"عقدت حجاجها ايار وهي ماسكه صوره و قالت:توته تعرفين هالشخصين؟الي انا معهم"
مسكت الصوره حيّاه تتحقق منها و رفعت اكتفها بعدم معرفه،لفت الصوره تشوف اسم عايش و طويق و غزل الي تكون ايار~ضحكت حيّاه تقول:هاذي انتِ و عايش و طويق
عقدت حجاجها ايار وهي تقول:بس م اذكرهم!
رفعت اكتفها حيّاه بعدم معرفه تمد لها الصوره و قالت:م ادري بس كذا مكتوب
وقفت من دق جوالها و ردت وهي تقول:ايوا هلا
ابتسم عايش وهو يشوف النياق و قال:سكره بنجيكم
ضحكت حيّاه وهي تقول:جد؟
هز راسه بـ اي و كانه امامها:اي جد
ابتسمت حيّاه وهي تلعب بـ اطراف اصابعها و قال:وحشتيني
ابتسمت حيّاه بوسع ثغرها تقول:م يوحشك غالي
تافف عايش يسمع ردها و ضحكت حيّاه،ابتسم من سمع ضحكتها و قال:اعطيت مسعود موقع بيتكم
عقدت حجاجها حيّاه وهي تقول:وينك انت؟
مد يده عايش يلعب بـ جواهر و قال:عند جواهر
هزت راسها وهي تجهل من جواهر و قالت ببرود:تبي شيء؟
ابتسم عايش بخفه وهو يقول:ابيك
نطقت حيّاه بـ نبره تخفي غيرتها و زعلها:سلام
سكرت من غير م تسمع رده و نزلت لـ البنات تاركه جوالها على السرير
-
دخلت ام هيام وهو تطفي التكيف و قالت:هيام
تحركت هيام بضيق وهي تقول:يمه بنام
نطقت ام هيام وهي واقفه:بيجينا ضيف انزلي ساعديني
وقفت هيام بتعب وهي تقول:اخذ شور و اجيك
طلعت ام هيام من غير م ترد و وقفت هيام وهي تطلع لها لبس و دخلت تاخذ شور
طلعت بعد فتره وهي مصحصحه و قربت من التسريحه تنشف شعرها بالاستشوار و حطت مكياج خفيف،لبست السليبر وهي تنزل لـ المطبخ
دخلت وهي تشوف امها واقفه عند الشغاله و قالت:ماما اسوي حلا؟
هزت راسها ام هيام و بدات هيام تطلع الاغراض و ادوات البسبوسه
مشت تدور الخلاط اليدوي و صارت تجهزها بروقان تام
وقفت هيام وهي تقول:ماما بطلب لي اكل و اجيك
هزت راسها ام هيام و وقفت هيام تطلع تاخذ جوالها تطلب لها اكل
-
وقف رافع بحيره وهو يفكر وش ياخذ و قال:هالنوع او هالنوع؟
ابتسمت الموظفه وهي تقول:هاذي شوكلت داكن و هاذي بالحليب
وقف بحيره لثواني و قال:خلاص هاتيهم كلهم
و فعلا بدات تجهز له البوكية و الشوكلت
ركب سيارته و استند براسه ينتظرها تخلص و ضحك من تذكر هيام، سحب جواله يدق عليها و ردت وهي مشغوله:امم
ابتسم رافع بخفه و قال:وش تسوين؟
بدات هيام تحط الخليط بالصينيه وهي تقول:بابا عنده ضيوف و اسوي حلا
ابتسم رافع بوسع ثغرة من عرف انها تجهل هالضيف الي يكون هو و قال:ي حظ هالضيف دامه بياكل من يدينك
ابتسمت هيام وهي تقول:كانك تتغزل؟
ضحك رافع و قال لـ هيام:ي ابوي مشغول شوي و برجع لك
سكرت هيام من غير م ترد و ابتسمت و كلمته ببالها همست بنفسها و وجهها يتشعل خجل:ي ابوي
-
رد مسعود وهو يقول:ي عايش عيب ياخي!
عقد حجاجه و نطق بضحكه:وش الي عيب م فهمت؟
تافف مسعود من عناد عايش و قال له:تمام انا برا
ضحك عايش وهو يسكر و دق على حيّاه الي قالت:هلا
ابتسم عايش يشوف زعلها و قال:مسعود برا
وقفت حيّاه وهي تتجه لـ المطبخ و قالت:الشغاله بتطلع له تمام مشكور
ابتسم عايش وهو م وده ازعل منه ولكن بيراضيها بـ طريقته
سكرت من غير م ترد و دق على مسعود يقوله:الشغاله بتطلع لك
سكر مسعود من غير رد و نزل و بيده سكره و السد الثانيه ماسك شنطة سكره
-
وقفت الجُود عند الباب و ضحكت من شافت ماريا جايه و بيدها سُكره
قربت تاخذها بحظنها وهي تبوس خدها
مشت تدخل لـ الداخل و وقفت يُسرا وهي تصرخ:هلا بالزييييين
ضحكت حيّاه تشوف البنات اجتمعوا حول سُكره و قالت:ارحموها بنات
جلست الجُود و سُكره بحظنها و قالت:وش بنسوي؟امم
ضحكت ايار وهي تقول:نسبح؟
هزت راسها حيّاه بتأييد وهي تقول:ايوا ودي اسبح
ابتسمت الجُود توقف و قالت:يلا نغير و هالحلاوة الصغيره معي
طلعت حيّاه لـ غرفتها تغير ملابسها
لبست شورت و افخاذها عاريه و بطنها اغلبه طالع،مررت يدها على معالم بطنها و ابتسمت من طاحة عينها على شامتها و عبست بملامحها من تذكرت زعلها من عايش
صدت وهي تسحب منشفتها تنزل لهم و صرخت من شافت سُكره تلعب بالارض،نزلت لها تجلس على ركبتها و قالت:يمميي عسوله!
رفعت نظرها لـ ايار و يُسرا الي نازلين مع بعض و قالت:بنات ودي اطب قبلكم
هزت راسها ايار تجلس عند سُكره و قربت حيّاه تنزل بـ اطراف رجولها تشوف المويه،نزلت نص جسدها و ضحكت وهي ترتعش من المويه
ابتسمت تحرك رجلينها و لثواني نزلت بكامل جسدها لأجل يبتل
رفعت نفسها وهي تمسح عيونها و ترجع شعرها الي طاح على وجهها
لفت تشوف الجُود طالعه و بيدها سُكره،ابتسمت تاخذ سُكره من نطقت الجُود:خذيها شوي
ضحكت من صوت ضحكة سُكره الي تحرك يدينها بالمويه و قالت:مسرّه هاتي جوالك ثواني
ابتسمت مسرّه الي جالسه على كرسيها تقول:هاك
قربت حيّاه تمسكه و تصور سُكره من غير م تبين نفسها
قربت تثبت جوال مسرّه عالطرف و صارت تتصور مع سُكره الي مستمتعه بالمسبح
سكرت التصوير وهي تمد الجوال لـ مسرّه و قالت:ارسليهم لي
لفت حيّاه تشوف سُكره و مسكت ذراعها ترفعها لـ فوق مع صراخ سُكره باستمتاع
لفت حيّاه و سرعان م صدت من نطت يُسرا الي تصرخ ،ضحكت حيّاه تشوف سُكره مغمضه عيونها بسبب المويه
أنت تقرأ
عايش لأجل حيّاه ،عايش في ظلّ حيّاه
Ficción Generalأول رواياتي حساباتي بالتواصل الأجتماعي : _irwedii « ما أسمح بنقّل روايتي » كتبت بقلم : وِد بِنت عبدالرحمن 🐆
