جَرح الأيهم

"الجُــرح الثاني و ستون"

- جَـرح الأيهم .

لـ الكاتـِبه :- أيــلان
حساب الانستا للتواصل :- l.1ll8
يوزر قناة التلي :- allonat07

*لا تنسى التصويت بـ نجمة "☆".
*التعليق بين الفقرات "✍︎︎" .

• قِـراءة مُمتعه ꨄ.

****************
"و ظَل گلبي بـ أمل ترجَع وألاگيك
و گلت خله بـ أمل ما أحچي خله
محضرلك لَحن ما سامعه العُود
مثل الريح يعزف علَ الگذله
و طلع كل الرسمته أوهام بـ أوهام
أرسم علَ الظَلام بـ قَلم كحله ! "
****************

مُلاذ :-

مغمضه عيوني ، طمأنينة تحتل جوف قَلبي
راسي على التربة ، فتحت عيوني
ذبيت نَفس بـ راحة ، رفعت نَفسي
گعدت على السجادة بـ سكون و هدوء
أفترت عيوني بـ أرجاء الصاله

گمت بـ هدوء من على السجادة
نزعت أيزار الصلاة ، لميت السجادة
خليتها على الميز

أتقدمت گعدت على القنفة
شغلت الفيديو و بقى ينعاد
كل مرة تتوسع أبتسامتي و أنا أسمع لـ صوته

-أحبچ لَـذتي

مُلاذ : ما أحبك وخر خل أصور لـ ملاك المنظر

أيهم : دشوفيني هياتني شلون منظر يخبل

مُلاذ : الله يبعدنا