جَرح الأيهم

"الجُــرح الواحد و ثلاثون"

- جَـرح الأيهم .

لـ الكاتـِبه : أيــلان
حساب الانستا للتواصل : l.1ll8

*لا تنسى التصويت بـ نجمة +
التعليق بين الفقرات 🩶.

****************

مُلاذ :-

نزلت من سيارتي
رفعت مناظري خليتهم على شعري
اتقدمت بـ خطوات خفيفه ، رفعت راسي
دحگت لـ البيت ، هزيت راسي بـ اعجاب
طرقت الباب و ظليت واكفه بـ مكاني
مرت ثواني حتى انفتح الباب

مُلاذ : هلوو

-هلا يمه اتفضلي شلونج حبيبه

دخلت و انا اسلم عليها و بوستها
ردت انزع احذيتي لَكن خاله منعتني

-لا ابقي بيهن يمه

مُلاذ : لا خل انزعهم

-لا ابقي ابقي بيهم بعدني ما منظفة

هزيت راسي بـ قبول ، دخلت لـ جوا
دحگتله يلعب شناو
اخذت من الطاوله يلي بـ جانبي مطارة المي
مشيت ناحيته وكفت كدامه ، رفع عيونه دحگلي

مُلاذ : شكد وصلت؟

- (90)

مُلاذ : اكثر رقم اكرهه

رفع نفسه وكف ، اخذ مطارة المي من ايدي
گال و هو يعبرني متجهه لـ القنفه

-ليش؟

مُلاذ : هيج

رمى روحه على القنفه ، شرب من المطاره
اتقدمت كعدت بـ مسافة بعيده عنه

مُلاذ : يعني و الله استقبالك لـ الضيوف
كلش حلو استاذ جسار اهنيك

جسار : خل استقبل روحي اول

مُلاذ : حلو البيت و خوش منطقة
اخوانك وين ؟

جسار : صحيح حتى انا عاجبني
بس راح يصير احلى لو متت بي
طالعين اخواني كلهم