لعنة يعقوب

21

♤:-البارت  الواحد والعشرون
♤:- لا تنسون المتابعة والتصويت
♤:-قراءة ممتعة
♤:-Estbraqalgabr

                    "لــعنـة يـــعقوب"
______________________________________

لقد احببُتك : احببتك حُب الطرفين لوحدي 🤍

عذراء ...
كاعدة ورة باب الصالة اسمع صوت الشيخ يردد الايات واخذ القبول من بسام بعدين سئلني مرة واثنين والثالثة يلا جاوبت :- نعم قبلتَ

صوت الهلاهل طرشني والتصفيقَ والكوَلات مال النسوان:- هاي الرادها وهاي التمناها بنت الشيخ لابن الشيخ جبناها

كومتني سالي وهي تضحك :- كومي عيني بنت الشيخ
رجعت للغرفة مالتنه الى مسوين بيها الكعدة مال خطوبتي من بسام سالي جانت وياي هالاسبوع كله هي جهزت الكوشة البسيطة وهي اختارتلي الفستان الى يتناسب وية جسمي واختارتلي التسريحة والمكياج هي سوته الية
اجتني من صبح يوم الاثنين جنت نايمة ماحاسة بنفسي تحجي بضحكة  :- كومييي لجج

رفعت راسي:- ياستار جنج ملك الموتَ

:- كومي لج مغلسجية عايفة زوجي حبيبي وجاية اركض وياج علمودج افنديةة

:- اي بعد بعد عيريني

سحبتني من ايدي وكفتني:- اي بعد اصبريلي

ام سالي:- ولجن يمه شجاجن

:- يمه هاي بنتج مغلسجية شلون حتزوج مادري

حجيت واني اطلع من الغرفة حتى اروح للحمام :- يبو هسة شصارلج واذا نمت فد ساعة ساعة ونص بقيتج تنتظرين

:- ولجج بت الزفرة بنتي يم حويرة وماامن عليها خرب

باوعت لامي تضحك على كيف:- عذريني يمه انتي موزفرة بس هاي بنتج الزفرة شلعت كلبي

ام سالي:- مايمهم يمه مايهم بس هي هاي الضلت اتحمليها انه لون اشوفن ماخليج تتعبين وتعوفين رجلج خطية بس ماشوفن يمه عويناتي راحن فدوا لاخيج

:- فدوا اروحلج ولعيونج خادمة الكم اني شعندي غيركم

بدلت وطلعت لبست بنطرون اسود قماش وقميص اسود وشال وياهن :- من تصير الخطوبة تنزعين الاسود عذراء

جانت سالي تحجي بجدية :- ماكدر شلون

:- مايهم تتعودين على الالوان  الاسود مراح يرجع منتصر ولا راح يخلينا نشوفة الحزن بالكلب مو باللون تشوفيني البس الوان واسولف واضحك بس مايمر يوم اذا ماباجية علية وعلى سوالفة ماتمر لحظة اذا ماتذكر شلون سلم علية وطلع

:- بس سالي

:- بدون بس عذراء لا تفتحين جروح اقاتل حتى اسدها هاهية تنزعي يعني تنزعي

ماحبيت اناقش واجرحها اكثر ختمت الحديث:- صار

طبينا لشارع الصالونات كل محل مال بدلات نفوتلة نلكة بدلات مبالغ بيها واني مايعجبني هيج اخر محل لكيناه عندة فساتين
اختاريت واحد لونه ماروني غامق من فوك صاير مرسوم على الجسم ومن جوة الفخذ منفوش جانو يسمونه كصة السمجة ومن جهة الصدر والظهى مفتوح مرسوم على شكل قلب يغطى الصدر جابتلي ماشات وهذا اللولو الى يتخلة على الشعر ومكياج جديد شكم قطعة وملابس داخلية حتى تعدل البدلة
تاخرنا هواية الا رجعنا بس مكملين كلشي ومجهزين اغراضي كلها