لعنة يعقوب

12

♤:-البارت الثاني عشر
♤:- لا تنسون المتابعة والتصويت
♤:-قراءة ممتعة
♤:-Estbraqalgabr

"لــعنـة يـــعقوب"
______________________________________

الادري بي من تبتعد
مدري شاأحس بحيرتي !
صدري حفر بي خنجر
مكطوع شريان ابهر !

طلعت ماشية بخطوات سريعة وصلت لباب العمارة الليل بدة ينزل ويقل الضوة حضنت جنطتي اريد منها الامان سميت بااسم الله وطلعت للشارع اتمشى خمس خطوات بعيد عن بوابة العمارة وحسيت روحي نجريت ونشمرت بالسيارة
راسي نضرب بالكشن وصوته وهو يتوعد :- متجين بالعيني واغاتي الا غصب

صوت اركان وهو يتعارك وياه ويحاول يفتح الباب :- افتح الباب راح اسويلك مصيبة هسة يعقوب الابنية متريدك خرررررربب

صاح بصوت مكتوم وهو يحاول يسحبة بس افا يعقوب يتحرك عبالك صار صخرة انداريت على الباب الثاني افتح بي مقفول رحت ع الباب يم السايق مفكرة ان ممكن يفتح بس كلهن مقفلات تهسرات وكمت اضرب ع جامة اريدة يفتح ماكو جاي يتعارك وية اركان

استمريت اضرب بالجامة واصيح بلكت احد يسمع المشكلة الساعة صارت بثمانية بليل ولا طير طاير بالشارع بس اضوية الشارع الصفرة وسيارات تمر ع الشارع للعام محد منتبه شنو داخل فرع العمارة الاضلم
استمر واحد يدفع بثاني لحد لحد ما اركان ضرب يعقوب بوكس على جتفة صار يعقوب كام وكف كبالة يمسح بطرف شفته ويعدل بشعرة حجوا ماسمعت شي اصلا مجاي استوعب الى دايصير !'

كلشي خارج عن ارادتي وتوقعاتي فجاة يعقوب سحب سلاح من حزامه وشهرة بوجه اركان نصعقت وصرت اضرب ع الجامة حتى بالجنطة اريد احد يلتفت الية ماكو

اركان واكف رافع ايدة بمعنى الاستسلام ويباوعلة مذوهول من تصرفة ! انتبهت ع اركان يكلة خلاص اروح وياك اشهد ياشر على روحة

شراح يسوي دخيلك ربي دموعي ماوكفت اهلي هسة شصار بيهم ياربي هسة تصير كارثة يارب الطف بية
ااندار يعقوب وفتح الباب مال سايق وصعد وكعد راح اركان ركض للعمارة دخل بيها :- يعقوب شداسوي نزلني يعقوب داحجي وياك

:- سكتي

حجة وهو يشغل التبريد ويفتح الجكمجة ويطلع طلقات وفتح المخزن مال مسدس وخلاة بين رجلية وزيدة طلقات كمت ارجف جسمي كله يرجف كمت اضرب على وجهي واصيح عليه ولا عبالك بشر كاعد يمه ويأذي بنفسة :- مريض انت مرييييضضضضض نزلني كمت احاول افتح بلباب مال سيارة كل واحد ياخذلة حيل من حيلي وميفتح لحد مااجة اركان يهرول ووجنة عركان فتح باب السيارة ودخل :-دكتور اركان اركان نزلني عليك الله وين وين ماخذني بنتي يتيمه والله واني يتيمه

حجة اركان بهدوء قاتل:- سالي يعقوب يريد يعقد عليج

:- شنوو شنو يعقد عليه مموافقة هي بكيفك انت داححجيييي وياككك صرخت بصوت عالي مااحس الا ضرب بريك راسي صار بيناتهم
لزمني من فكي واركان يحاول يبعد باايدة حجة وهو صاك على اسنانه :- والخلقج هسة اسوي راسج طشار واذبج هنا للجلاب السود وارتكب بيج جريمة تفوتني طول لعمر بالسجن حسجج مااسمعة