" صباح الخير"
- اردفت شروق لوالدتها ووالدها وشقيقها الاصغر مشعل الذي يستعد للذهاب الى المدرسه -
" هلا بأميرتي شروق غريبه ما شفتك الفجر تشربين قهوه ، كل مره اطلع اصلي الفجر احصلك عند ركن القهوه وريحته الصاله قهوه "
" راحت علي نومه كنت مرهقه يومي الاول وصيحة الاطفال ونمت وما حسيت بنفسي "
" وش لك وانا امك بالشغل غير التعب والصداع ارتاحي بالبيت ربي منعم علينا "
- اردفت والده شروق لشروق التي ترتدي عبايتها مستعده للخروج لترد عليها -
" يا يمه الجلسه بالبيت ماراح تخليني مبسوطه خلني اشوف العالم ، يالله مع السلامه بتاخر عن دوامي "
- خرجت شروق بينما تحت الكثير من السلال الكثيره المحمله بالوسائل التعليمية للاطفال كالالوان والاوراق و الملصقات -
" والله يا بنتي ودي اشوفك عروس في بيتك زوجك ، انا مدري وش لها بالدوام هذا "
" خليها تنشغل شوي ولا تجيبين طاري الزواج لها كافي تجربتها مع عبدالرحمن ولد اختك وش استفادت غير انها مطلقه والحمدلله تلاحقت عمرها ولا جابت منه اطفال كان الله العالم وش بيصير "
22/4/2020
" الف مبروك يا بنتي "
- ليله فرح ،اصوات الموسيقى و تلك المباركات التي من حولها ، تجلس شروق بفستان وردي بينما تحمل باقه من الورد ، تمسك بيد خطيبها عبدالرحمن ابن خالتها الكبرى -
