هي مش ملزمة و هو مش ملزم, امال مين اللي ملزم؟
هي مش ملزمة تطبخ, تهتم بنظافة بيتهم, و تهتم بأطفالهم
هي مش ملزمه
هو مش ملزم يصرف علي بيتهم, يساعدها في شغل بيتهم, يربي اطفالهم
هو مش ملزم
طب و بعدين؟ كده مين ملزم؟ يمكن اطفالهم هما اللي ملزمين؟ هما اللي ملزمين عشان لقوا ابوهم و امهم مش ملزمين, مش ملزمين عشان مش فاهمين, لكن في الواقع هما الاتنين ملزمين!
هل في ايه في القران بتقول الست لازم تطبخ او تنظف؟
الاجابة ان لا
بس تعالوا نشوف ايام الرسول الحياة بين الزوجين كانت عاملة ازاي عشان ده مرجعنا... الحياة كانت ماشية علي الفطرة, الرجال يشتغلوا و يتعبوا و يروحوا البيت يأنسوا بزوجاتهم اللي حضروا لهم الاكل بحب و قاموا بأعمال البيت. ببساطة هو بيشتغل برا البيت و هي بتشتغل جوا البيت
و النبي صلى الله عليه وسلم قَسَّم الأعمال بين علي وفاطمة رضي الله عنهما ، فجعل عمل الداخل على فاطمة ، وعمل الخارج على علي
اما الزوجة تمرض الزوج يكون جنبها و العكس و تكون المعاملة بينهم طيبة
قال النبي صلى الله عليه وسلم: ( خيركم خيركم لأهله وأنا خيركم لأهلي )
و أعمال المنزل لو الزوجة كان نيتها و هي بتعملها ان ده طاعة لزوجها, ان شاء الله تؤجر
قال صلي الله عليه و سلم: "إذا صلَّت المرأةُ خمسَها وصامت شهرَها وحفِظت فرجَها وأطاعتْ زوجَها قيل لها ادخُلي الجنَّةَ من أيِّ أبوابِ الجنَّةِ شئتِ"
و الزوج كان يساعد اهل بيته. و أما الرسول ز هو قدوتك بيساعد اهل بيته, يبقي انت ليه مش بتساعد اهل بيتك؟
" سأل رجل عائشة هل كان النبي صلى الله عليه وسلم يعمل في بيته شيئا، قالت: نعم كان رسول الله صلى الله عليه وسلم يخصف نعله ويخيط ثوبه ويعمل في بيته كما يعمل أحدكم في بيته"
الزوجة لازم تطيع زوجها في اي حاجة الا اذا كانت معصية. احنا مختلفين و كل واحد عنده القدرة انه يتحمل حاجات التاني مايقدرش يتحملها او يقدر بس بنسبة بسيطة... أصل الحياة مشاركة و الاتنين بيكملوا بعض, ان حد فيهم قصر شويه التاني يشد... تكونوا حنينين علي بعض, اذا كنتم بتعذروا الاغراب, مش هتعذروا بعض؟
("وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ")
و التفسير: "ومن آياته الدالة على عظمته وكمال قدرته أن خلق لأجلكم من جنسكم -أيها الرجال- أزواجًا؛ لتطمئن نفوسكم إليها وتسكن، وجعل بين المرأة وزوجها محبة وشفقة، إن في خلق الله ذلك لآيات دالة على قدرة الله ووحدانيته لقوم يتفكرون، ويتدبرون... التفسير الميسر"
