي هي مشكلة ايلا دا الهنعرفوا الجزء الجاي استنوني ♥️
و بس سي يو ♥️
