الجزء السابع عشر
عدى اسبوع بدون احداث كثيرة غير ان ايلا اتصلت على الدكتور بتاعها في البلد الاجنبي و عرفت منه ان شارف هو الي قاله يديلها الدوا دا لانه قاله انها كانت مريضة و متعرفش و شارف بيحافظ على صحتها و اتأسف منها علشان مركزش في ان الدوا مش مناسب و قفلوا و في يوم كانت قاعدة ايلا و معاها ريان بيأكلها
ايلا : خلاص بقى شبعت
ريان : لا يلا هتخلصي الطبق دا كله
ايلا : والله شبعت خلاص مش قادرة
ريان : لا انا قلت هتخلصيه يلا بقى انتي حامل بتأكلي اثنين
ايلا : لا دا كدا اكل اربعة يا حبيبي انا حامل في واحد
ريان بغمزة : و اي يعني نجيبله الثلاثة الثانين
ايلا بخجل : ريان بطل بقى
ريان بضحك : خلاص خلاص يلا كلي
ايلا : بجد دي اخر معلقة مش قادرة خلاص
ريان : طيب
دخلت عليهم ليا و ليلى و ميرنا و ايان و ادم و اسر و يارا و يونس و سليم
ليا : اهلا يا عصافير
ايان : اوبا شكلنا جينا في وقت غلط
ميرنا : ياه على الرومانسية دي بتأكلها كمان ... ادم انا عايزة حد يأكلني
ادم : روحي بس كدا انتي الي يفكر يأكلك مش هيخلص انتي مبتشوفيش نفسك
يارا : عنده حق جدا
ميرنا : يعني انتي الي نسمة اوي يا بت دا انتي ديناصور
يارا : انا !! اسئلي اسر دا انا فعلا نسمة
اسر : طبعا طبعا اكيد كدب يا حببتي
يارا ضربته في صدره و قالت
يارا : ماشي لينا بيت
ليلى : عاملة اي يا ايلا و اخبار النونو اي
ايلا : الحمدلله يا ليلى انتي عاملة اي
ايان : زي القردة قدامك
ليلى : و انت مالك انت بقى طيب مش هتجوزك بقى
ايلا : لا لا ريحينا بقى
ايان : والله حتى انتي كنتي معتبرك صاحبتي
ريان : نعاااام ... صاحبت مين
ايان : في اي يا برو بهزر
ريان : اي الجابكوا كدا
ايلا : عيب كدا يا ابني جايين يزوروني
يونس : شايف شايف اتعلم الذوق يا ابني
سليم : والله احنا غلطانين
ادم : هتلاقيه عايز يحلاله الجو بقى
ايلا اتحرجت و قالت بهمس لريان
ايلا : لا خرجهم برة بقى انا اسفة
ريان بهمس : شوفتي شوفتي
ايلا بهمس : خلاص بقى هتذلني
ريان : لا يا حببتي مقدرش طبعا
ايلا : خلاص هسلط عليك اُبي حبيبي
ريان : مين دا يماما حبيبك مين
ايلا : ابني
ريان : اه انتي قررتي تسميه اُبي
ايلا : اها بحب الاسم دا اوي
ريان : و انا مقدرش ازعل حببتي اُبي اُبي يا ستي
ايلا : حتى شوف اُبي ريان الدالي لايق اوي
ريان : فعلا
ليا : نحن هنا على فكرة بتتهامسوا في اي
ريان : و انتي مالك يا غلسة
ميرنا : ياه على الحب عايزة اجربه الحب دا
ابتسم سليم بخبث و قرب على ادم و قال بهمس
سليم : متلم اختك يا عم ولا اتهور دلوقتي
ادم : متتهور يا حبيبي و تخلصني منها لاحسن هتشل
سليم : معنديش مانع بس البعيدة تحس
ادم : هجسلك نبضها دلوقتي اصبر
ادم : بمناسبة الحب سليم قرر بتجوز يولاد
ليا : اوبا مين بنت الحلال
ادم : ميس زميلته
ميرنا بضيق : بجد ...
سليم بضحك مكتوم : اه
ميرنا بدموع مكتومة : الف مبروك
و خرجت ميرنا برة الاوضة و لحقتها ليا و ليلى كانت واقفة بتعيط راحت عليها ليا و ليلى و قالت
ميرنا : شوفتوا رايح يتجوز
ليا : اهدي بس طيب
ليلى : متعيطيش مفيش حاجة مستاهلة اهدي
ميرنا : لا مش قادرة يعني اي هيتجوز يعني خلاص مش شايفني حتى طيب و حبي ليه
ليا : ميرنا ارجوكي متعيطيش هو مش نصيبك ربنا شايلك الاحسن اكيد
ليلى : ليا عندها حق اكيد ربنا شايلك الاحسن منه و هيعوضك خير اهدي و تعالي نرجع جوا تاني علشان ميلاحظوش حاجة
ميرنا : لا انا هروح
فضلوا يهدوها و يقنعوها تدخل نسيبهم و نرجع الاوضة قال ايان
ايان : الكلام دا بجد ولا اي
ادم بضحك : لا لا بنهزر
اسر : و دا ليه ان شاء الله
سليم و هو بيضحك : هتعرفوا بعدين اصبروا بس لما ايلا تطلع من المستشفى و تقوم بالسلامة كدا
ريان : دول مجانين يا حببتي
ايلا : والله مبقتش فاهمالهم حاجة
ريان : اي رايك اخطفك و نهرب بعيد
ايلا : معنديش مانع بس انت شايف بقى انا حامل و تعبانة و جعانة دلوقتي
ريان : مش كنتي شبعانة
ايلا : جعت فجأة
ريان : خلاص احلى اكل يبقى عندك
دخل الاوضة ليا و ليلى ميرنا و كان واضح ان ميرنا متضايقة قعدت من غير ما تتكلم و الباقي قعدوا يتكلموا عادي شوية و دخلت الدكتورة و قالت
الدكتورة : صباح الخير
ايلا : صباح الخير
الدكتورة : لا دا احنا بقينا عال العال خالص
ايلا : الحمدلله
الدكتورة : تمام هنعمل بس فحوصات سريعة نتأكد ان صحة الجنين بخير و ترجعي تاني
ايلا : تمام
و قامت و بدأ ريان يسندها و راح البنات كلهم وراها و سابوا الشباب في الاوضة فقال ايان
ايان : مش هتقولولي بقى اي موضوع هتتجوز دا
ادم : مفيش يا ابني اصل اخونا سليم بيحب اختنا ميرنا و كنا بنجس نبضها علشان نشوف اي الوضع
اسر : يبنى انت المفروض اخوها يعني تغير عليها
ادم : و مين قال اني مش بغير عليها انا عارف انا بعمل اي متخافوش عقبال بس ما التور الي قاعد جنبي يعمل خطوة
سليم : متخافش متخافش هبهركوا
يونس : متعرفوش الواد يزن هينزل امتى هو و سما
ايان : لسة مكلمه امبارح غالبا هينزلوا الاسبوع دا علشان يطمنوا على ايلا و يباركولهم
يونس : حلو
عند البنات في الاوضة بدأت الدكتورة تكشف عليها و بعدها بدأت تعملها سونار فقالت
الدكتورة : بصي دا الجنين لسة صغير تحبي تسمعي نبضه
ايلا بفرحة : اه
الدكتورة : اسمعي اهو
و بدأت فعلا ايلا تسمعه نبض ابنها و عينيها دمعت من الفرحة و قالت لريان بطفولة
ايلا : حلو اوي
ريان باس راسها فقالت يارا
يارا : ماشاءالله ربنا يتمم ليكي على خير يا حببتي
ايلا : عقبالك
ليا : ياه حلو اوي بجد ماشاءالله
ليلى : اه ماشاءالله
ايلا : عقبالكوا كلكوا يا حبايبي
الدكتورة : دلوقتي انتي بقيتي كويسة نوعا ما
ايلا : اقدر اخرج
الدكتورة : مش دلوقتي يومين كمان بس نتأكد انك بقيتي بخير و اللزق على الجرح هيتشال و يتطهر على خفيف عادي في البيت الف سلامة تقدري ترجعي اوضتك
و فعلا سندها ريان و رجعوا الاوضة و دخلوا و قعدوا يتكلموت شوية فقالت ايلا باستغراب : اومال فين ليان مجاتش خالص
اسر : في الشركة يا عيني معاها ادهم لازق فيها زي الدبانة
ريان : يلا ربنا بيطلع عليها الي كانت بتعمله فينا
ليا : شايفة كدا قصة حب
يارا : مظنش صراحة دي ليان بتتحول على الواد يا عيني صعبان عليا
ليلى : ربنا اعلم يا ستي
ريان : اي يا جماعة انتوا ريحتوا اوي مش عايزين تروحوا
فجأة دخلت ليان و هي بتزعق و تقول
ليان : اروح انتحر ولا اشد في شعري يا جماعة
ايان : استغفر الله العظيم دي بتيجي على السيرة
ليان : ريان والله والله صاحبك خنقني بجد انا تعبت
ادهم من وراها : يا بنتي بقى مش هتحرمي قلتلك انا نسمة و بعدين قلبك ابيض يا ستي مكانش اكل الي كلتوا يعني
ريان : عملت اي
ادهم : مفيش اكلت اكلها بس
ليان : و واكل قبله طبقين تانين
ادهم : انا اصلا جاي علشان ابارك لصاحبي هيبقى بابا بقى و كدا مبروك يا صاحبي مبروك يا ايلا
ايلا بابتسامة : الله يبارك فيك
قعدوا يتكلموت كثير و بعد مدة قاموا كلهم و مشيوا و سابوا ريان و ايلا مع بعض ناموا الاثنين و في صباح اليوم الثاني دخلت ليال و معاها ليل و ليان " الكبيرة " و ليليا و سارة و لورين و ميرا و ميران و سيلين عليهم فقالت ليال : مرات ابني حببتي فين
ايلا : انا اهو يا خالتو
ليال : عاملة اي و حفدتي او حفيدي عامل اي
ايلا : الحمدلله
سارة : والله و هتبقى جدة يا ليال
ليليا : هتبقى جدة يا ليال و انا لسة فين الواد ياسين اما اجوزوا
ياسين من وراها : تجوزي مين يا حببتي انا لسة صغير
ليليا : يا رتني جبت سيرة مليون جنيه
ياسين : حببتي يا امي بتحبيني اوي
ليليا : اوي اي حبيب امك
ليل : طالع لامك
ليان : بيحضر على السيرة
ياسين : سوري سوري يا خالتو بس امي خط احمر
سيلين : لا و انت الصادق
ياسين : ايلا و ريان هيبقوا مسؤولين عن طفل يا جدعان
ريان : و انت شايفني عيل ولا اي انا ستة و عشرين سنة يا ابني
ياسين : متخيلتش صراحة يا ريان بس عموما مبروك هبقى عمو
ايلا : الله يبارك فيك
دخل عمر
عمر : يا اهل الاوضة فين الحامل هنا اباركلها
ضحكوا عليه فدخلت وراه اسيل و هي بتقول
اسيل : لو نعقل شوية و نبطل هبل
هنا : سيبيه سيبيه هو حد واخد منها حاجة
ميران : يا بت اتلمي بقى جايبلنا الكلام
هنا بصدمة مصطنعة : انا
ليل : طيب بلاش هبل بجد علشان البنت تعبانة بلاش شغل عيال
ليليا : اه بقول كدا برضو
ليل : مبروك يا حببتي ربنا يتمم لك على خير و الف سلامة معرفناش نيجي قبل كدا علشان كنتي تعبانة
ايلا : لا عادي يا طنط
ليال : قوم يا واد يا ريان روح سيبني مع البت دي شوية
ريان : لا
ليال : لا اي
ريان : مش هروح قصدي
هنا : الحب ولع في الدرة
عمر : عندك حق يا بنتي السنجلة جنتلة اصلا
ريان : هيحسدونا بقى
اسيل : سيبك منهم بقى قوليلي بنت ولا ولد
ايلا : بنت ولا ولد اي انا لسة حامل في شهر معرفش
اسيل : بجد
هنا : ايوه يا بنتي هما بيعرفوا على اخر الثالث
اسيل بغباء : ايوه ايوه صح
ليليا و هي بتضربهم على راسهم
ليليا : ثالث اي انتي و هي بيعرفوا في الخامس السادس مش الثالث ثالث مين يا حببتي دا لو دراكولا هو الي حامل مش هيعرفوا بدري كدا
اسيل : في اي يا خالتو مش كدا
هنا : مفترية شبه امي
ميران : و مالها امك يا عسل بقى و بعدين دي ليليا عسل متعرفيش جننت اياد ازاي
ليليا : طبعا اومال ابقى سهلة
سيلين : لا و انت الصادقة مالك هو الي مشقيش
ليان : الصراحة تتقال سيلين الوحيدة الي متعبتش جوزها يا دوب سهلة و سلسة كدا مش ليليا ولا سيلين كل واحدة واخدالي خمسين سنة
ريان : فين ريان يا خالتو
ليال : يا واد اسمه عمو ريان اي ريان دي
ريان : لا لا ريان لوحدها حلوة
ليان : في الشغل يا حبيبي هيخلص و ييجي
ليل : هييجي هو و مراد و مهند يسلموا عليكوا
ايلا : ييجوا بالسلامة
ليال : طيب يا حببتي هنمشي احنا بقى و انتي ارتاحي شوية و متتعبيش نفسك هجيلك بكرة برضو
ايلا : تسلمي يا خالتو
و فعلا مشيوا فقالت ايلا
ايلا بحب : بجد حلوين اوي سواء اخواتك مع قرايبك و او الامهات كلهم حلوين بجد و قريبين كلكوا من بعض
ريان : فعلا بابا و اعمامي دايما مع بعض و ماما و خالاتي مع بعض و مش بيتفرقوا خالص
ايلا : ايوا حلوين اوي
ريان بغمز : عقبال ما نعملها احنا يا قمر
ايلا بكسوف دفنت وشها في صدره فضحك ريان بشدة عليها
و بكدا يخلص جزء انهاردة اتمنى يعجبكم متنسوش تعملوا فوت " تصويت"
و رايكوا في كومنت ♥️
بس سي يو ♥️
