عايش لأجل حيّاه ،عايش في ظلّ حيّاه

الثالث

تقدمت الشغاله و حط صحن الفطور على الطاوله و قالت حيّاه وهي تسكر الابتوب:كاني حاسه و قلت لها سوي حق اثنين
تقدمت الجود تشوف الاكل و قالت:عاد جوعانه
-
نزل عايش و ناظر مسعود جالس يأكل سكره الي وجهها محيوس و ضحك يقول:عسى عافيه
ناظرته سكره و مدت يدها له و نطق مسعود:لا تاخذها بتتوسخ
تجاهله عايش يقرب و اخذها بحظنه و ضحك يقول:اموت على السيريلاك انا
قربت المربيه "جنكي":اعطيني عشان اغير لها
مد سكره لـ جنكي و قال:جيبي اغراضها الي تحتاجها لـ اربع ساعات
هزت راسها تمشي لـ غرفة الغيار و قال مسعود:وش الجدول اليوم؟
رفع نظره عايش من جواله و نطق:براحتك م عندي مشكله بس خلنا نروح نصلي الجمعه
هز راسه مسعود و جت المربيه و بيدها سكره الي مرتبه
-
دخل طويق مجلس جده الي فيه صديقه و قال الجد:معليك بجيبهم طرق عن خشومهم
عقد حاجبه طويق و نطق قاسم"صديق الجد"
قاسم بسخريه:اي متوقعين نفوسهم مالهم ولي؟خليك وراهم و خذ كل شيء يملكونه و بعدها بيجونك محتاجين لـ الريال الواحد
تافف طويق و مشى يطلع ،استند على الشجره تحت الظل و طلع جواله ابو كشاف يدق على الرقم لاول مره
ردت بهدوء و مو واضح الا صوت انفاسها النايمه و همس:بنت نايف
همهمت له و عرف انها نايمه و قال:اذا صحيتي و صحصحتي دقي علي
همست ايار تقول:مين
توتر من همسها و نطق مره اخرى:اذا صحيتي و صحصحتي دقي علي
سكر الجوال من غير م يسمع رد و هي م اهتمت او م استوعبت و سرعان و كملت نومتها
ضحك و مسح وجهه و توجه يدخل بيت جدته و ارتفع صوته يقول:ي نهله
ارتفع صوتها تناديه و دخل عندها يقول:جمعه مباركه
ابتسمت بوجه يمليه التجاعيد و قالت:علينا و عليك
عقد حاجبه و قال:م حطيتي حنا اليوم
هزت راسها بـ نعم و نطقت تقول:عمتك نامت اليوم
ابتسم و قال:انا بسوي لك بس وين الحنا عشان اعجن لك
وصفت له مكان الحنا و مشى لـ المستودع الصغير الي بجانب المطبخ و دخل يشوف الكيس الكبير من بودرة الحنا
حط كوبين بالصحن الي بيده و مشى لـ المطبخ و حط الزيت و الماء و الخ،،،
عجنه بالقفاز و غطاه لـ شوي و مشى يقول:ي نهله تعالي
مشت له و جلس خلفها و بيده قاروره زيت و بدا يدهن شعرها فيه و بعد م انتهى رفع صوته يقول:ي خميسه جيبي الحنا
دخلت وحده من المساعدات و بيدها صحن الحنا و بدا يحطه على شعر جدته
ابتسمت نهله و نطقت:الله يخليك ي ولدي و يرزقك من غير لا تحتسب و يبرد قلبك مثل م بردت راسي بهالحنا
ابتسم و فسخ القفاز بعد م غطى شعرها و باس راسها و تنهد بحب بعد م شم ريحه الحنا المتعودين عليها احفاد نهله في كل جمعه و قال:هنا فعلا صارت جمعه
نزل راسه و سحب يدها يبوس يدها و وقف يرفع اطراف ثوبه لاجل يمشي براحه و صد من شاف قاسم يطلع من مجلس جده و خلفه نايف اخوه
لف نايف يناظر طويق و اشر له بوجهه :وين ؟
رفع اكتفه طويق و رن جواله
م رد وهو يمشي لـ غرفته و دخل يغير ثوبه و طلع اغراضه من الثوب الاول و رماها على السرير
لبس الثوب الثاني و مشى يرش العطر على ثوبه و قرب من جواله يمسكه و و عض شفته يشوفها دقت لمده دقيقه بس كان متجاهلها رغم عدم معرفته بانها هي
دق عليها وهو عاض شفايفه ينتظر صوتها،م يكذب انه اشتاق لها و كثير و ابتسم بخفه من نطقت:ايوه الو
قال طويق بصوت هادئ:وعليكم السلام
حمر وجهها للحظه و نطقت تقول:تعودت اقولها
تنهد تنهيده تعبر عن مافي داخله و قالت باستغراب:متوجع؟
عقد حاجبه طويق و قال:كل من دق عليك و تنهد يعني متوجع؟~و نطق بغيره~هاذا و انتِ م تدرين من المتصل؟
ابتسمت بخفه و نطقت ايار:اكيد اني عارفه انك طويق!ولا كيف بقولك متوجع
رغم ان كلامها عادي لكن حاس نفسه يفرق عندها و قال:معلينا دقيت عليك عـ
قاطعت كلامه وهي تدهن جسمها المبلل و نطقت ايار:ليش امس م كلمتني انت؟كلمني عايش
توتر من حكيها و قال طويق:كنت مشغول
هزت راسها على كذبته و قالت :كمل كلامك
نطق طويق وهو يقول:اكلمك بعدين مشغول الحين سلام
سكر من غير م يسمع ردها و حط يده على قلبه يهدي الانهيارات الي صارت فيه بسببها تنهد
-
م تدري ليش تحس انها تميل له،هي ملاحظه تاثيرها عليه و لكن هي؟هل ممكن الي ببالها صحيح؟تنهدت تقوم تلبس ملابسها و قربت من التسريحه تتفنن بالمكياج رغم هدوءه ،م جففت شعرها و اكتفت بانها تحط جل على بدايته و مشت تلبس عبايتها و الشوز و سحبت شنطتها تطلع وهي تضبط طرحتها على كتفها
وقفت وهي تكتف يدها و قالت بغضب:باقي م جهزتو؟حروح و بسحب عليكم ترا
وقفت الجود و حيّاه و مسرّه الجالسه على الكرسي المتحرك و قالت:تأجل موعد العلاج الطبيعي بسبب ان اليوم جمعه و قلت اطلع معاكم
رفعت صوتها ايار تنادي يُسرا الي جت و صوت كعبها ينسمع بالمكان
صدت حيّاه تمشي لـ الخارج و ركبت سيارتها و الكل ركب من بعدها
انفتحت البوابه الي عاكسه بنضارة حيّاه ،ثبتت يدها على المسكه الي فوق الباب و استندت براسها عليه تناظر طريق المطعم الي حاجزين فيه