الجزء الثالث عشر
في صباح يوم جديد صحيت ايلا لقت ريان واقف بيلبس جاكت البدلة بتاعه صحيت وقفت و قالت بنعاس شوية
ايلا : ريان .. انت رايح فين
ريان : صباح الخير الاول طيب
ايلا : اه صباح النور
ريان : صباح الخير رايح مشوار بسرعة و جاي تكوني حاهزة علشان عاملك مفاجأة
ايلا : بجد
ريان : اه يلا هنزل علشان متأخرش بقى هكلمك و انا جاي تلبسي
ايلا : ماشي
قرب ريان عليها و باسها من خدها و نزل بينما هي دخلت الحمام بدلت لبسها و اخدت شاور و طلعت نزلت تحت كانوا قاعدين بيفطروا فقالت ليال
ليال : تعالي يا ايلا افطري معانا
ايلا : حاضر
زين : اومال فين ريان لسة نايم
ايلا : لا ريان خرج
ليال : خرج فين الصبح كدا
ايلا : معرفش قال مشوار و راجع
زين : خلاص كملوا اكل
ليا : بابا احنا هنخرج شوية و بعدين هنوصل ليلى و ميرنا و نرجع على هنا
زين : مين انتوا
ليا : انا و ايان
ايان : انا مالي يا حببتي انا واحد تعبان
ليا : ما انت بقيت زي القرد اهو تعالى معايا و انا هسوق متخافش
ميرنا : ينهار ابيض هتسوقي انتي لا يا ستي مع نفسك مش مستغنية عن عمري
ليا : انتوا كلكوا كلاب والله مفيش غير ليلى حبيبتي هي الي هتنصفني
ليلى : لا يا حببتي انا هكلم سليم ييجي ياخدني انتي شايفاني مستغنية عن عمري ولا اي انا لسة صغيرة و قدامي العمر
ليا : والله انتوا الخسرانين هيفتكوا دور ديسكافري من غير دسكافري
ايان : هتشقلبي بينا العربية
ليا : مش بالظبط اوي يعني
ليال : و انا شاهدة يا حببتي كنتي هتقلبي العربية بينا
ليا : حتى انتي يا ماما فين ريان و اسر يقولوا كمان
اسر : انا اهو مين بيجيب في سيرتي
ليا : بزمتك يا اسر انا سواقتي وحشة
اسر : بشعة يا حببتي
ليا : والله انا ماليش غير ريان لما ييجي نسئله
و كملوا اكلهم وسط اجواء مرحة و على العصر كان ريان بيتصل على ايلا ردت و هي قاعدة معاهم
ريان : الو يا حببتي
ايلا : الو
ريان : ابدئي البسي بقى انا جاي في الطريق البسي دريس بس عارفة يا ايلا لو كان ضيق ولا ملفت هعلقك و مش هنخرج
ايلا بضحك : متخافش مش هلبس ضيق انا مبحبش البس ضيق على فكرة
ريان : خلاص يلا قومي
ايلا : حاضر
و قفلت معاه فقالت ليا
ليا : ياه على الحب
ايان : ياه فعلا
ايلا : انتوا عايزين اي مني
ليا : ولا حاجة
ميرنا : عينهم وحشة هيحسدوكي
ايان : اسكتي يا بت انتي
ميرنا : قلت الحقيقة فاكرين لما وقعت على رجلي بعد ما قلتولي شكلك تحفة
ايان : دي كانت دعوة عليكي يا حببتي كان من اعمالك
ليا : فعلا
ايلا : خلاص اتخانقوا براحتكوا بقى هقوم البس
ليا : رايحة فين
ايلا : هنخرج انا و ريان
جات من وراهم ليلى و هي بتقول
ليلى : يا عيني كل يوم خروج اه على حياة السناجل الوحشة دي
ايلا : لا انا هقوم بقى بدل ما اتكسر هنا
و قامت و هي بتضحك و طلعت لبست فعلا و نزلت لما ريان اتصل عليها و ركبت العربية و اتجهوا لمكان على البحر متزين و في ترابيزة في النص و كان وقت غروب الشمس فكان المنظر خطير قعدت و قالت
ايلا : دا بمناسبة اي بقى
ريان : بمناسبة اني بحبك
ايلا : بجد
ريان : هو لازم مناسبة علشان افاجئك انا غلطان يا ستي
ايلا بضحك : بهزر خلاص
ريان : اي رأيك
ايلا : تحفة بجد المكان حلو اوي
ريان : حلو علشان انتي فين
ايلا بكسوف : شكرا
ريان ضحك عليها و بعد شوية قاموا يرقصوا سلو و بعد ما خلصوا الرقصة وقف ريان و طلع من جيبه علبة و فتحها و كانت سلسلة شكلها سيمبل بس تحفة و لبسهالها و قال و هو ساند جبهته على جبهتها
ريان : متقلعيهاش خالص من رقبتك
ايلا : حاضر
و بعد شوية من الوقت على منصف الليل رجعوا البيت و كانوا قاعدين بيضحكوا لقوا ايان في وشهم و هو بيقول بصوت رقيق
ايان : كدا يا ريان خونتني
ريان : خونتك اي ابعد يلا
ايان : مش هسيبك و هجيب حق قلبي الي اتكسر
ضحكت ايلا و قال ريان
ريان : اتظبط يا ايان
ايان : خلاص خلاص يا عم متزقش انا طالع انام الحق عليا قلت استناكوا
و مشي و سابهم و طلع الباقي و ناموا
في اليوم الثاني عند غرفة يارا على العصر كدا دخل اسر الاوضة و قال
اسر : يارا
يارا : نعم
اسر : خدي دي
يارا : اي دي
اسر : سلسلة
يارا : بمناسبة اي
اسر : من غير مناسبة البسيها كدا
طلعتها يارا من العلبة و بدأت تحاول تلبسها معرفتش تقفلها فقرب اسر و من غير مقدمات كتير مسك شعرها حطه على كتفها و مسك السلسة قفلها
اسر : متقلعيهاش بقى
يارا باستغراب : حاضر
اسر بتردد : نخرج انهاردة
يارا : امم انهاردة ماشي مفيش مشكلة
اسر : ماشي خلاص هننزل على ثمانية حلو
يارا : ماشي
نسيبهم و نروح في كلية الطب كانت قاعدة ليلى في الكافتيريا بتذاكر كالعادة اتصل عليها ايان
ليلى : الو
ايان : اي يا لولو
ليلى : ونبي بلاش لولو دي بحسني كلب
ايان : لا خلاص يا ستي بلاش لولو خالص هقلك لولا
ليلى : عايز اي يا ايان انا قاعدة بذاكر مش فضيالك
ايان : الواد دا قرب عليكي تاني
ليلى بضحك : لا والله حتى لما شافني خاف كدا و رجع ورا لحد ما عديت انت عملتلوا اي يا ابني
ايان : علمته الادب بس
ليلى : تسلم ايدك
ايان : الخدامة الجديدة دي مشيت
ليلى : انهي
ايان : الي عندكوا يا بنتي ركزي معايا كدا
ليلى : اه بابا هزقها و مشاها
ايان : طيب حلو هتيجي على عندنا انهاردة بقى دا ماما عاملة محشي
ليلى : لا طالما محشي بتاع عمتو يبقى اجي طبعا حتى هتصل على سليم ييجي
ايان : طيب يا ستي هعدي عليكوا اخدكوا انهاردة ماشي
ليلى : ماشي يا ايون
ايان : ياه ايون
ليلى بكسوف : ايان يلا سلام
ايان بضحك : خلاص خلاص سلام
و قفلت و كانت مبتسمة كان واقف من بعيد عمار بيراقبها هو و صاحبه و قال عمار بكره
عمار : هندمها بس صبرا
صاحبه خالد : هتعمل اي
عمار : هفضحها في الجامعة
خالد : هتفضحها ازاي يا ابني مش الواد دا مسح صورها من عندك
عمار : فعلا بس اي علاقتها بالواد دا ما هو مش تسيبني و تروح ليه يبقى افضحها بقى
خالد : تصدق فعلا انا معرفتش لحد دلوقتي اي علاقتها بالولد دا بس هو تقريبا اخو ليا الدالي
عمار : مش فارقة المهم ميقربلهاش
خالد : ابعد عنهم احسن
عمار : مش هيحصل
بعد انتهاء اليوم على بوابة الكلية كانت واقفة ليا و ليلى و ميرنا جيه عليهم ايان و هو بيقول
ايان : هاي جيرلز
ليا بقرف : جيرلز
ايان : ايوه انتي ايش فهمك في الانجلش يا بت يا فلاحة انتي
ليا : بس يلا انا الدكتورة ليا
ايان : دكتورة بهايم
ليا : طيب ما ليلى معايا في نفس الكلية و غيرتلك الشاش يبقى انت بهيمة
ليلى بضحك : عندك حق
ايان : انا بهيمة مفيش غيرك بهيمة هنا يا ليا والله ماهسيبك و انتي يا ليلى كنت لسة هدافع عنك متستاهليش
ليلى ضربته على صدره من غير من تاخد بالها ضربت فين فقال ايان بألم
ايان : اهه ايدك تقيلة لسة مخفتش
ليلى بخضة : يلهوي معلش معلش
ايان : يلا فداكي
ميرنا : متنشف يلا كدا ايش حال كنت ظابط
ايان : انتي بقى يا ميرنا واحد صاحبي
ميرنا : انت تطول تصاحبني يلا
ايان : مش بقول يلا قدامي يا مصايب كدا دا ماما عاملة حبة محشي انما اي جمال
ميرنا : يا سلام على المحشي بتاع خالتو ليلو
ليلى : عليها محشي خطير
ايان : يلا مش خسارة فيكوا
و مشيوا تحت نظرات عمار المليانة بالغل و الكره
وصلوا البيت كان معظم العيلة متجمعة و معاهم ادهم الي جيه باصرار من ليال دخلوا و اكلوا و بعدها قعدوا مع بعض و بعد شوية لقوا الخدامة داخلة و معاها الممرضة و قالت الممرضة باعتذار شديد
الممرضة : احم انا اسفة اني فعلا مجتش المرة الي فاتت كان عندي حالة وفاة و مكنتش عارفة ارد على حد خالص اعذروني
ليال باستغراب : اومال مين غيرلك الشاش يا ايان
ايان : لي....
مكملش لان ليلى حطت ايديها على بوقه و قالت
ليلى : هو غيره لنفسه يا عمتو
ليا : يا بنتي بقى ابعدي عن الواد هيموت
ايان : في اي كتمتيني
ليال : غيرته لنفسك ازاي يواد
ايان : مغيرتوش انا دي ليلى الي غيرته
صفر ادهم و قال
ادهم : لا لا يا واد يا ايان غلبتني
وش ليلى احمر و خرجت في الحديقة غيرت الممرضة الشاش و طلع ايان وراها و لقاها قاعدة سرحانة قرت و قعد جنبها
ايان : مالك
ليلى : ماليش ابعد عني
ايان : انتي زعلانة بقى
ليلى : اه ليه بتقولهم اصلا خليت منظري وحش
ايان : وحش اي على فكرة بعد ما خرجتي كملوا عادي محدش اخد في بالو و لو على ادهم فا هو بيحب يهزر زي كدا
ليلى : بس برضو
ايان : خلاص يا ستي متزعليش انا اسف
ليلى : طيب
ايان : تعالي بقى اقعدي معانا جوا
ليلى : يلا
و دخلوا قعدوا مع بعض كلهم نروح عند ايلا و ريان كانوا قاعدين معاهم فقالت ايلا لي ريان بهمس
ايلا : ريان
ريان : نعم يا حببتي
ايلا : انا عايزة انزل اشتغل
ريان : ليه
ايلا : مفيش زهقت من قعدة البيت بجد هنزل اروح المستشفى و اهو ادرب نفسي شوية انا مشتغلتش من ساعة ما اتخرجت
ريان : لا
ايلا : ليه لا يا ريان
ريان : مش الفترة دي طيب
ايلا : ليه اشمعنا يعني
ريان : كدا اصبري شوية
ايلا : يوهه
ريان : طيب علشان متزعليش اي رايك نخرج سوا
ايلا : بجد
ريان : اه والله بس نرتبها بس
ايلا : ماشي خلاص
في مكان تاني كان قاعد شارف مع سامر و قال
شارف : انا جهزت المكان خلاص و عرفت انهم هينزلوا بكرة هي و ريان هستغل انشغاله عنها و نخطفها على طول مش هنستنى وقت
سامر : طيب خليني ماشي وراك لحد ما اشوف
شارف : مش هتندم صدقني
و بكدا يخلص جزء انهاردة اتمنى يعجبكم معلش قصير شوية متنسوش تعملوا فوت " تصويت " و رأيكوا في كومنت ♥️
بس سي يو ♥️
