السلام عليكم
بالبداية رواية نخلة والجيران واقعية
تتحدث عن واقع العراق وحياتهم وعيشتهم
بالحرب العالمية الثانية
رواية باللهجة العراقية القديمة
واي كلمة ممفهومة راح اخلي المعنى مالتها بين قوسين علمود تعرفونها
.
.
.
.
.
.
تاريخ النشر:
2023/8/29/الثلاثاء
الساعة:
12:26
⊱━━━━⊰✾⊱━━━━⊰
قبل أن تغرب الشمس سمع الجيران صوتها.
اسومة العرجة:
- القرج خاتونة المحلة
(القرج/كناية عن المرأة السفيهة الوقحة)
ثم نطق الذي كان واقف امام باب بيتة على بعد مسافة من بيتها
حمادي العربنجي:
- عبخانة خوب مو عبخانة!
(عبخانة/محلة في بغداد القديمة)
نطق الشخص ثاني وهو على بعد خطوتين منها
حسين:
- انت يومية معذبتني . . مو دا احلف لج بالعباس
اسومة العرجة:
وهي تخلع ثوب الخبز الاسود
ـ لعد وين راحت الفلوس عيني؟.. وين؟
حسين:
- اش مدريني! هذا بنطلوني وتعالي دوريه
اسومة العرجة:
هيج تحسبني غشيمة؟..
الفلوس اللي تاخذها تخليها بجيب البنطلون
حسين:
- دوري وين ما تريدين
اسومة العرجة:
- هيجي؟. . يعني بالموت لما احصل الطحين من التموين، وبعدين اشوف ايدي والكاع؟. . .
اشو يومية اشتغل مثل المكينة والناس ماكلة أفادي ، خبز أسود خبز أسود..
عبالك آني طاحنة الطحين، وكل يوم اشوف نص الفلوس طايرة؟. حسين مو حرام عليك؟
حسين:
ـ طلعي حسج بين الجوارين
اسومة العرجة:
خايف كلش؟
حسين:
-اسكتي
اسومة العرجة:
ـ الدرهم اللي تاخذه كل يوم ما يكفيك. . . والمركه والتمن اللي تتغدى بيها وتتعشى متشبعك
حسين:
-عابت ذيج المركة. مركة مگادي
(مجدي او مكدي)(يعني الفقر الناس تنطية فلوس)
اسومة العرجة:
ـ وعيني اش جابك علي؟.. ابوك لما مات خلاك وكيل علي؟
حسين:
- هذا الحوش ملكي
اسومة العرجة:
ـ طيط.. آني لي بيه حصة.. حگي وثمني
تهدج صوتها في الكلمتين الاخيرتين، ولكنها غالبت نفسها، وحبست العبرة في صدرها ثم انفجرت قائلة في حرقة
ـ هيجي حسين هيجي؟ هذا حك السنين الستة اللي ربيتك بيها؟
حك السنين اللي كضيتها بالخبز حتى اسويك هاالكبر؟. . روح خلف الله عليك
ادار لها ظهره ومشى راقبت قامته الميالة الى القصر تبتعد عنها بتثاقل وبلا مبالاة مشى عبر الحوش الطويل الى حجرته
وخلفها تتنزى غيظا، مطعونة مدحورة عاجزة لا تعرف كيف تصب ما في اعماقها الملتهبة في كلمات ظلت في وجوم الخيبة
أنت تقرأ
نخلة والجيران
قصص عامةتدور الرواية في بغداد، في احياء صفتها الاولى الفقر الشامل، أما زمن الرواية فهو الحرب الكونية الثانية، سنواتها الاخيرة، وزمن الاستعمار البريطاني والمواجهة بين الفاشية واعداء الفاشية في العالم. -الرواية واقعية -الرواية باللهجة العراقية القديمة -لل...
