" ها كيف الميكب يجنن لاني انا سويته ، همم يبي لك تسوين شعرك ويفي فكينا من الشعر الاستريت شكلك مقرف فيه غيري شوي "
" يا ليل خلاص ترا مو معنا اني جبتك تسوين لي ميكب تذليني هنوف وخري بس خلني اسوي بنفسي ولا مذلتك "
" اقول انثبري بس ناويه تروعين الاوادم ترا بتطلعين كانك مهرج "
- تجلس شروق امام المراة بعد ما انتهت هنوف من وضع المكياج لها وحان وقت تصفيف شعرها ، جعلت هنوف شروق تاخذ اجازه من عملها حتى تقابل نهار في شركته بكامل زينتها -
" يختي ما تحسين ان الميكب كثير احس يبي لي امسح منه شويه "
" يدك يدك وخريها لا اكسرها لك مب اوفر ولا شيء ، جهزت لك العبايه و خلصت شعرك عاد يا ويلك اذا خرب يا شروق "
" وصلنا يلا يا حلوه good luck "
- وصلت شروق والهنوف الى شركه نهار ونزلت شروق من السياره -
" متوترة طيب شكلي حلو ، احس شعري خرب من هنا "
" شكلك يجنن وشعرك حلو ما خرب انا بروح اتقهوى واذا خلصتي دقي علي ونروح نتغداء على حسابك و نشوف وش سويتي "
" وبس انتي هات هات مافيه على حسابك شيء ، بس يلا تستاهلين بس هالمره "
- ترجلت شروق من السياره بكل توتر بينما تعدل خصلات شعرها الاماميه ، وقفت امام مبنى شاهق بسبع ادوار ابتلعت ريقها و دخلت الى قسم الاستقبال -
