لعنة يعقوب

5

♤:-البارت الخامس
♤:- لا تنسون المتابعة والتصويت
♤:-قراءة ممتعة
♤:-Estbraqalgabr
"لــعنـة يـــعقوب"
______________________________________

طلعت كتبي اقرة او الهي روحي بس كل تفكيري شلون ادافع ع نفسي اعرف وقت جية عباس سمعت صوته اجة طلتعله مرته تلكته فات لغرفته
ضميت اقلامي بالمحفظة
وخليها بالجنطة التهيت
ماحسيت الا ع صرخته وجرة من شعري ..

دفعت ايدة حيل وكمت ع حيل يريد يوصلن لشعري حتى يسيطر عليه ماخليته صرخت بوجهة:- شببببيييك
الله لا يوفقك شببببييييك

عباس:- لججج س......ة ادبسزز صياحج ع حنين وغلطج هذا شنو هاا يرادلج تربية
ابتعدت عنه وكفت قريب ع حايط مخاية ادية كبالي احمي نفسي بيهن :- وهي وهي ماكالتلك صيحت ع امي هااااا صرخت بكل صوتي ما كالتلك اريد من عمتي اسويلي اكل جاهززز
ادفع بيدة واحجي بكل صوتي

وكف فاتح عيونه ع وسعهن ركض راح لغرفته ومااسمع بس الصريخ والضرب؛ سحبت مخدة من فوك الكنتور ذبيتها بالكاع وتمددت صافنة ع السقف !
اعاتبمن!
احجي ويامن
حتى وية روحي ماعرف شحجي
استحي احجي الصار
من اول ماوعيت ماتعلمت اشكيَ بس فاض بية
الكتمان صار ياذيني ومايرحمني
الالم الى جاي احس بي بحنجرتي احس ياذي كلبي
شوكت نعيش
شوكت اشوف يوم حلو
ايمتى يتغير قدري !
اسئلة هووواي بس محد يجاوبني غفيت رغم الهوسة
غفيت وبداخلي الم وتعب
ماعرف شكد وحسيت ع غطى يلفني ويدفيني
ونومة شخص بصفي
لامسات ناعمة ع شعري وصوت مناغة طفلة
همسات سالي بالوعود المليانه بالدموع والمناشخ

سالي:- والله وداعت سناري عندي اذا ماخليتج توصلين لحلمج ومحد يدوسلج ع طرف راح اقاتل علمود دراستج اكثر منج واشتغل لخاطرج ولخاطر هاليتيمه حتى لو ينكسر ظهري من الوجع وعد يا عذراء

غفيت ع لمساتها وكعدت الصبح باوع ع ساعة بالستة الصبح بعدت الغطة مني وكمت احس جسني متكسر من كد الوجع وبلاعيمي بلكوة ابلع ريكي
كمت للمطبخ سويت جاي جديد
وطلعت من الروبة مال بارحة
وخبزة حضرتهن ع ميز بينما يصير الجاي
غسلت وجهي وبدلت ملابس المدرسة
هلمرة خيطتلي حوراء الصدرية والقميص
وقمصتي مال سنة الفاتت مبيها شي
جهزت الجنطة واخذتها ع مطبخ كل هذا واني اتحرك ع اطراف اصابعي حتى ماتكعد سالي ولا الطفلة
مشطت شعري القصير ولفيت الشال
لبست جواريبي وحذائي مسحته بوصلة
تريكت بالخبزة والروبة وشربت كلاص جاي كامل
باوع ع ساعة بعد عندي نص ساعة طلعت كتاب الاحياء وكعدت اراجع نسيت نفسي لحد مصارت بثمانية الا خمسة فزيت ع صوت سالي

سالي:- صباح الخير

عذراء:- عززا تاخرتتت عزا بعيني

بدون مااجاوبها سحبت جنطتي وطلعت ركض
وصلت لراس الشارع فحطانه
المدرسة بعد عن بيتنه تلاث شوارع متاكدة راح اتاخر
جانت سيارة سيد فقار مشتغلة واكفة كبال بيتهم
التافيت اروح للشارع الرئيسي
مشيت بهمة ماسمع بس صوت واحد يصيح