لعنة يعقوب

7

♤:-البارت السابع
♤:- لا تنسون المتابعة والتصويت
♤:-قراءة ممتعة
♤:-Estbraqalgabr
"لــعنـة يـــعقوب"
______________________________________

سالي:- لا هي الفكرة مو اهجج الناس مني انما سناري واكفة بعيني وين تروح ويمكن تتاذة او الشخص الى يجيني يشرط عليه ان اعوفها لاهلها وماريد اهملها تفهمين شلون

عذراء:- ليش تهمليها تبقى يمنا دام انت بعدج صغيرة تزوجي وعيشي حياتج منو دايملج ظهر ها ! احجيلي ترا اذا كبرت سناري تزوج اكيد متبقى يمج لا عبالج توكفين بقسمتها وتخليها يمج حتى امي بعد عمر طويل همين مباقية
اني ماريدج تندفعين اولا وتاخذين قرار متسرع وبنفس الوقت ماريد تكتشفين الحقيقة متاخرة لدرجة تندمين على شبابج الى راح فكري بكلامي عدل ولا عبالج اريد ادفعج وتزوجين لا والله يعز عليه تعوفيني بس همين ماريد شبابج يروح ع خالي بلاش

اخذن نفس عميق:- هو اصلا مختفي من اخر رزالة

ضربته ع كصتها :- خربب حضي وحضج شبييج جا اذا انتي مشردة الولد بااسلوبج الخايس

سالي:- انجبي ماعرف اتصرف قابل اني حابة قبل

عذراء:-مادري بعد اذا اجة احجي وياه بااسلوب عدل لا تطفشينه

عافتني بصفنتي واندارت
خلتني افكر بكلامها مليون مرة واتسأل هل راح ابقى هيج! ليش خو استاهل احب وانحب واستحق اعيش احسن عيشة !

نمت بعدما سطرتني الافكار سطرَ
كعدت ثاني يوم من وقت بـ،السبعة الصبح لكيت سناري كاعدة اخذتها وشغلت الصوبة ورحنا للمطبخ بدلتلها وكعدتها كل هذا هي تناغي وتدردمَ كلسا ارجعلها ادغدغها واضحكها واضحك وياها
كمت طلعت فلوس من جنطتي وجبت صايتي
لفلفت سناري بقمصلتها وشلتها رحت ندست عذراء فزت غضبانه مني لان كعدتها

عذراء:-ها ها

سالي:- اش امج نايمة راح اخذ سناري واجيب صمون وريوك واجي

عذراء:-خوش

طلعت بعدما لفيت حجابي عدل ولبست شحاطتي تمشيت لراس الشارع اسواق وافران صمون وكفت وسناري تدير براسها وتضحك للهوى وخدودها حمُر وصل سراية اخذت صمون بالفين ورحت للاسواق جبت كيمر وبيض بالفين ورجعت اتمشى واكل بالكعمَ مال صمون شافني سيد فقار من بعيد سلم عليه وعايدني بالسنة الجديدة وصل ليمي صار يلاعب سناري واخذها ويغنيلها

السيد:- يمه فدوا للبنات الصاغهن صايغ ومات
ابتسمت ع الاغنية مالته

السيد:- ضميها لا تطلعيهن فدوا لعيونها الحلوات

سالي:-خطية كلت تحتصر اذا تبقى بس بالبيت

السيد :- اي خطية ؛ شلونج بالشغل مرتاحة ان شاءالله

يحجي وميباوعلي نظرة موجهة الية ابد :- لا الحمدلله سيد مشكور هواي ماقصرت

السيد:- لا يابه اخيتنا ام سناري