لعنة يعقوب

16

♤:-البارت السادس َعشر
♤:- لا تنسون المتابعة والتصويت
♤:-قراءة ممتعة
♤:-Estbraqalgabr

                    "لــعنـة يـــعقوب"
______________________________________

استغربت اول مرة تطلب هيج شي :- كولي

:- يمكن عباس يريد يعقد عليها ... 

:-عزاااا

:- سيد بسام يريد يخطبني

:-يممممه لجج على كيفج بالصدمات هاي عفتج يومين مدري ٣ ايام هيج صار لو عايفتج اكثر جان شصار

اجتى مرت منتصر سكتنا نكمل تجهيز عشة :- امي تعشت لو لا

:- اكلت بالستة العصر روبة وخبزة وجاي اكول مااشتهي

:- سودة بوجهي صاير ولا تاكل

:- بلكت وجودج هاليومين يمنا يغير مزاجها

:- يارب بلكت

كملنا عشة واخذنا للغرفة جتي سناريا كعدت بحضن عذراء ماتعوفها ابد واني كعدت امي حتى تاكل ويانه كعدتها عدل :- شلونها بنيتج شفتي جرحها

:- الحمدلله يمة يعقوب البارحة غيرلها الضماد

:- طفيلة بساع يلم جرحها بالج عليها هي ورجلج مبين ابن حمولة وتعبان ع نفسة
:- صار يمه بعيني

عذراء:- بعد حطي كماط وكمطي

:-هههههه شكد تكرهي ولج

:-ماحبة احسة مسموم هيج عقرب يسمم الواحد

:- بعدج متعرفي ماشفتي حنيته و لان اخذ موقف مني بوقت المشكلة مالتنه لمن عرف بية ارملة واني ماكايلة اله هيج ضجتي منه

كملنا عشة اخذت امي للحمام تغسل وتقضي حاجتها غيرتلها ملابسها ورجعتها لفراشها دااغطيها لزمت ايدي على كيف وقربتها لشفتها تريد تبوسها سحبتها وكمت ابجي :- فدوا اروحلج اني وعيوني عساني اني رايح نظري ولا انتي

ام سالي:- اسم الله عليج ؛ ماعرف شلون اجازيجن يما شفت منجن الزين قبل لا تشوفن مني وكفت وية اخوانجن ضدجت بس من فهمت الدنيا جانت متاخرة حتى مالحكت اعوضجن وكل هذا بعدجن تتفدني تفدي

مسحت دموعي :- فدوا اروح لايدج الحنينة انت وجودج ويانه كافي علينا خيمتنا انتيِ لا تشوفينا هيج عايشات بس احنه بدونج عدم والله عدمَ

غطيتها وكمت بالكوة كاتمة دموعي دك تليفوني يعقوب:- ها حبيب

:- روح روحي وصلت ليضل بالك

:- الحمدلله عمري بس عود خابرني كل يوم ع فراغك حباب

:- شبي صوتك حبيب باجي

رحت لصالة طبيت وسديت الباب:- لا بس امي هيج تعبانه شوي ونقهرت عليها

:- حبيبي الاعمار بيد الله هي تعبانه ع فراك ابنها عوضيها انت هاليومين طلعيها منتزه حتى لو ماتشوف هم تغير جو ونفس اخذي تكسي وروحي غيري جو همين لتضلون حاصرين روحكم بين اربع حيطان هو العمر شباقي بي علمود تبقون حزنانين وتعبانين