~اول يوم~
"اذا وقعت في حب الحياة..كان اليوم الواحد في عمرك يعادل الف يوم،و اذا كرهت الحياة، خسرت كل ايام عمرك و عشت ميتا و انت حي" -لقائله
-
-
قبل الحاضر بزمن..
"كيف يعني انتحر؟"
"قالو كدا والله"
"سجمنا ينتحر ليه"
"الفقر بيسوي اكتر من كدا"
"يا الله ياخ بتذكر شال مني دين قبل كدا"..
"انا زاتي! لكن عافيه ليه لوجه الله"..
__________________________________
الحاضر،،
4.9.2022/الاحد/7:15a.m:
في الخرطوم..في احدى المدارس الثانوية..
امتلات المدرسة بالضجيج فقد كان الطلاب يصرخون و يهتفون بفرح لعودتهم مجددا الى المدرسه..حسنا انهم يكرهون المدرسه ولكنهم اشتاقو لبعضهم البعض..
كانو يتسابقون في الدخول..منهم من يريد حجز مقعد امامي..و منهم من يريد ملاقاة الرفاق فقد طال الفراق قرابة الثلاثة اشهر..
في وسط تلك الضجة..جلس مجموعة من الطلاب (٣ اولاد و ٣ بنات) في الكفتريا..
قاال المدعو ايمن "دا طبعا اكتررر مكان اشتاق ليه مصعب"..
رد ليه مصعب "دي الكافتريا يعني اي زول طبيعي حيشتاق ليها"
"الله ينور عليك"
اسيل قالت ليهم "ان شاء الله السنه دي تكون ممتعه"
ايمن قال بزهج "ممتعه كيف بس و احنا ممتحنين شهادة"
"انت كمان بتخاف من امتحانات؟"
ضحك و قال "لا ما كدا بس لزوم المواكبه يعني اعمل فيها متضاييق و كدا زي باقي الناس"
"ما عندك موضوع"
فجاه جا ولد ناحيتهم عايز يشيل الكرسي الفاضي الجمبهم..ايمن اول ما شافو قال ليه "هيي خير ان شاء الله جاي تشيل شنو؟"
اسيل همست لي اساور و هي بتضحك "مصعب اشتاق للاكل و ايمن اشتاق للمشاكل"
الولد ارتبك شويه و قال "الكرسي دا..مش فاضي؟"
لين رمقت الولد بنظرة مخيفه..و ايمن قام على حيله و قال بصوت حاد "فاضي ما فاضي ما شغلتك امشي شوف ليك كرسي تاني"
الولد من سكات رجع شال كرسي من تربيزه تانيه..
احمد صفر و قال "ايمن مشاكل اونلاين"
"اصلا حاقعد للطلبة الجداد ديل بالمرصاد"
"هسي الولد دا في الثانوي كيف؟"
"بري شافع عديل..ملو لينا المدرسه كرور"
بعد مسافه احمد قال "شكلي الليله حاصدع بما انه اول يوم مدرسة و بتاع..ان شاء الله صندوق الاسعافات حقنا ملان يا لين؟"
