"ضحك مسعود وهو يوقف و قال:الليله بدأت و شكلي بروح قبل م يمسكني عايش
لف عليهم طويق و قال:الود ودي اخذها و لكن هل بتوافق؟"
لف عليه عايش يناظره و نطق مسعود بحماس وهو يجلس:العبببب
عدل جلسته عايش و قال:من؟
لف عليهم يناظرهم و قال:ابو نايف يعني اني بقول؟تخسون
ضحك عايش يرجع لجلسته و قال:تذكرت و عرفت منهي
توسعت عيون مسعود الي قال:دام فيها ابو نايف عرفت انها وحده من بنات نـ
قاطعه طويق الي فز يسد فم مسعود من شاف نايف جاي
ضحك مسعود يسكت و قال نايف:ترا جدي يدور عليك
وقف طويق ينفض ثوبه و قال:بحط الاكل و معليك من جدك ذا الي كل م كبر بدأ يخرف
وقف نايف و قال بعصبيه:الله لا يحيجني عليك قلت لي قال معانا و جيت و الحين تقول عن جدك كذا؟
وقف طويق و قال:كلنا ندري انك موب طايقه ليش الكذب؟
غمض عيونه نايف و قال:مقدر ي طويق مقدر اكسر كلمته و مثل م قلت عني انا ضعيف
مد يده طويق لـ رقبة نايف يمسح عليها ،نزل يده لـ كتفه يمسح عليه و قال:ما انت بضعيف و لكن م تبي تكسر كلمته عشان نوره؟
هز راسه نايف و قال طويق:نوره انا و انت نخبر افعالها و افعال ابوها شتبي منها؟
نزل نايف يدين طويق عن كتفه و قال وهو ياشر على قلبه:هاذا الي يبيها و عجز يتوبها رغم افعالها
غمض عيونه طويق و قال:الحب ماهو حرام!و نوره ما تستاهلك و انت كثييير عليها
رفع اكتفه بضياع و بعدم قدره و قال نايف:اخاف اظلم وحده معي بسببها! انا هيمان فيها ي طويق م بقدر
ربت طويق على كتف نايف يقول:تقدر!ليش م تقدر ؟
-
وقفت يُسرا وهي تقول:بروح اغسل يدي
لفت على مسرّه الي قالت:خذيني معك
هزت راسها يُسرا تدف مسرّه لدورة المياه
لفت حيّاه على رغد تقول:تعالي معانا
عبست بملامحها رغد تقول:بروح لماما و بابًا م يردون علي
مشت ايار تمسك كف رغد و قالت:لو صاير شيء معاهم بعيد الشر علمينا بنجيك
هزت راسها رغد وهي تقول:بروح اقول لـ سالم و اجيكم نطلع مع بعض
مشت تركض لـ المطبخ و قالت بضحكه:سالم انا بروح انتبه عالمطعم ي صقيقي
هز راسه سالم و مشت تطلع بعد م سحبت اغراضها و شنطتها
حصلت البنات ينتظرونها و طلعت هي لسيارتها و هم لسيارة حيّاه
ركبت سيارتها المرتفعه،نزلت نظرها لـ جوالها تاخذه تثبته امامها و مدت يدها تدق على ايهم ولكن من غير رد!
غمضت عيونها بقوه من مرت على جميع جوالات البيت ولكن من غير رد!اضطرت و من بعد قطاعة سنين ترن على نوران
وصلها صوتها الضاحك بسخريه وهي تقول:اوو رغد؟
شدت على الدركسون رغد تنطق:ايوا رغد بسالك بدون مقدمات ادق على بابا و ماما م يردون ليش؟
لفت فيها الدنيا من نطقت نوران بسخريه:م تدرين عن امك و ابوك؟الي مرمي بالمستشفى ؟
سكرت بسرعه من غير رد و خطر ببالها تدق على العامله
رنت عليها و سرعان م ردت سوسن تقول:ايوا رغد؟
حست بثقل بلسانها لثواني و نطقت بصعوبه من غصتها العالقه بحنجرتها:بابا وين؟
شدت سوسن على ذراعها و نطقت:ابوك طاح عليهم ارتفع الضغط عليه و جاء الاسعاف اخذه
نزلت دموعها المتحجره بعيناها و قالت:اي مستشفى ؟
سكتت سوسن لثواني و نطقت:بتاكد من السواق لانه اخذ الاغراض لهم و برسلك بمسج
م ردت رغد و سكرت سوسن الخط
مسكت راسها رغد تسمع لافكارها هي م بتسامح نفسها لو صار بأبوها شيء! كانت بعيده عنه
-
دق عليها و ردت وهي ساكته تنتظره يبدا الحديث ابتسم ينطق:غزل؟
عقدت حاجبها ايار و نطقت بقهر تقول:اسمي ايار وش له غزل؟
رفع نظره لـ الناقه الي جايه له بوسط الضلام و قال:كذا اجيبكم
نطقت ايار بتساؤل:تجيب مين؟
ابتسم طويق يمسح على رقبة الناقه و قال:اخليك تتكلمين من اناديك غزل لانك تعصبين و جواهر تسمع صوتي و تجيني
هزت راسها ايار وهي تتمدد على فراشها و قالت:اوكي تبي شيء؟
ضحك بداخله و لكن سكت وهو يقول:لا سلامتك و نوم العوافي
عقدت حجاجها لثواني تقول:شدراك اني بنام؟
وخر عن جواهر يمشي لـ سيارته و قال طويق:يوم خذيتك كنتي نايمه بهالوقت و عرفت انك تنامين بهالوقت
هزت راسها وهي تتثاوب بنعاس و قالت:تمام تصبح على خير
نزل نظره لـ جواله من سكرت الخط و همس يقول:و انتِ من اهلي!
ضحك لثواني و حرك سيارته باتجاه بيت عايش
-
دخلت المستشفى و سحبت جوالها تدق على ايهم و لكن م رد ،مشت لـ الاستقبال و قالت:لو سمحتي ابغى غرفة ابرايهم بن غالب الجارح
رفعت راسها موظفه الاستقبال بعد ثواني و قالت:الدور الثاني غرفة ثلاثه و ثمانين
مشت رغد لـ الدرج تركض،هي عندها فوبيا الاماكن الضيقه
وصلت لـ الطابق الثاني و وقفت تلقط انفاسها ،مسك راسها من حست بدوخه و حاولت تمشي لـ رقم الغرفه
فتحت الباب بشويش و من طاحت نظراتها على ايهم الواقف بجانب كرسي ابوه طاحت ،قرب ايهم يحاول يصحيها و لكن م فاد،مشى يطلع ينادي الممرضه تساعده ينقلونها لغرفه و يعطونها مغذي
-
طلعت حيّاه لـ الحوش و رن جوالها ،نزلت نظرها تشوف اسمه و قربت السماعه من اذنها تنطق:هلا
غمض عيونه يسمع صوتها،في كل مره ترد عليه يتجدد شعوره و يرتعش:علومك؟
ابتسمت و ارتعش جسمها من الهوى الي ارعش كتوفها العاريه:م فيه شيء جديد و انته؟
ابتسم يشوف طريقه و قال:رجعت من المستودع!وصلت البضاعة حقك لـ المشروع الجديد
ابتسمت بوسع ثغرها و قالت:كيف بس؟
أنت تقرأ
عايش لأجل حيّاه ،عايش في ظلّ حيّاه
Ficción Generalأول رواياتي حساباتي بالتواصل الأجتماعي : _irwedii « ما أسمح بنقّل روايتي » كتبت بقلم : وِد بِنت عبدالرحمن 🐆
