لعنة يعقوب

2

♤:-البارت الثاني
♤:- لا تنسون المتابعة والتصويت
♤:-قراءة ممتعة
♤:-Estbraqalgabr
"لــعنـة يـــعقوب"

_________________________________________

يدنيا مالها صاحب !
غريبة صدكها كاذب

سحبتها ع كيف خليتها ع عتبه الباب فتحتها ع كيف جانت ثكيلة صرررررختت بااعلى صوت عنديييي
كمت الطم واضرب ع وجهي واني اشوف راس
مروان بيها

للحظات فقدت احس اذاني طكت كد ماصرخت
الجيران التمت كل واحد يحجي شكل
لحد مااجتي نورة ورجلها

كومتني من الكاع ورجلها يستغفر
تبجي ع البجي مالتي
خوف ورهبة صورته مفاركت خيالي لحد يومنا هذا
لحظات البيت نترس اجوي بيت عمي وام مروان وخواته وحتى الشرطة
بس شبيدهم ويسونه!

يعرفون القتلة ويعرفون النزاع المناطقي بس كل الى صار اخذوا اقوالي واقوال اهلة وراحوا
صار الصبح واحنه عن نفس الوكفة والهوسة نص الناس راحوا ونصها بقت تواسي بس اني محد يعرف شعوري

ضـعت اني بمعنى الكلمة
اخذنا عمي للبيت الجبير لبست عباتي واني بلكوة امشي عيوني صارن جمر من البجي صوتي رايح من الصياح والصريخ جانت الساعة بـ7 الصبح للصبح لكوة جسمة مشمور يم باب بيت عمي ملفوف ببطانية نعادت المأساة

كعدت يم جسمة وكمت ادك والطم وكلسا يتجدد الحزن لحد مااصوتي اختفى نهائياً

كلشي مثل الحلـم النسوان تعيط وتصرخ
طبيت امشي للاستقبال ع كيف نورة وياي تمشيتي لكيت عمتي كاعدة والفوطة مالتها مفتوحة والشيب تارس راسها تنود بجسمها وتحجي برگة گلب ام فاقدة ولدها

:- يمممه مروانن وليديي يمهههه يمثلون بچثتك يبيي يـميمتي بعدني ماشبعت منك يممه بعدك ماشفت ضناك يمههه

حال خواته يصعب ع الكافر كلها تبجي حتى الى ماله حس يبجي بـ،سكوت وينقهر ع بچانه وقهرنا

لحد الساعة بـ11 الصبح جابوا تابوته
كعدت يـمه تمنيت الى صوت واصرخ تمنيت الگاع تنشك وتبلعني كلها تصيح وتصرخ واني بس دموع عيني تشرح وضعي وقهري
تعبت حيل وخارت قواي وخاني جسمي نمت ع التابوت مالته كلشي اختفة حتى الاصوت ماحسيت بشي بعد

كعدت ع صوت المُـلا تنعي وتقرة ع الحُسين

رفعت راسي لكيت امي كاعدة يم راسي ومغطاية بعباية سودة كل هذا اني فاقدة الوعي ومحد يعرف بية
عايشة ميته !

رفعت راسي امي انتبهت عليه ساعدتني حتى اكوم ارتميت بحضنها بجيت بقهر احس كلبي مات
اجني اخواتي كومني طببني بغرفة عمتي جايبات الى ملابس سود غيرت ملابسي لبست دشادشة سودة وحجاب اميرة اسود باوعت ع روحي بالمراية وجهي مزلغ وعيوني حمر واثر ضرب ع وجهي