لعنة يعقوب

14

♤:-البارت الاربعة عشر
♤:- لا تنسون المتابعة والتصويت
♤:-قراءة ممتعة
♤:-Estbraqalgabr

                    "لــعنـة يـــعقوب"
______________________________________

حصل على المركز الاولَ
لم يكن يتسابق !
كان يهرب من نفسه!
وصلت هناك وعساني لا واصلة ولا شايفتها
خدها مفتوح والدم تارسها ترس

شفتها بهيج منظر وكعت ماحسيت بشي بعد
وكعت على يعقوب حسيت بي شالني واعية بس كل حواسي متوقفة بكلشي خليني انصدم الا بنتي هاي اموت اذا صار بيها شي والله

ساعة او اكثر حسيت على يعقوب لازم ايدي ويمسح عليها وكانولة بيدي حطيت ايدي على بلاعيمي:- بنتي عفية

يعقوب:- يروحي مابيها شي والله بس جرح صغيير

بجيت عبالك رجع نعاد الموقف كبالي ووجهة مليان دم هو وملابسها :- وينها حباب

:- موجودة نايمة بالطوارء مال اطفال

:- اريد اشوفها حباب وديني

:- يلا كومي

سد جهاز الاعطاء وقفل الكانولة بكل اريحية كعدني عدل ونزل الصاية على رجلية ويتلمسها على كبف بااطراف اصابعة ويباوع خاف احد شافني سمعته يهمس ومبتسم:- شلون كيمر يابوية يايابه

:- اهوو يعقوب وخر مو وقتك

ضحك على كيف وسندني مشينا للطوارء مال اطفال لكيت عذراء كاعدة على السرير يم سناريا وبسام واكف يمهم سناريا نايمة وهي بايدها لعابة ونايمة مغمضة عينها على كيف تلمست وجها وشعرها..

عذراء
..........

مرارة الحياة مستمرة رغم محاولاتي بتجميل الواقع التعيس لكن كلشيَ يسير بااتجاه معاكس
التفكير اخذ حيلي اخذ شلون اذا ماطلعت المعدل الى اريدة اول الناس راح اخذلهم هو نفسي !
جاي ادرس بكثرة واحس مالحك العلمي صعب نار حتى اكل مالحك اكل هسة نوب زودتها عليه سالي من تزوجت وفاركتني رغم حبي لوجودها هي وسناريا وماريد افاركهم لحظة الا اني ماكدر ابني سعادتي على تعاسة غيري واكلهم لا لتزوجين شي ماكدر ولا حااكدر انطق بي

كاعدة على السدية لامة رجلية لصدري منتظرين الدكتور ينطينا خروج لان مخليها تحت المراقبة خاف تتحرك لو تاذي نفسها زادت الوضع سوء سالي من تخربطت على يعقوب حار بيها بنص المستشفى كلب الدنيا عليهم بالاصياح
مكدرت اعوف سناريا ابد اخاف عليها من روحي
ماعرف شلون غفلت عنها حوراء ووكعت

:- احم عذراء

:- ها بسام

:-بس كعدي عدل كعدتج محددة جسمج ويباوعون عليج الرايح والجاي

عدلت كعدتي وضليت اباوع عليه مندار كلسا يباوع ويدير وجهة ويتأفافَ تحمحمت وحجيت:- احم سيد اذا تريد روح رجل اختي بالطوارء هناك محاجة لوجودك