حضنتها ايار و مسرّه ساكنه بحظنها م بادلتها لاجل م تتالم و وخرت تقول بحماس:وين نروح
و سرعان م ضربت راسها و قالت بابتسامه غبيه:نسيت اعرفكم على نهى
ضحكت مسرّه بصدمه و قالت:الي يكلمنا عنها ابوي؟
هزت راسها ايار و تقدمت نهى تسلم على مسرّه و راحت لـ يُسرا اسلم عليها
و قالت يُسرا:ي بنات عيب احد يطلع و يشوفنا واقفين هنا
قالت نهى بابتسامه:خلاص انا برجع يلا سلام
سحبتها يُسرا و قالت:والله م ترجعين معليك ارجعك بالصباح امشي نستانس شوي
قالت نهى بـ تردد:مدري
ابتسمت مسرّه بلطف و قالت:تكفين نوني يلا
هزت راسها نهى و قالت:يلا يلا
ركبوا اجمعهم بسياره يُسرا و قالت مسرّه بحزن:تخيلي ي ايار سيارتي راحت تالف
شهقت ايار و قالت:منجد؟
هزت راسها يسرّه و نطقت ايار بحده:الحمدلله انك طلعتي سالمه منها لو جت حيّاه رح تذبحنا ترا لانها م توقعت ان الحادث قوي لهدرجه
قالت يُسرا بهدوء:بنات ماله داعي خلاص الحمدلله الي طلع سوسو بخير و ذا قدر اذا انتم مخالفين قدر ربي هاذا حرام
همست ايار بـ الحمدلله و مسكت يُسرا خط الرياض
و فجاءه التفتت على نهى الساكته و قالت:و انتِ بعد شتبون تسكنون هنا على الاقل لو انها ديره ارحم بس ماهي ديره
ضحكت نهى و قالت:لو تدخلين المزرعه رح تحبينها و مارح تقولين ليش ساكني هنا
شهقت ايار و قالت:منجد تهبببل و عاد فيه غرفه انا نايمه فيها تجنن هادئه و بعيده عن البيت تجنن
ضحكت نهى و قالت:اي ذي غرفة طويق ولد اخوي م يحب الازعاج و اساسا م ينام فيها كثير بالعاده تشوفينه نايم بالمشب يرتاح اكثر
هزت راسها ايار و سكتت تسمع اغاني يُسرا
-
طلعوا حيّاه و الجود و هم يضحكون و قالت حيّاه:اخيييرا
ابتسمت الجود و قالت:رحلتنا متى؟
لفت عليها حيّاه و قالت:تعالي انتِ سوقي و بقولك بالسياره متى
ركبت الجود مكان السايق و شغلت السياره
قالت حيّاه وهي تطالع جوالها:رحلتنا بكره بالليل
ضحكت الجود و قالت:و الين ذاك الوقت وشو تبيننا نسوي؟
لفت عليها حيّاه بحماس:م بننام و بنسهر و م بنخلي مكان الا و نروحه و الحين بلبس و بروح ارسم
هزت راسها الجود و قالت:بجي معك
لفت حيّاه تطالع الطرق الخاليه من الناس و تفكر باللقاء مع خواتها و يُسرا الي تعدها اختها الصغيره
-
شهق عبدالكريم يقول:و يمين بالله عايش ينهيكم!كيف صارت اللخبطه بالاوراق!صاحين انتم تعطون الطرف الثاني اوراق العقد!
قالت حنين بدموع:والله ما كنت اعرف انه خطا و العقد من طرفنا
مسك رأسه عبدالكريم يفكر و قال:يارب انهم يطلعون عيال حلال و يرجعون العقد الموقع قبل م يوصل الموضوع لـ المدير
قالت حنين بدموع:انا بكلمهم و بحاول فيهم ولا يهمك بس لا تفصلني تكفى
هز راسه عبدالكريم و طلعت حنين تكلم الشركه الي طالبين شراكه مع عايش و الي باقي م رد لهم خبر ولا يدري عن طلبهم لـ الشراكه
-
طلعت حيّاه من دورة المياه وهي تنشف شعرها و جسمها يغطيه المنشفه فقط ،قربت تطلع لها لبس و طلعت توب ابيض و جاكيت و بنطلون طقم باللون الاسود
قربت من التسريحه تسحب احد الكريمات الموجوده و حطت كميه كافيه على يدها و سرعان م دهنته على شعرها و صارت تحركه بشكل سريع و سرعان م اخذ الشكل الي هي تبيه
مشت تطلع و بيدها ماسكه الشوز الي هي بتلبسه و شافت الجود جاهزه و قالت:يلا؟
هزت راسها الجود و جلست حيّاه تلبس الشوز و وقفت وهي متحمسه و جاهزه و مشت تسحب شنطه الالوان من عند المدخل و طلعوا يمشون لـ المكان الي بالعاده حيّاه ترسم فيه
-
طلعت يُسرا من المطعم و قالت لـ البنات:يلا ننزل مسرّه فيه حجز و حجزته
نزلوا البنات و قربت يُسرا بما انها الوحيده الي تعرف تتحكم بعربية مسرّه
استندت مسرّه على ايار و جلست على العربيه تبتسم باريحيه
و مشت يُسرا تدفع عربيه مسرّه و يدخلون المطعم و الي الهدوء سيد الموقف بالرغم ان هناك ناس متواجدين بالمطعم و لكن م ينسمع الا الهمس الاشبه بالسكوت
جلست ايار و قالت وهي تحرك شعرها:وحشتوني ي بنات مره اشتقت لكم
غطت وجهها يُسرا و قالت:يمه منك اكثر
ضحكت ايار و قرب النادل ياخذ طلباتهم و مشى ينفذها لهم
-
صحي و ارتفع بجسمه يطالع المكان الي هو فيه و سرعان م رجع ينسدح من تذكر و بعد دقايق وقف يطفي التكيف و مشى و صدره عاري و دخل ياخذ شور و طلع بعد ربع ساعه وهو ينشف شعره و لبس بسرعه كبيره و مشى يفرش سجادته يصلي الصلوات الي فاتته
خلص و لف يشوف انهم باقي بمنتصف الليل ،هو نايم من الصباح و طبيعي انه بيقوم
نشف شعره و مشى ياخذ جواله و يلبس شوزه و مشى يطلع من الفندق يمشي على ارجله
يتمشى بالهدوء الي يحبه هو و يفضله جدا بعيد عن ازعاج الناس و اصواتهم
فز يسمع اصوات صريخ بجانبه و لف يركض لـ مكان الصوت و شاف شاف سـكـر،ان و امام الشاب بنتين و الواضح من كلامهم انهم سعوديات!من شاف ان الشاب تمادى و قرب منهم ركض يسحبه و من خفة الشاب طاح على الارض و سرعان م دخل بـ نومه وهو يهمس بـ كلام غير مفهوم
لف عليهم عايش وهو ماسك اعصابه:صار فيكم شيء؟
مسحت وجهها حيّاه و لفت على الجود الي تبكي من الخوف و صرخت عليها:خلاصصصص جود!
م تحملت حيّاه و سحبت الجود لـ حضنها و همست لها تقول:خلاص ي امي خلاص
لفت على عايش و قالت:مشكور منجد
مسح على وجهه عايش و قال :يعني م جاكم شيء؟
هزت راسها بـ نفي و قال:طيب انتم عارفين انكم مو بالسعوديه و تطلعون هالوقت ليه؟هاذا وقتهم!
نطقت الجود وهي تشهق:كنت اساعد حيّاه في الرسم و جا هجـ
قاطعتها حيّاه تقول:الجود خلاص و انته مره مشكور على مساعدتك لنا م قصرت
سحبت شنطتها و سحبت الجود تمشي لـ الشقه الي بعد شارعين من هالمكان
مشى خلفهم بهدوء الين دخلوا بيتهم و مشى لـ اقرب مطعم مفتوح و كان مطعم بيتزا
دخل يطلب و جلس يفكر في هالبنات
-
دخلوا و جلست الجود و مشت حيّاه تجيب كوب ماء لـ الجود لاجل تهدأ و قالت:خلاص ي جوجتي
و بالفعل هدأت الجود بعد ثواني و وقفت تقول:وشو بتسوين؟
قالت حيّاه بضحكه لاجل تغير جوها:نكمل المسلسل؟
هزت راسها الجود تضحك و قالت:تم يلا
-
نزلت نهى تقول:باي بنات
ابتسمت يُسرا بوجهها و قالت:نشوفك قريب ان شاءالله
ابتسمت نهى و قالت لـ ايار:رح اشتاق لك
ابتسمت ايار و قالت:معليك لازم اذا جت حيّاه بنجيكم بس الحين بهرب من عندكم
هزت راسها و مشت نهى تمشي بحذر و دخلت وهي تسمع اصواتهم بالمجلس لكن مشت بهدوء الين دخلت البيت و توجهت لـ غرفتها
-
مسح وجهه عبدالكريم و قالت:وافقو ؟
هزت راسها حنين و قالت:اي وافق يرجعها بس هو شسمه؟
قال عبدالكريم بهدوء :منير
مشت حنين بعدم اهتمام و قالت:اهم شيء انه طلع فيه خير و رجع الاوراق
قال عبدالكريم بحده:انتبهي مره ثانيه هالمره عدت على خير و بعدين اذا رجع عايش لازم نقوله لان يدري مننا ولا من غيرنا
-
طلعت حيّاه من عند الجود بعد م نامت الجود وهم يشوفون المسلسل و كتمت ضحكتها من قالوا انهم م بينامون
غيرت لبسها و مشت تطلع من البيت و دخلت محل الورد و قالت باعلى صوتها:خاله حنان
طلعت وحده عمرها ما بين الاربعين و لكن هالشيء مو واضح على شكلها بسبب اهتمامها بنفسها و قالت:هاي توته
ابتسمت حيّاه و قالت:ياعيون توته كيفك؟
ابتسمت حنان ابتسامه مشرقه و قالت:بأحسن حال تعالي استضيفك الشاي و القهوه
ضحكت حيّاه و قالت حنان باستغراب:فيه جوجو كدا؟
قال حيّاه:نامت
ابتسمت حنان بـ حنان و قالت:حبيبة قلبي النايمه هنى يارب
ابتسمت حيّاه و قالت:جيت اودعك
ضحكت حنان و قالت بتهديد:يويلك م تجيبين بناتي مسرّه و ايار و يُسرا
ضحكت حيّاه و قالت:والله ودي و بأذن الله قريب
ابتسمت حنان و قالت بتساؤل:وش صار مع اهل ابوك؟
تنهدت حيّاه و قالت:والله على نفس الحال كل يومين يرسلون تهديد
أنت تقرأ
عايش لأجل حيّاه ،عايش في ظلّ حيّاه
General Fictionأول رواياتي حساباتي بالتواصل الأجتماعي : _irwedii « ما أسمح بنقّل روايتي » كتبت بقلم : وِد بِنت عبدالرحمن 🐆
