" اي انا امه ليش مستغربة ؟! "
" اسفه مو قصدي بس اول مره اشوفك و ماقد شفتك ماخذة فيصل "
" ايه انا وابوه منفصلين الا شرايك اقولك قصه حياتي عطيني الولد بسرعه"
- لم يتحمل فيصل صراخه والدته ليهرب خارج الصف حتى لا يذهب مع والدته -
" فيصل فيصل وينـ ، اخت احلام تفضلي ارتاحي على بال ما ادور فيصل "
" بسرعه لو سمحتي ماني فاضيه اجلس هنا وقت طويل "
- كانت تبحث بكل شبر و كل زاويه عنه ، وكانه حبه ملح وذابت -
" الهنوف الحقي مصيبه وصارت "
" بسم الله شصاير اللهم اجعله خير "
" ام فيصل جت و فيصل شكله ما يبي يروح معها و هرب من الفصل مدري وينه تعالي دوري معي "
" لحظه لحظه انتي قاعده ترمين علي قنابل كثير ، ام فيصل !؟ ، احسبها ميته طلعت عايشه "
" شفيك انتي بتموتين الحرمة وهي عايشه يختي قومي دوري معي بعدين اقولك كل شيء "
- وصل فيصل الى باب الروضه ليتحدث مع الحراس وهو يبكي -
" يا عمي عادي تعطيني الجوال ابي ادق على بابا"
" فيصل !؟ وش مطلعك من فصلك وانا عمك تعال ادخلك داخل "
