لعنة يعقوب

17

♤:-البارت السابعَ عشرِ
♤:- لا تنسون المتابعة والتصويت
♤:-قراءة ممتعة
♤:-Estbraqalgabr

"لــعنـة يـــعقوب"
______________________________________
الحياة ممكن تكون مو منصفة ببعض الاحيان!
قد يوصل الشخص بينه لمكان يعجز شنو يسوي
وشنو تكون ردة فعلة !
يوكف يسئل نفسة
ليش كل هذا صار وشنو الغاية!
بس الجواب يجي متاخر
متاخر حيل ويوجع الكلب وراها راح تعرف ان انت ضيعت هواي من عمرك وانت تطرح اسئلة يااما اجابتها متاخرة وموجعة او يااما تكون بدون اجوبة تخليك ترجع خالي الوفاضَ

بعدت الغطا مني وركضت على سلة المهملات اتقياء بكل حيلي احس معدتي وصلت لحلكي
محد بلبيت الجهال طالعين بالحديقة يلعبون
كمت على كيف بدلت ملابسي وغسلت لكيت ورقة مكتوب بيها بخط ايد فقار
" لا تطبخين شي ولا اتعبين نفسج اني اجيب اكل من برة" طلعت غسلت وجهي وحلكي مليان مرارة فتحت ابواب البيت والغرفة كمت الملم على كيف صحت ياسمين وعبدالله يساعدوني رغم صغر سنهم لكن كفوئين اني وابوهم تعبانين عليهم حيل

حتى جدهم يكعد يحجي وينصح ويعلمَ
وهذا اكثر شي مخليني مرتاحة
نظفت االغرفة من ريحة القياء شغلت بخور عوادين
كل هذا واني روحي رايحة وكل شوي اريد ارجع اتقياء رغم لا ريوك ولا غدة كلشي مماكلة تعبت حيل ونمت بالغرفة وخليت الباب مفتوحة الجهال بقوا يباوعون ع تلفزيون وصوت جهال مرتضى فوك ماتنزل امهم ابد

غفيت لحد ماحسيت على لمسات فقار على خدي
جان كاعد ع طرف الجرباية
:- بابا شو كعدي بلة موتتني صخونتج ليش هيج

:- فقار

:- روحة لفقار شبيج حبيبة شو باعيلي

بجيت بحركة:- تعبانه هواي ؛ عفييية طلعني منا

شالني على كيف وكعدني حضني وبقى يمسح على شعري :- وين اخذج ؛ نروح نزور كربلاء ؟ ها

:- مادري تعبانه فدوا

:- كومي حبيبة كلبي كومي خل ناكل ويجي ابوية ونشوف شنو وضعج

حجيت بلكوة :- الصبح تقيياءأت وراسي ساطرني سطر

فتح عيونه بصدمة:-شنوو تقيأتي وين

:- الصبح اول مكعدت حسيت روحي تطلع
قربني على صدرة وبقى يمسح على راسي ويقرة ايات كمل باوعلي :- تكومين تسبحين ها

صابته الحيرة ميعرف شيسوي ولا يعرف منين يبدي
واني التعب كاتلني كتل وروحي احسها مسحونه

رجع راسي على المخاد وكام يفتح بالكنتور يطلع ملابس ويتصل باابو:- ها مولاي
:- متقيأة يابه ماشفته مولاي

:- يابه ماقبلو ينطوني اجازة امتحانات وجاي نجهز القاعات

:- هسة شسوي ! ماشي

سد التليفون واجاني شالني طلعني من الغرفة كعدني بالاستقبال وغطاني اسمعة يحجي وية بسام بالتليفون :- متجي الا جايب وياك هذني الوصيتك عليهن وجيب سالي مر عليها