يجعلني أبكي

الفصل الثامن عشر

تقدم بقلب يخفق بقوة وهو يقف أمام باب شقتها، فالمواجهة معها أصبحت شيء لا يمكن الفِرَار منه فكلماتها ذلك تعني أنه اتخذ سيل من القرارات الخاطئة بداية من  طلاقه لها حتى زواجه بفدوى سلسلة متتابعة ومترابطة أوصلته لتربية ابنته بطريقة خاطئة وتصرفه بظلم كبير، دق 'سلطان' الباب وانتظر أن تظهر، تقدمت هي لترى من الطارق واستغربت وجوده ثم فتحت الباب قائلة :
"سلطان! رحمة حصل لها حاجه؟"

هز رأسه نافيًا وقال :
"ممكن اتكلم معاكِ شوية؟"

ابتعدت عن الباب وهي تشير له بيدها إيذانًا بالدخول وتركت الباب مفتوح واتجهت تسأله:
"تشرب أيه؟"

نظر لها وقال بوجه واجم:
"مش مهم أنا جي اسألك بخصوص القولتيه ليلة فرح رحمة."

عقدت حاجبيها قائلة:
"قولت أيه؟!"

تطلع لها وقال في لفظة واحدة:
"أني ظلمتك."

سألته بنبرة سخرية:
"أنت جي تسأل دلوقتِ بجد بعد العمر دَ كله! على العموم الأنا قولته بجد وأنت ظلمتني وأنا ه استنى ربنا ياخد لي حقي منك إن مكانش في الدنيا هيبقى في الأخرة."

تطلع لها وانفعل قائلًا:
"أزاي وأنا شايف محسن بيلبس في أوضة بنتنا القميص؟!"

اشتدت عروقها وقامت تعيد نفس القصة على مسمعه:
"قولت لك عشان أمك دلقت عليه المياه وهي الدخلته عندنا عشان يبدل هدومه وأصرت."

تطلع بها وقال يرد اتهامها:
"بس لما جيت أمي مكانتش موجودة."

أغلقت عيناها بسأم منه ثم قامت تنتفض أمامه وهي تلوح بيدها :
"لا كانت موجودة وهي السبب حسبي الله ونعم الوكيل فيك وفيها هي دلقت الميه على محسن لما كان راجع من شغله ولأنها كانت عارفه ميعاد رجوعه وميعاد رجوعك من السفر الكنت مخبيه عليا خدت بنتك وسابتها تلعب عند الجيران وعشان حظي وحظها دخل حرامي في الوقت دَ من شباك بنتنا وهو ضربه وهي عملت نفسها خايفة وجرت على الجيران ولما سألوها في أيه قالت لهم أصل مرات ابني متخانقة معايا شوية ولما لمحتك داخل جت وراك قال يعني كانت برا وعملت الفيلم بتاعها وقتها وأنت صدقت."

تطلع لها وهو يتجاهل انفعالاتها فقط يود الآن الوصول للحقيقة كي يريح باله:
"وأنتِ عرفتي منين أنها قالت كدَ لجارتنا؟"

أكملت بنفس انفعالاتها الثائرة:
"منها هي القالت لي وجبتها وجيت لك واسترجيتك تسمعها."

"وأنا أمي هتعمل معاكِ كدَ ليه."

"عشان بتكرهني مرات عمي من يوم ماخدتك وهي بتكرهني ولعلمك هي القالت لي كدَ ببوقها."

صاحت به وهي تقول :
"أنا أصلًا مش فارق معايا تصدق أو متصدقش وممكن تروح تتأكد من ابن جارتنا دَ لو لسه هناك روح قوله معلش أصلي بجري ورا عمري الضاع."