لعنة يعقوب

19

♤:-البارت التاسع عشرَ
♤:- لا تنسون المتابعة والتصويت
♤:-قراءة ممتعة
♤:-Estbraqalgabr

                    "لــعنـة يـــعقوب"
______________________________________
سواد الليل يُبقى
وتطفى الالوان
واعيد بذكرياتك والمشاهد.

ثاني يوم كعدت الساعة بالاربعة الفجر سويت ريوك على للسريع اجهز بي اجة يعقوب وشعرة مبلل لاف المنشفة على خصرة تريك وشرب جاي وبدل اخذ جنطتة وصلته للباب ودعته باوعت على الساعة
بعد ماعندي مجال سبحت وجهزت جنطتي وجنطة سناريا طفيت كلشي وقفلته بالبيت واخذت المسواك الزايد وياي صارت الساعة بثمانية اتصل عليه عمران جلن منتظرني جوة بالسيارة
اخذت الجنط وشلت سناريا و نزلت

سلمت عليه وصعدت ليورة ماعندي ميانه زايدة حتى اكعد بالصدر هو هم جان هادئ حيل ومشغل قرأن الصبح اخذني اول شي لبيتنا نزلت الغراض وسناريا وداني بعدين للمعهد
وراح للعصر يلا اجاني كالعادة اسلم واصعد اكعد ساكته هو هم مايناقشَ وصلني للبيت تشكرت منه ونزلت اول يوم بدون يعقوب يصير ثكيل ثكيل حيل

مايمشي بس دااحاول امشي تغديت وتمددت ارتاح جانت بحضني سناريا تسولف وياي وتلعب بشعري
خابرت يعقوب اطمنت عليه وسديت لديت اغفى شوية و اجتي حوراء يمنا جايبة صبغ مال شعر وادوات صبغ استغليت هالشي وطلعت المهارات الى تعلمتها من الدورات بيها

وعذراء اخذها الواهس وكصيتلها اطراف شعرها وعبير همين على الواهس حفيتلهن وعدلت وجوهن

تخصرت ووكفت كبالهن:- يلا ورقن
عبير:- اني راح ادعيلج ماعندي غير هالشي صراحة

عذراء:- اني دااهتم ببنتج بغيابج اعتبري مكافئة الية

حوراء:- جا واني جاي اخيطلج ولبنتج بلاش ماكتلج ورقي

سالي:- مااخذ منجن لا حق ولا باطل يمممه يلا على الاقل نظفن الصالة خل اتمدد

عذراء...
راحت سالي تمددت بالغرفة يم امي واني وعبير نظفنا الماع والاغراض ورة ماتوفه منتصر عبير تغيرت ١٨٠ درجة نكسرت بعدة اهلها مو كفو صارت تتحامه بينه من اهلها بكل مرة يردون ياخذوها امي تكع
لهم وتحجي وياهم عباس صار نهائيا ميدخل لبيتنا بس علمود يشوف امي مرة بالاسبوع وهاهية
صارت الساعة بالستة العصر طبيت اسبح وطلعت انشف بشعري لكيت  حوراء بالمطبخ تسوي جاي ومخبوصة باوعت باب الصالة مسدود
وكفت يمها :- منو يمنا حوراء

همست:- عيالي

استغربت:-  ليش ياستار شكو

:- مو يردونج لسيد بسام لا تثوليها واجلناها لبعد امتحاناتج

:- شعرج يخبل بلعافية والله مبدعة سالي

:- اي يخبل ؛ روحي تجهزي حبيبي وطبي لنسوان