طيب, كنا اتكلمنا قبل كدة عن ان المسلم لا يكفره الا عالم و ان مصير الموحدين الجنة سواء اتعذبوا قبلها او لأ و ان مصير غير الموحدين النار. طيب بالنسبة لو واحد مايعرفش ان فيه اسلام اصلا؟ ولا يعرف ان فيه رسول ربنا ارسله و لا يعرف حاجة... هو مش في آيه بتقول
("وَأُوحِيَ إِلَيَّ هَٰذَا الْقُرْآنُ لِأُنذِرَكُم بِهِ وَمَن بَلَغَ")
و تفسيرها لابن كثير:
("في قوله : ( ومن بلغ ) [ قال ] من بلغه القرآن فكأنما رأى النبي - صلى الله عليه وسلم - - زاد أبو خالد : وكلمه .
ورواه ابن جرير من طريق أبي معشر ، عن محمد بن كعب قال : من بلغه القرآن فقد أبلغه محمد - صلى الله عليه وسلم - .
وقال عبد الرزاق ، عن معمر ، عن قتادة في قوله : ( لأنذركم به ومن بلغ ) إن رسول الله - صلى الله عليه وسلم - ، قال : " بلغوا عن الله ، فمن بلغته آية من كتاب الله فقد بلغه أمر الله " .)
يعني اللي يوصله القران, يعرف ان فيه كتاب اسمه قران, كده الرسالة وصلته و المفروض يبحث لحد ما يوصل للحق. طيب الناس اللي ماوصلهاش الاسلام؟
واحد مجنون؟ واحد مابيسمعش ؟ او واحد وصله الاسلام و هو في ارذل العمرو خلاص هو مش فاهم و مش واعي اصلا؟ او واحد عاش و مات في فترة ماكنش فيها رسول ولا نبي؟
الناس دي مصيرها ايه؟ اصل اكيد يا جنة يا نار... تعالوا نحط نفسنا مكان حد منهم كده, هنروح يوم القيامة نعمل ايه؟ اكيد هنعترض ده احنا مانعرفش ان فيه اسلام و توحيد اصلا عشان نعمل حسنات ولا سيئات فا نستحق ثواب او عقاب! طب هل هيدخلوا الجنة علي طول كده؟ لا, طيب هل يستحقوا النار؟ ما هما لو دخلوا جنة او نار كدة من غير اختبارزي باقي البشر يبقي مش عدل و الله عدل و يوم القيامة لا ظلم فيه... يبقي لازم يمتحنوا زينا, بس مش خلاص كدة الاخرة حساب و مفيش ابتلاء ولا تكليف؟
"عدَمَ التكليفِ يكونُ بَعدَ أنْ يَقَعَ الاستِقرارُ في الجَنَّةِ، أوِ النارِ، وأمَّا في عَرَصاتِ القِيامةِ فلا مانِعَ مِنَ الاختِبارِ، وقد قالَ تَعالَى: {يَوْمَ يُكْشَفُ عَنْ سَاقٍ وَيُدْعَوْنَ إِلَى السُّجُودِ فَلَا يَسْتَطِيعُونَ} [القلم: 42]، وفي الصَّحيحَيْنِ: "إنَّ الناسَ يُؤمَرونَ بالسُّجودِ، فيَصيرُ ظَهرُ المُنافِقِ طَبَقًا، فلا يَستَطيعُ أنْ يَسجُدَ... موقع الدرر السنية"
يعني كده دول هيكونوا من اهل الامتحان... ايه بقي الامتحان ده؟
في حديث, قال رسول الله صلي الله عليه و سلم: "أربعةٌ يحتجون يومَ القيامةِ : رجلٌ أصمُّ لا يسمعُ شيئًا . ورجلٌ أحمقُ ، ورجلٌ هرِمٌ ، ورجلٌ مات في فترةٍ . فأمَّا الأصمُّ فيقولُ : ربِّ لقد جاء الإسلامُ وما أسمعُ شيئًا . وأمَّا الأحمقُ فيقولُ : ربِّ جاء الإسلامُ وما أعقلُ شيئًا ، والصبيانُ يحْذِفونني بالبَعْرِ . وأمَّا الهَرِمُ فيقولُ : ربِّ لقد جاء الإسلامُ وما أعقلُ شيئًا . وأما الذي مات في الفترةِ فيقولُ : ربِّ ما أتاني لك رسولٌ . فيأخذ مواثيقَهم ليطيعنَه ، فيُرْسَلُ إليهم : أنِ ادخلوا النارَ ، فمن دخلها كانتْ عليه بردًا و سلامًا ، و من لم يدخلْها سُحِبَ إليها"
ربنا يحسن خاتمتنا و يدخلنا الجنة بلا حساب ولا سابقة عذاب, قولوا امين
