لعنة يعقوب

"بارت مُستقبلي "

هاي تغشوشة بسيطة من بارت مستقبليَ
وتكدرون تعتبرونه تعويض على تاخير البارت

لا تنسنون تصويت
وتعليق على الفقرات ♡

"قراءة ممتعة "

مؤخرا اكتشفت ان مو كل الاشياء
الى يتمناها كلبنا نحصلها!
ولا كلشي يصيرلنا هو خير
احيانا موقف صغير ممكن يهدمناَ
وموقف صغير يبنلك شكد ممكن الناس بااستطاعتها تلبس اقنعة متعددة ! ومبهرة
موقف واحد
يوصلنا لاسفل الارضَ وممكن كلمة وحدة تطيب خاطرنا وتجبر كسر كلش جبير
واحيانا ردة فعل ممكن تخلينا نبني سور كلشَ عالي...

رجعت من الصالون ميته تعب منهارة جانت الساعة خمسة العصرَ فتحت باب الشقة وتفاجأت بي موجود
استغربت بهيج وقت يروح يطلع ياا وية اصدقائة او اهلة ً!

حجيت مستغربة ممنتبه لوجودي جان يراسل بالتليفون :- هلو حبيبيَ

رفع راسة متفاجئ:-هلو يروحي هلو شنو شوكت جيتي

رفعتلة مفاتيح الشقة :- هستوني شو ممنتبه صاير شي !

ابتسم ابتسمامة مجاملة اعرفها هاي مو غريبة عليه:- لا ماكو شي جنت احجي وية صاحبي

هزيت راسي :- هاا صاحبك خوش ؛ متغدي لو اصبلك!

:- لا جوعان صبيلي ناكل سوة مو

:- اي بس ابدل

:- يلا على راحتج

هزيت راسي وطبيت للغرفة نزعت اكسسوارتي وحلقتي خليتهن على ميز مراية نزعت حجابي ورحت للحمام سبحت وطلعت ولفيت نفسي بالمنشفة طلعت لكيته متمدد على جرباية ومخلي رجل فوك رجل ويحرك اصابع رجلة برجل للثانية حركة من يتوتر يسويها اني منتبه اله ! هم جان ملتهي بالتليفون ومشافني غلست ماريد اسوي مشكلة بس الشك بدة يدخل لكلبي بشكل عجيب !  لبست دشداشة قصير بس عفت شعري مفتوح بعدما نشفته باالمنشفة بس طلعت للمطبخ حميت الاكل جنت مسوية تبسي دجاج بالفرن وتمن بينما يحمي الاكل سويت زلاطة وطلعت طرشي وخبز خليت كل الاكل على ميز الطعامَ :- يلااا غدة تعال

اجاني صوته من الغرفة:-يلا جاي

كعدت اكل بعدما طلعت اللبن وصبيت بدينا ناكل باوعت بعيونه:- حبيبي

:-عمري كولي

:- بيك شي

:- ههه ليش تسئلين

:-ماعرف بس احس بيك شي لان مو على بعضك صارلك شهرين كل هالفترة كلت اعوفك براحتك شوكت ميحب يحجي يجي يلكة حضني مفتوح الة

:- فدوا اروحلج الج ولحضنج الاحبة ماكو شي بس الحجية تعبانه شوية

باايتغراب مصطنع لان شفتها بالسوك مابيها شي:- يا خيرها شبيها خطية