لعنة يعقوب

25

♤:-البارت  الخامس والعشرون
♤:- لا تنسون المتابعة والتصويت
♤:-قراءة ممتعة
♤:-Estbraqalgabr

لطفاً تصويت وتعلق على الفقرات 💕

                    "لــعنـة يـــعقوب"
______________________________________

أيظلُ المرءُ
طَوال حَياته مجروحًا
ألا توجَد تدخلات
نهايات؟
بدايات أُخرىٰ؟
أي نجَاة من هذا الطريق؟

عذراء .
لبست عبايتي ورشيت عطر خفيف واخذت جنطتي وطلعت ليعقوب وسالي منتظريني اروح وياها للمستشفى طلعت وعبير سدت وراية الباب من الليل انطيت خبر لبسام صعدت بالسيارة ليورة بصف سالي واطلقنا اربعتنا يعقوب وامه واني وسالي الجانت خايفة وحلكها ابيض

سناريا من الليل خلتها يم حوراء حتى لتضل تبجي عليها كلنا دخلنا بصدمة من عرفنا ان راح تسوي عملية بس الحمدلله ان الشي هذا اكتشفنا بشكل مُبكر ولا متاخر ولا ممكن لا سامح الله تكون العواقب وخيمة ومايحمد عقباه

وصلنا للمستشفى كعدت سالي الجانت نايمة على رجلية نزلنا وتوجعنا للرسبشن  رحنا لغرفة الدكتورة طلبت من يعقوب يروح يسوي الطبلة وباقي الاجراءات
ساعة ودخلت سالي للعمليات
يعقوب حجز غرفة الها بقينا ننتظرها بيها

سبحتي بايدي واسبح كاعدة على جهة يعقوب وامه يسولفون بصوت هادئ الام هادئة حيل وجها ابيض كدما بيضة الشرايين تبين بجفن علينها

صافنه واباوع من شباك الغرفة على الحياة والدنيا شلون ممكن تاخذنه لمحطات مجانت لا على بال ولا ع خاطرَ دقيقة تكون فاصلة بين
الراحة والقلق
السلام والحرب
فزيت على صوت جهاز يدك عبالي جهازي رفعته اباوع بي لكيت اتصال من بسام كتبت الة رسالة " دخلت للعمليات وكاعدة انتظرها برة ليضل بالك "

مجاوبني رجعت التليفون بالجنطة وبقيت كاعدة كل شوي ام يعقوب تسولف وياي وتغير جو بس اني روحي مليانه قلق على ساليَ وهي تطمني واهداء
لفت انتباهي اتصال يعقوب

:- حبيبي ركون تسلم ربي يخليك

حسيت بي اركان ماعرف شصار بطني مغصتني وروحي عبالك نوخذت رجع رد عليه :- لا يمي امي وعذراء وعمران قريب عليه هنا ذاا احتاج شي اكلك

:- لا لتجي اركان مشكور حبيبي

سداه وباوعلي بنظرة عجزت افسرها نزل راسة بقى يفتر يم الباب يروح ويرجع مخلي ايدة بجيبه بنطرونه
ساعتين من الانتظار والقلق والتسبيحات
ساعتين ننتظرها تطلع واحنه ميتين خوف عليها

طلعت وجابوها بس جانت ماواعية كلش
ومغطين جسمها نقلوها على سرير الموجود بالغرفة
يعقوب بدة ميخلي احد يلزمها بس مايخلونه يوصل الها خاف يشيلها بشكل خطاء وتتاذة طلعوا الممرضين