لعنة يعقوب

15

♤:-البارت الخامس َعشر
♤:- لا تنسون المتابعة والتصويت
♤:-قراءة ممتعة
♤:-Estbraqalgabr

                    "لــعنـة يـــعقوب"
البارت يحتوي على مشـاهد 18+ لطفاً
______________________________________

نوبات هذا الشاب يحسد الناس الى عدها ميت! على الاقل يعرفون بي ميت وعدهم مكان يزورونه ويكطعون الامل برجعته

:- منو هذا الرجال

:- عز الدين

:- ابوك ؟؟؟
:- اممم ابوية

:- شلون وليش يعقوب احجيلي

:- ههه ترا حجيتلج حتى تنامين مو حتى تبحلقين عيونج اكثر

:- احجيلي بعد

:- اختفىَ سئلت عليه هواي ودورت هواي بس عز الدين اختفى بس اثرة بالدنيا مااختفى الى خلف مامات

صوته صارت بي عبرة :- نامي سالي اريد انام تعبت

شفت الوضع مو مال انطي ظهري وانام كمت على كيف وديت سناريا بجربايتها ورجعت اتمشى على طرف رجلية رفعت الغطة وتقربت عليه رفعت راسة على كيف وسحبته لحضني عبالك مااصدك بساع حضنيَ تلمست شعرة وطرف اذانه وهو نايم على صدري وحاضن خصري همست على كيف :- عمري

:- اممم

:- مرة جنت اقرة قران ودائما يصير تركيزي على اية مو دون غيرها هيج تجذبني وتضل ملازمتني لحد مااالكة غيرها

:- ايي

:- فمرة قريت اية (يَا أَيُّهَا الَّذِينَ آمَنُوا لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ) من قريتها بوقتها ضلت ببالي وطلبت من السيد يفسرها الي ويشرحها الى بمنطق بسيط بدون تعقيد فبوقتها كالي سالي اكو اشياء من نلح بيها ونسئل عليها هواي نتاذة من الجواب شلون ميكون فاانت هنا تكول هواي سئلت عليه ودورت لنفرض هو باقي ممكن جان يكون متاذي لو ماذيكم !

:- بس هو مستحيل ياذينَا

:- انت تكول هيج بس ارادة رب العالمين تختلف عن ارادتك ومعرفتك رب العالمين يعرف ان الجواب عن سؤالك راح يكون مؤذي ! فاانت كول الحمدلله واذا ميت الله يرحمه ويجعل قبرة روضه من رياض الجنة واذا عايش

:- يارب عايش

:- واذا عايش الله يدلي بطريقكم ويرجعه الكم سالمَ

حضنته حيل ورجعت امسح على شعرة وغفيت واني بهالحال من كعدت الصبح مالكيته كمت من السرير فتحت الباب سمعت صوت طكطكة بالمطبخ تمشيت ووكفت يم الباب سناريا كاعدة على الكاونتر وكبالها  خواشيك  تطكطك بيهن يعقوب صاير بصفها يكصص طماطة كمل وغسل ايدة وهو يباوع عليها شافتني جان تذب الخواشيك وتمد ايدها تصيح :- مممماااا

التفت يعقوب عليه وابتسم:- صباح للخير

رحت اخذت سناريا شلتها  وتقربت عليه حضنته بايدي الثانية وتقربت عليه طبعت بوسة سريعة على خدة:- صباح الخيرات