~الدخيلة~
"اختر صديقك كما تختار امك لك الطعام..لا كما تختاره انت"
-
-
في مكان ما،،
اخذ الكتاب الموضوع امامه على الطاولة و رمى به ارضا ثم قال بعصبية للشخص الواقف امامه "الجنا دا ما لازم يتدخل..لو اتدخل مشاكل كتيره حتحصل..لازم نصل لي حل في اسرع وقت"..
"نضلله..دا الحل الوحيد"..
"دا ما حل كدا اتوقع ممكن يصل لي شي برضو"..
"زي م قلت ليك دا الحل الوحيد..م عندنا خيار غيره!"..
___________________________________
في المدرسة..
اخدو اول تلاته حصص و ماف زول فيهم كان مركز معاها اصلا..
بعد جات الفسحة لمى طلعت تشتري اكل..قعدت في مكانها المعتاد و اتفاجأت لما لقت اسيل قعدت قدامها..
م حبت تبين انها متفاجاه ف قالت ليها "حياك الله يا اسيل"..
"تصدقي انك وحدة منافقة"..
اخدت قرمة من السندوتش حقها و قالت "البيرقر دا لزيز"..
"منافقه و تافهة و انا للان ما قادره افهم السبب الخلاك تصاحبيني و تتقربي مني شنو و انتي اصلا بتكرهيني و خاته فبالك اني قاتله اخوك"..
اخدت لمى قرمة تانية و قالت "معاك حق..بس مهما كان ما بحصل نفاقكم و تفاهتكم انتو..عليك الله اتوقعتي اني اصاحب وحدة زيك؟ صحصحي ياخ انا و انتي عارفين انك م صاحبتيني الا عشان تغيظي صحباتك بس"..
"هه..بالله فكرتي كدا! والله صاحبتك لاني حسيت بيك زولة كويسة بس..ما عشان صاحبتك فترة شاكلتهم يبقى دا السبب..لكن تصدقي اني غلطانه والله..كان مفروض افكر مليون مرة قبل م اختار وحدة زيك تكون صحبتي"..
فجاة ظهرت لين قدامنا..قومت اسيل و قالت ليها "انتي لسه بتقعدي معاها؟ ما بتتوبي؟"..
"لالا اتطمني..ما جيت اتونس معاها..جيت عشان اوريها بس..انها ما زوله بتتصاحب..و انها حتفضل طول عمرها كدا..تعيسة و وحيدة ماف زول في الحياة حباها غير امها و ابوها و اخوها الهم حاليا ميتين"..
رفعت لمى حواجبها و ما كانت متوقعه انه يطلع من اسيل كلام قاسي زي دا..كانت عايزه ترد ليها بس فضلت السكوت..السكوت في الايام دي هو الشي الوحيد الحيستفز الشلة دي فرأيها..
بعد ما رمت اسيل كلامها رجعت مع لين و قعدو في مكانهم المعتاد في الكافتريا..لاحظو لاساور انها برضو م موجودة..مصعب قال "ي جماعه م تكون غويشة عارفه شي عنده علاقه بموت عمر و داساه مننا؟..و عشان كدا بتتجنبنا هسه"..
احمد قال "مستحيل"..
ايمن كان متاكد انه اساور م عندها علاقة ولا عارفه شي..ف كان عايز يعرف ليه اليوم دا كله هي بقت متجنباهم كدا..
